१ पत्रुस 1:4 - घले नयाँ करार

⁴ स्वर्गने नमयूजे लागि कलङ्बेये नाश अन्‍क्‍यूप्‍पब बेस्‍से कूम असी हीते ख्यङ्, हम्‍ब शुद्ध मेस्‍ये अन्‍रूल्‍बब खल्‍जे ख्यङ्।

१ पत्रुस 1:4 ပူးပေါင်းရင်းမြစ်များ

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मर्कूस 10:17

येशू लम्ने प्रेनूब, मीत्‍या ग्येरदेबे ङूजे खूम्‍ने पूजी चोदेबे ङूने लोत्‍दे, “ओ ज्‍यब गुरु, कलङ्बेये अन्सीबब जीया प्रेने ङैदे च चे पर्‌दीय?”

मूल स्यूस्स्यायूजे कामजे किताब 20:32

“जेम्से ङ नमयूने परमेश्‍वरजे लाने सूम्‍दीपीय। ङूजे अनुग्रहदे फ्‍यायेब सूगब खबरजे भर्‌ने क्‍यापीय। अम्‍ब वचनदे नमयूने विश्‍वासने बोल्‍यो बन्‍दीय मेस्‍ये रङ्सेजे पवित्र मीयूने असी प्रेब चीक्‍क्य।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 8:17

कादेये ङीन ङूजे च-चीमी यीय यलो, परमेश्‍वरदे रङ्से मीजे लागि फूङ् चीत्‍देब असीजे हकये प्रेक्‍क्‍य। मेस्ये ख्रीष्‍टप्रेने गोसारी हक प्रेक्क्य। ङूजे दु:खने ङीन सामेल् क्यूक्‍क्य यलो ङूजे महिमानेये ङीनयू सामेल् क्‍यूक्‍क्‍य।

१ कोरिन्थी 9:25

खेल क्‍याने सामेल् क्‍यूरबयू क्‍वादेने साप्‍ताकूरूने होस्स्यार क्‍यूत्‍देबे नियम नङ्ने टूङ-पर्‌तीय। थमयू नाश क्‍यूत्‍देबे प्रब मुकुट प्रेने येरे चीक्क्य, तर ङीनब कलङ्बेये नाश अन्‍क्‍यूप्‍पब मुकुट प्रेने येरे चीक्क्य।

गलाती 3:18

परमेश्‍वरदे पीन्‍क्‍य यब हक मोशाजे नियम मन्‍दीदे प्रेक्‍क्‍य यलो हम्‍ब कबुलने दी। तर अम्‍ब परमेश्‍वर‌दे कबुल चीत्‍देबे अब्राहामने पीन्‍क ख्यङ्।

एफिसी 1:11

चेनेयलो साप्‍ता पोने परमेश्‍वरजे योजना मेस्‍ये फैसला क्‍यूर ख्यङ्। परमेश्‍वरदे ङीनने ङूजे खुशीदे ख्रीष्‍टने क्‍यूत्‍देबे रङ्से मी चेने सेल्दे। अम्‍ब योजनाब मीयूङ्ने फैसला चीक्‍क ख्‍य।

एफिसी 1:14

परमेश्‍वरजे रङ्से सम्पत्ति, या ङीनयूदे ङीनजे पूरा उद्धार अम्‍प्रेत्‍दासेमे ख्रीष्‍टजे महिमाजे जै-जै चेजे लागि पवित्र आत्मा ङीनजे हक प्रेबजे बैना ख्यङ्।

एफिसी 1:18

ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

कलस्सी 1:12

ओथ्याङ्जे राज्‍यने परमेश्‍वरजे पवित्र मीयूदे प्रेब हक ङीनयूनेये प्रे ख्‍व चीम्‍मेब पने सूग्‍देबे धन्‍यवाद पीने।

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

कलस्सी 3:24

चेनेयलो नमयूने प्रभुदे कबुल चेब इनाम पीन्क्य यदेबे था ख्यङ्। नमयूदे प्रभु ख्रीष्‍टजे सेवा चीन्‍न ख्यङ्।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

हिब्रू 10:34

नमयूदे कैदने ख्यब मीयूने दया तन्दे, मेस्‍ये रङ्सेजे सम्पत्ति लूर्‌तीकीली सूगे-सूगे सैदीनूदे, चेनेयलो झन् थेप् येतार्‌ने क्‍यून्‍नब केन् सम्पत्ति रङ्सेप्रे ख्यङ् यब पो नमयूदे स्‍ये ख्‍य।

हिब्रू 9:15

येरेक्‍यूत्‍देबे परमेश्‍वरदे सेलबयूने कलङ्बेये नाश अन्‍क्‍यूप्‍पब हक पीनने, पदे चेब कबुल प्रेस्‍स्‍य यदेबे अम्‍ब सर्‌ करारजे लागि चजो-पजो चेब ख्रीष्‍ट क्‍यूर ख्यङ्। चेनेयलो खूम्‍जे करारजे बीलने मीयूदे चीक्‍कब पापदे जेम्से मुक्ति प्रेक्क्य चेनेयलो अम्ब कामजे लागि ख्रीष्‍ट सीयेजन्‍क ख्यङ्।

याकूब 1:11

चेनेयलो सोरो ठ्वब मीया प्‍ल्‍यारीय, मेस्‍ये स्‍यू खर्‌लाबे चीप्‍पीय। हम्‍ब ज्‍य तङ्नब मीन्‍ता सने तल्‍देबे खर्‌‍बीय। होरप्रने फ्‍योबो मीये रङ्से काम धन्द चीन्‍नूबने जीया प्रीय।

१ पत्रुस 3:9

कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 5:4

मेस्‍ये कन्‍छ्वाब प्रङ्बयूजे मूली तङ्‍रीय, हन्‍छ्वाब नमयूदे कलङ्बेये अन्‍रूल्‍बब महिमाजे पक्‍रीप्र मुकुट प्रेक्क्य।

प्रकाश 21:27

तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।