१ पत्रुस 2:21 - घले नयाँ करार

²¹ चेनेयलो अम्‍ब काम फरने परमेश्‍वरदे नमयूने क्‍व ख्यङ्। ख्रीष्‍टदेये नमयूजे लागि सकस् भोक्‍तीदे, होर्‌दे नमयूजे लागि नमूनात्‍या पीने ख्यङ्, मेस्‍ये नमयू ङूदे तनब लम्‍ने प्र पर्‌दीय।

१ पत्रुस 2:21 ပူးပေါင်းရင်းမြစ်များ

मत्ती 10:38

सू रङ्से क्रूस प्‍लेत्‍देबे ङैजे ङ्‍ये-ङ्‍ये अम्प्र, हम्‍ब ङैजे स्यूस्स्या क्‍यूरब लायकजे त्‍वो।

मत्ती 11:29

नैफ्‍याने ङैजे जूवा येत्‍देबे ङैप्रे लोम्, चेनेयलो ङैजे सेम् सोरो ङ्येमब मेस्ये अन्‍त्‍वेब ख्यङ्, मेस्‍ये नमयूदे रङ्से आत्माने गैन सङ प्रेक्क्‍य।

मत्ती 16:24

होर्‌दे येशूदे रङ्से स्यूस्स्यायूने यदे, “कादेये कोइ मी ङैजे ङ्येदे रस्‍येमन्‍लो, ङूदे रङ्सेने माया मर्‌दीस्‍य, मेस्‍ये रङ्से क्रूस प्‍लेत्‍देबे ङैजे ङ्‍येदे रस्‍य।

लूका 24:26

ख्रीष्‍ट रङ्से महिमाने प्र यली खूम् अम्‍ब सकस् भोग्‍दे पर्‌दे ते स्व?”

यूहन्‍ना 13:15

चेनेयलो ङैदे नमयूने नमूनात्‍या पीन ख्यङ्, मेस्‍ये ङैदे नमयूने च चीम्‍मीदे नमयूदेये होरप्रने ची।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

मूल स्यूस्स्यायूजे कामजे किताब 17:3

ङूदे धर्मशास्त्रदे प्रमाण पीन्‍देबे थमयूने येर्‌बे स्‍योत्‍दे, “ख्रीष्‍टदे छर्‌ङ प्रेत्‍देबे सीब पर्‌तेख्‍यङ्, मेस्‍ये सोम्‍बो क्‍यूर पर्‌ते ख्‍य, होर्‌दे ङैदे प्रचार चेब येशू हम्‍ब ख्रीष्‍ट ख्यङ्।”

मूल स्यूस्स्यायूजे कामजे किताब 9:16

चेनेयलो ङैजे मीन्जे कारण ङूदे कोला सकस् भोक्‍ते पर्‌दीय, हम्‍ब ङ ङूने तम्‍मीय।”

रोमी 8:29

सू-सूने ङूदे खूम्‍देमेस्‍येने सेल ख्यङ्, ङूदे थमयूने रङ्से चप्रने क्‍यूरने कूम च्योन्‌यू नङ्ने ख्रीष्‍ट जेठ क्यूस्स्ये पीनने खूम्‍मेस्येने खेर्‌दीपीदे।

१ कोरिन्थी 11:1

ङ ख्रीष्‍टदे चेप्रने चीक्‍क्‍य, नमयूदेये ङैदे चेप्रने ची।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

फिलिप्पी 2:5

नमयूजे सेम् ख्रीष्‍ट येशूजे सेम्प्र क्‍यूस्‍स्‍य।

१ थेसलोनिकी 3:3

होर्‌दे अम्‍ब सकस्‌यूदे चीत्‍देबे सूजेये सेम् अन्‍सीस्‍य। नमयू रङ्सेने थाने ख्यङ्, यी अम्‍बजे लागि ङीन खर्‌दीये ख्यङ्।

१ थेसलोनिकी 4:2

चेनेयलो प्रभु येशूदे ङीने पीनेब आज्ञायू च-च ख्‍य हम्‍ब ङीदे नमयूने पीन्‍दे। अम्‍ब नमयूने थाने ख्यङ्।

२ तिमोथी 3:12

ख्रीष्‍ट येशूने क्यूत्देबे परमेश्‍वरने सेम् पर्‌तेब जीया चब सेम् चेयू क्‍वादेने सतनम् प्रेने प्रेक्‍क्‍य।

हिब्रू 2:10

परमेश्‍वरदे साप्‍ता थोकयू सृष्‍टि चीत्‍दे, मेस्‍ये साप्‍ता थोक ङूजे लागि बन्‍दीदे। ङूदेने रङ्सेजे कूम च-चीमीयूने महिमाने रेजे लागि चून्तीदे। होर्‌दे थमयूने मुक्ति पीनजे लागि परमेश्‍वरदे येशूने सकस‌्यू भोक्‍तीस्‍ये पीन्‍देबे सिद्ध चीम्‍मेब पो सोरो ठीक ख्य।

१ पत्रुस 1:20

सृष्‍टि चेयली खूम्‍ने परमेश्‍वरदे ङूने सेल ख्‍य, तर अम्‍ब आखिरी दिनने नमयूजे लागि ङू तङ्‍रदे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ पत्रुस 3:9

कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 4:1

ख्रीष्‍टदे रङ्से ङ्वने केर्‌बे सकस् भोक्‍तीदे होरप्रने नमयूदेये दु:ख भोक्‍तेब सेम् ची, चेनेयलो सूदे रङ्से ङ्वने दु:ख भोक्‍तीक ख्यङ्, हम्‍बदे पापजे कामयू चेने क्‍याबेब क्‍यूक्‍क्‍य।

१ पत्रुस 4:13

तर ख्रीष्‍टजे सकस् भोक्‍तेबने सामेल् क्यूत्देबे नमयूदे सकस् भोक्‍ते पर्‌तीब तङ्, येरे ङूजे महिमा तङ्‍रब नमयूये आनन्द मेस्‍ये सूग खूस्‍य।

१ यूहन्‍ना 2:6

परमेश्‍वरप्रे ख्यङ् यब मीजे आनिबानि ख्रीष्‍टजेप्रने क्‍यूर पर्‌दीय।

१ यूहन्‍ना 3:16

ख्रीष्‍टदे ङीनजे लागि रङ्से प्राण पीन्‍दे, अम्‍बदेने प्रेम यब च यदेबे ङीनदे कोय। ङीनदेये रङ्से अत-अची च्योन्‌यूजे लागि रङ्से प्राण पीन पर्‌तीय।

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।