१ पत्रुस 2:15 - घले नयाँ करार

¹⁵ मूर्ख मीयूदे पो अन्कोलाने क्‍यमब पोयू नमयूजे सोरो ज्‍य कामदे ङूर्‌ ल्‍वा अङ्ख्‍व चीप्‍पी, परमेश्‍वरजे इच्‍छा अम्‍बने ख्यङ्।

१ पत्रुस 2:15 ပူးပေါင်းရင်းမြစ်များ

मत्ती 25:2

थमयू नङ्ने कन्‍या ङब बुद्धि त्‍वब, मेस्ये कन्‍या ङब बुद्धि ख्‍यब ख्‍य।

मत्ती 7:26

सूमीदे ङैजे अम्‍ब- वचन ङ्‍यीन्देबेये अम्‍मन्‍दी, हम्‍बब पीस फ्‍याने रङ्से कीम् बन्‍देब मूर्ख मीत्‍याप्रे कर्‌क्य।

रोमी 1:21

थमयूदे परमेश्‍वरने स्‍येदेबेये परमेश्‍वरने चे पर्‌देब गेसेन् अन्‍ची, थमयूदे परमेश्‍वरने धन्यावाद अम्पीन्, थमयू रङ्से विचारने काम अन्‍लादेब क्यूत्देबे थमयूजे मूर्ख सेम्ने मून्‍दूङ् क्‍यूत्‍दे।

गलाती 3:1

मूर्ख गलातीयू, नमयूने सूदे होम्‍कदे? नमयूजे म्‍यादे तङ्लाबेने येशू ख्रीष्‍ट क्रूसने खील् ठोक्‍दीदेबे पील्‍कब पो चेलाबे स्‍योदे ख्‍य।

१ थेसलोनिकी 4:3

चेनेयलो परमेश्‍वरजे इच्‍छा नमयू पवित्र क्‍यूस्‍स्‍य मन ख्यङ्। हम्‍ब यब अम्‍ब ख्यङ् यी नमयू वेश्य काम अन्‍चील्‍लाची।

१ थेसलोनिकी 5:18

कर बील रलीने धन्‍यवाद पीनब क्‍यूर्, चेनेयलो ख्रीष्‍ट येशूने विश्‍वास चेब नमयूजे लागि परमेश्‍वरजे इच्‍छा अम्‍बने ख्यङ्।

१ तिमोथी 1:13

खूम् ङैदे न-पूत्दे, छरङ् पीन्‍दे मेस्‍ये लेत्‍तीङ् अन्‍डदेबे ङूजे बेइजत चीत्‍दे, तर ङैदे अम्‍ब कामयू क्वाने अन्‍स्येदेबे मेस्‍ये प्रभुने अम्‍मन्देब बीलने चेब कारण ङैदे कृपा प्रेत्‍दे।

तीतस 2:8

शिक्षा पीन्ब तम्दम् मेस्‍ये ज्‍य बोली ची, सूदेये पो च अन्ख्वब पक्‍क शिक्षायू पीन्। होरेक्‍यूल्‍लो शत्रुयूये चैये य अन्‍खूदेबे रङ्सेने त्‍वा पर्‌दीस्य।

तीतस 3:3

चेनेयलो त्‍याफे ङीनये मुर्ख, यब अन्-ङ्‍यीन्, सीत्‍तीने ट्वाब, थर्-थर्‌जे अन्ज्‍य वेश्य काम मेस्ये मोज-मजाने फस्तीकब ख्य। नमयू दुष्‍ट मेस्ये ठेनब कामने दिन चब, मीदे घिन चीक्‍कब मेस्ये त्‍यादे त्‍याने घिन चेबयू ख्‍य।

१ पत्रुस 2:12

यहूदी तेब मीयूजे अन्‍द्रने नमयूजे आनि-बानी सोरो ज्‍य क्‍यूस्‍स्‍य। कोइदे नमयूने अन्‍ज्‍य काम फरब मीयू यदेबे नमयूजे विरुद्ध चीत्‍देबे क्‍यम्‍लीने, थमयूदे नमयूजे सोरो ज्‍य कामयू तङ्स्‍य, मेस्‍ये परमेश्‍वर न्याय चेने रब दिनने थमयूदे परमेश्‍वरजे महिमा चीस्‍स्‍य।

१ पत्रुस 3:16

नमयूजे विवेक शुद्ध यी, येरेक्‍यूल्‍लो नमयूने क्‍वा क्‍यमबयू मेस्‍ये ख्रीष्‍टने नमयूजे आनिबानि ज्‍य तङ्देबे न-प्‍वेब मीयू त्‍वा पर्‌तीस्‍य।

१ पत्रुस 3:17

कादेये नदे सकस् भोक्‍तीस्‍य यब परमेश्‍वरजे इच्‍छा ख्यङ्देयलो, अन्‍ज्‍य काम चीत्‍देबे सकस् भोक्‍ते यली ज्‍य काम चीत्‍देबे दु:ख भोक्‍तेब सोरो ज्‍य ख्यङ्।

१ पत्रुस 4:2

येर्‌बे हम्‍ब मीदे रङ्से ङ्वने जीया चेनूतासेमे फेरि मीजे अन्‍ज्‍य इच्छाने दी, तर परमेश्‍वरजे इच्छाने जीया चैय।

२ पत्रुस 2:12

तर अम्‍ब मीयू रङ्सेदे क्‍व-अङ्ख्‍वब पोयूजे न-पूक्‍क्‍य। अम्‍ब मीयू विवेक त्‍वब रोलायूप्र ख्यङ्, अन्‍ज्‍य इच्‍छादे थमयू कबूने येक्‍क्‍य। थमयू, ङ्‍येप्‍देबे सेजे लागि जन्मीदेयूप्र ख्यङ्, मेस्‍ये रोलायूप्र थमयू नाश क्‍यूक्‍क्‍य।

यहूदा 1:10

तर अम्‍ब मीयू रङ्सेदे क्‍वने अन्ख्‍वब पोयूने विरोध चीत्‍देबे ठट्टा चीक्‍क्‍य, होर्‌दे बुद्धि त्‍वब रोलायूजेप्र रङ्सेदेने रब ज्ञानदे स्ये ख्वब पोयूदेने थमयूने नाश चीक्‍क्‍य।