१ पत्रुस 2:20 - घले नयाँ करार

²⁰ चेनेयलो नमयूदे अन्‍ज्‍य काम फर्‌कदेबे ठरीब धेरेन् क्‍यूत्‍देबे सैदीय-यलो नमयूने चे फाइदा क्‍यूक्‍क्‍य स्‍व? तर नमयूदे सोरो ज्‍य काम फर्‌देबेये सकस् भोक्‍ते पर्‌तीब धेरेन् क्‍यूत्‍देबे सैदीलो परमेश्‍वरदे अम्‍बजे लागि असी पीन्‍क्‍य,

१ पत्रुस 2:20 ပူးပေါင်းရင်းမြစ်များ

मत्ती 26:67

होर्‌दे थमयूदे येशूजे त्‍वाने छ्‌योम थर्‌देबे मूर्‌कीदे खान्‍दीदे, मेस्‍ये त्‍या ङ्‍हीदे यरे यदेबे तैपदे ठरीदे।

मत्ती 5:47

नमयूदे रङ्से अत-अची च्योन्‌यूने त्‍या नमस्‍कार चीत्‍दे यलो सूजो मीयूदे यली थेप् च चीत्‍दे स्व? परमेश्‍वरने अन्स्‍येब मीयूदेये होरे अन्‍चेया?

मर्कूस 14:65

होर्‌दे कोइ-कोइदे येशूने छ्‌योम थर्‌दे, मेस्‍ये ङूजे त्‍वा उप्‍देबे ङूने ठरीदे यदे, “लो य, नने ठरेब मी सू?” होर्‌देङ्‌येदे सिपाईयूदे ङूजे जिम्मा कीन्‍दे, मेस्‍ये ङूने ठरीदे।

लूका 6:32

“नमयूने प्रेम चेयूनेत्‍या प्रेम चील्‍लो नमयूने चै फाइदा क्‍यूत्‍दे? चेनेयलो पापीयूदेये रङ्सेने प्रेम चेबयूप्रे प्रेम चीक्‍क्‍य।

१ कोरिन्थी 4:11

दीनीसेमेने ङी च-थूङ अम्‍प्रेत्‍देबे ठीले-ठीले प्रेन ख्यङ्, ह्‍वेब कोलायू क्‍वाने प्र्याङ्ये ख्यङ्, मीजे ला चेक ख्यङ्, मेस्‍ये कीम्-नम् त्‍वब ख्यङ्।

गलाती 4:18

ज्‍य काम फरने जोस् चीन्‍नूलो ज्‍य पो ख्यङ्, तर ङ नमयूप्रे ख्यङ्ब त्‍यामे येर फर्‌नूलो हम्‍ब ज्‍य दी।

एफिसी 5:10

मेस्‍ये प्रभुने सेम् पर्‌देब च ख्यङ् हम्‍ब लोमने बोङ् ची।

फिलिप्पी 4:18

ङैदे प्रेपर्‌ते यली थेप्ने प्रेक्‍क ख्यङ्। नमयूदे एपाफ्रोडिटसजे लाने चङ्बेब हम्‍ब दान परमेश्‍वरने सेम् पर्‌तेब, लेम् बस्न रब मेस्‍ये सूग्‍लाबे चेब बलिप्र ङैदे प्रेत्‍देबे बेस्‍से सूग ख्यङ्।

१ पत्रुस 2:19

नदे ज्‍य काम फर्‌लीने अन्याय क्यूरब सकस् प्रेप्प परमेश्‍वरजे इच्छा मन्देबे सैदीदे-यलो परमेश्‍वरदे नने असी पीन्क्य।

१ पत्रुस 3:14

तर कादेये ज्‍य काम चेजे लागि दु:ख भोक्‍ते पर्‌तीलीने परमेश्‍वरदे नमयूने असी पीन्‍क्‍य। हम्‍बयूदे धम्‍की पीन्‍ब फ अम्‍पर्‌ती, मेस्‍ये सूर्‌त चीन्‍न अम्‍पर्‌ती।

१ पत्रुस 3:17

कादेये नदे सकस् भोक्‍तीस्‍य यब परमेश्‍वरजे इच्‍छा ख्यङ्देयलो, अन्‍ज्‍य काम चीत्‍देबे सकस् भोक्‍ते यली ज्‍य काम चीत्‍देबे दु:ख भोक्‍तेब सोरो ज्‍य ख्यङ्।