१ पत्रुस 1:6 - घले नयाँ करार

⁶ चूजो नमयूदे तेदिन‍जे लागि उलीउलीजे कष्‍ट च-पर्‌दीलीने अम्‍ब पोयूने नमयू आनन्द चीन्‍नू।

१ पत्रुस 1:6 ပူးပေါင်းရင်းမြစ်များ

मत्ती 11:28

“ओ क्‍वी ले प्‍लेत्‍देबे थल्लीनब मीयू ङैट्‌याने ख, ङ नमयूने गैन सङ्स्ये पीन्‍क्य।

मत्ती 26:37

येशूदे पत्रुस मेस्ये जब्दियाजे च ङ्‍हीने स्‍योल्‍गीदे होरदे येशू सोरो पीर्‌ पर्‌दीदेबे चैर्‌बे क्यूत्‍दे।

मत्ती 5:12

हन्‍छ्वाब तङ्, मेस्‍ये बेस्‍से सूग्, चेनेयलो स्वर्गने नमयूजे इनाम केन् क्‍यूक्क्‍य। चेनेयलो येर्‌बेने नमयूयली खूम्‍जे अगमवक्तायूने थमयूदे सतनम् चे ख्‍य।

लूका 1:47

मेस्‍ये ङैजे आत्‍मा, ङैने मुक्ति पीनब परमेश्‍वरप्रे सूग ख्यङ्।

लूका 10:20

होरेक्‍यूल्‍ली, अन्‍ज्‍य आत्मायू नमयूजे लाने ख्यङ् यदेबे सूग दी, तर नमयूजे मीन् स्‍वर्गने लिख्दीये ख्यङ् यदेबेत्‍या सूग्।”

लूका 2:10

होर्‌दे स्‍वर्गदूतदे थमयूने यदे, “अम्‍फलाची, चेनेयलो ले, ङ नमयूने सोरो आनन्दजे सूगब खबर स्‍योक्‍क्‍य, अम्‍ब मीयू क्वाजे लागि क्‍यूक्‍क्‍य।

यूहन्‍ना 16:22

येरप्रने चूजो नमयूने रप् क्‍यूक्‍क्‍य, तर फेरि ङैदे नमयूने तूय, मेस्‍ये नमयूजे सेम् आनन्द क्‍यूक्‍क्‍य। होर्‌दे नमयूदे प्रेब आनन्द सूदेये लेन्‍कीस्‍ये त्‍वो।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

रोमी 12:12

नमयूदे आशा चीन्‍नब सेने सूग, सकस् पर्‌दीरब सैदी, मेस्‍ये येतार्‌ने प्रार्थना चीन्‍नू।

रोमी 5:11

हन्‍छ्वात्‍या दी, तर ङीन्‍जे प्रभू येशू ख्रीष्‍टने क्‍यूत्‍देबे परमेश्‍वरप्रे सूग्‍न प्रेख्यङ्, चेनेयलो ङूदे चीत्‍देबे जेम्से ङीन परमेश्‍वरप्रे मिलाप क्यूरप्रे ख्यङ्।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

रोमी 9:2

ङैजे सेम्ने सोरो शोक् मेस्‍ये कलङ्नेयली सेम् ठोन ख्यङ्।

२ कोरिन्थी 4:17

चेनेयलो ङीदे खात्‍या ङ्यूक्‍लीत्‍या प्रेब सकस्दे ङीने कलङ्बेये अन्‍जेनब पात्‍ता केन् महिमा तयार चीन्‍न ख्यङ्, अम्‍ब सकस्‍यली हम्‍ब महिमा केन् ख्यङ्।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

फिलिप्पी 2:26

चेनेयलो ङूदे नमयू क्‍वाने सोरो तूतीङ् र ख्यङ्। नमयूदे ङू न-छ क्‍यूर ख्यङ् यब पो तदेबे ङू सोरो सूर्‌त चीन्‍न ख्यङ्।

फिलिप्पी 3:3

तम्दम् खतना चीक्‍कब मीयू ङी ख्यङ् चेनेयलो पवित्र आत्‍मादे पीनब शक्तिदे परमेश्‍वरने ङी पूस्‍तीय मेस्‍ये ख्रीष्‍ट येशूदे च-चीम्‍मीदे हम्‍बजे लागि ङी केन् त्‍वोक्‍क्‍य, मेस्‍ये फीने तङब छ्‍यप्‌यूने ङी भर् अम्पर्‌ती।

फिलिप्पी 4:4

येतार्‌ने प्रभुप्रे बेस्‍से सूग्नू। ङ फेरि यीय, बेस्‍से सूग्‍नू।

१ थेसलोनिकी 1:6

नमयू ङीजे मेस्‍ये प्रभुजे के थाब क्‍यूत्‍दे, चेनेयलो नमयूने कूम सतनम् क्‍यूल्‍लीने पवित्र आत्मादे पीनब आनन्दने सूगब खबर ङ्यीन्‍देबे सेम्‍ने यीत्‍दे।

याकूब 1:2

ङैजे अत-अजी च्योन्‌यू, नमयू फ्‍याने परी-परीजे भबी-तबी पर्‌दीरब नमयूजे सेम् थेप् सूग्‍नू।

याकूब 1:9

दूख्‍प्रेन्‍नब विश्‍वासीयूने परमेश्‍वरदे असी पीन्‍देबे तो लङ्ब सूग खूस्‍य,

याकूब 4:9

सेम् पोन्, शोक् ची, मेस्‍ये म्‍यामू तल्देबे ङू। नमयूजे रीगब पो क्यापीदेबे शोक् ची, मेस्‍ये नमयूदे प्रेब आनन्दजे पोब क्यापीदेबे सेम् पोनब क्‍यूर्‌।

१ पत्रुस 3:17

कादेये नदे सकस् भोक्‍तीस्‍य यब परमेश्‍वरजे इच्‍छा ख्यङ्देयलो, अन्‍ज्‍य काम चीत्‍देबे सकस् भोक्‍ते यली ज्‍य काम चीत्‍देबे दु:ख भोक्‍तेब सोरो ज्‍य ख्यङ्।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।