१ पत्रुस 2:17 - घले नयाँ करार

¹⁷ मीयू क्‍वानेने गेसेन् ची। रङ्से अत-अजी-च्योन्‌यूने प्रेम ची। परमेश्‍वरप्रे फ पर्‌तीय। मूरुम्ने गेसेन् ची।

१ पत्रुस 2:17 ပူးပေါင်းရင်းမြစ်များ

मत्ती 22:21

थमयूदे येशूने यदे, “कैसरजे फोटो।” होरदे ङूदे थमयूने यदे, “येरेक्‍यूत्‍देबे कम्‍ब से कैसरजे ख्यङ्, हम्‍ब कैसरने पीन्, मेस्‍ये कम्‍ब से परमेश्‍वरजे ख्यङ् हम्‍ब परमेश्‍वरने पीन्।”

यूहन्‍ना 13:35

कादेये नमयूदे त्‍यादे त्‍याने प्रेम चील्‍लो, हम्‍ब काम‍देने नमयू ङैजे स्यूस्स्यायू टूङ् यदेबे क्‍वादेने था प्रेक्‍क्‍य।”

रोमी 12:10

रङ्से अत च्‍योनने चेब प्रेमप्र त्‍यादे त्‍याने प्रेम ची। रङ्सेने यली सूजोजे गेसेन् ची।

रोमी 13:7

सू-सूने खी फा पर्‌दे ख्यङ् फाबी स्‍यर्‌म फा पर्‌देब ख्यङ्लो स्‍यर्‌म फाबी, तीरो फा पर्‌देबने तीरो फाबी, गेसेन् चे पर्‌दे मीने गेसेन् ची, मेस्‍ये हुकुम चील्‍लेब मीजे पो ङ्‍यीन्।

२ कोरिन्थी 7:1

येरेक्‍यूत्‍देबे ङैजे छेब ख्योन्‌यू, ङीनदे अम्‍ब कबुलयू प्रेत्‍देबे ङीनजे ङ्व प्रे आत्‍माने अन्‍ज्‍य चेब साप्‍ता थर्‌जे सेयू चैये अन्‍चील्‍लाबे रङ्सेने शूद्ध चीदे, मेस्‍ये परमेश्‍वरजे डर येत्देबे पूरा रुप्दे पवित्र क्‍यूप्‍पे।

एफिसी 5:21

ख्रीष्‍टजे मान्-गेसेन् चीत्देबे त्‍यादे त्‍याजे हक नङ्ने टूङ्।

फिलिप्पी 2:3

रङ्सेजे इच्छात्‍या लेत्‍देबे या केन् त्‍वोत्‍देबे चैये अन्‍चील्‍लाची, तर चीद स्यूलूक्कै क्‍यूत्‍देबे रङ्सेने यली सूजोयूने थेप् गेसेन् ची।

१ तिमोथी 6:1

त्वो-त्वोमयू क्वादेने रङ्से मालिकजे साप्‍ता पोने मन्‍दे पर्‌दे ख्यङ् यदेबे मन्। हम्‍बदे परमेश्‍वरजे मीन् मेस्ये ङीनदे पीनब शिक्षाजे बदनाम क्यूस्स्ये त्वो।

हिब्रू 13:1

नमयू अत-अची च्योन्‌यूप्र क्‍यूत्‍देबे त्‍यादे त्‍याप्रे प्रेम चीन्‍नू।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 2:13

प्रभुने गेसेन् चेजे लागि हक चील्‍लेब मीयूजे नङ्ने टूङ्, हम्‍ब पात्‍ता नङ्ने केन् मूरुम् क्‍यूल्‍लीने,

१ पत्रुस 5:5

येरप्रने चम्‍च-स्‍योर्‌बयू, रङ्से यली केन् मीयूजे हक नङ्ने टूङ्। त्‍यादे त्‍याजे हक नङ्ने टूङ्दे नमयू क्‍वाने स्यूलूक्कै क्‍यूत्‍देबे टोङ्। चेनेयलो, “परमेश्‍वरदे केन्-त्‍वेब मीयूजे विरोध चीक्‍क्‍य, तर स्यूलूक्कै क्‍यूरब मीयूने अनुग्रह चीक्‍क्‍य।”