१ पत्रुस 1:22 - घले नयाँ करार

²² जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 1:22 ပူးပေါင်းရင်းမြစ်များ

यूहन्‍ना 15:17

नमयू त्‍यादेत्‍याने प्रेम ची, यदेबे ङ नमयूने आज्ञा पीन्क्‍य।

यूहन्‍ना 15:3

ङैदे नमयूने यब वचनदे नमयू तरने शुद्ध क्‍यूरीक ख्यङ्।

यूहन्‍ना 17:17

नैजे सत्यदे थमयूने पवित्र चीम्‍मी, नैजे वचन सत्य ख्यङ्।

यूहन्‍ना 17:19

थमयूजे लागि ङ रङ्सेने पवित्र चीक्‍क्‍य, चेनेयलो थमयूये तम्दम्‍ने पवित्र क्‍यूस्‍स्‍य।

मूल स्यूस्स्यायूजे कामजे किताब 15:9

परमेश्वरदे थमयू प्रे ङीनजे अन्‍द्रने क्वानेने सागपूजा अन्‍ची, तर थमयूजे सेम्जे विश्‍वास चेब क्यूत्देबे शुद्ध चीम्मीदे।

मूल स्यूस्स्यायूजे कामजे किताब 6:7

परमेश्‍वरजे वचन थेप्थेप् फ्याइ, मेस्‍ये यरूशलेमने स्यूस्स्यायूजे संख्या सोरो कूम क्यूट्‍टदे। पूस्‍र्‌यायू नङ्जे कूमदे अम्ब विश्‍वासने ग्रहण चीत्‍दे।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 2:8

तर रङ्सेजे लागि त्‍यामे ह्‍‍वे चेब, चैसे ठीक ख्यङ् हम्‍बने अम्‍मन्‍दी, मेस्‍ये चैसे अन्‍ज्‍य ख्यङ्, हम्‍ब कामने लादेबयू फ्‍याने परमेश्‍वरजे छ्‍यी मेस्‍ये छी पर्‌दीरीय।

रोमी 8:13

चेनेयलो नमयूजे पापी स्वभावदे मनप्र प्रदेयलो, नमयू सीबीय, तर कादेये पवित्र आत्‍माजे बोङ्दे पापी स्वभावदे चेब कामयूने नाश चीक्‍क्‍ययलो, नमयू सोम्‍बो क्‍यूक्‍क्‍य।

२ कोरिन्थी 6:6

चैये दोष त्‍वब क्‍यूप्‍प, ज्ञान‍ने, धेरेन् क्‍यूत्‍देबे टूङ्ब, दयाने, पवित्र आत्‍माने, छल् त्‍वब प्रेमने,

गलाती 3:1

मूर्ख गलातीयू, नमयूने सूदे होम्‍कदे? नमयूजे म्‍यादे तङ्लाबेने येशू ख्रीष्‍ट क्रूसने खील् ठोक्‍दीदेबे पील्‍कब पो चेलाबे स्‍योदे ख्‍य।

गलाती 5:5

चेनेयलो पवित्र आत्मादे ङीनने विश्‍वास चीस्‍स्‍ये पीन्‍देबे परमेश्‍वरजे खूम्‍ने धर्मी ठर्‌तीमेजे लागि आशा चीत्‍देबे लम् लेन्‍नब चीम्‍मीय।

गलाती 5:7

नमयू चेलाबेने ग्येबीन ख्य। सूदे नमयूने परमेश्‍वरजे सत्य वचन मन्‍दीसे अम्‍पीन?

एफिसी 4:3

शान्तिजे बन्‍धन्‍ने पवित्र आत्माने त्याने क्‍यून्‍नजे लागि बोङ् ची।

फिलिप्पी 1:9

ज्ञान मेस्‍ये ज्‍य अन्‍ज्‍य चेलाबे सेल ख्‍वब बुद्धिने नमयूजे प्रेम थेप् थेप् क्‍यूप्‍पीनूस्‍य यदेबे ङ प्रार्थना चीन्‍न ख्यङ्,

१ थेसलोनिकी 3:12

ङीदे केर्‌बे नमयूने प्रेम चीत्‍दे, होर्‌प्रेने प्रभुदे नमयूने त्‍यादे त्‍याप्रे मेस्‍ये मीयू क्‍वाप्रेने बेस्‍से प्रेम चे ख्‍वब बन्‍दीस्‍य,

२ थेसलोनिकी 1:3

अत-अची च्योन्‌यू, नमयूजे विश्‍वास कूमने बढ्दीन ख्यङ्। त्‍यादे-सूजोने झन् थेप्थेप् प्रेम चीन्‍न ख्यङ्। अम्‍ब कारणदे नमयूजे बारेने येतार्‌ने ङीदे परमेश्‍वरने धन्‍यवाद पीनने पर्‌देख्यङ्।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

१ तिमोथी 1:3

ङ माकेडोनिया प्रब ङैदे कर्‌ चङ प्र न एफिससने टूङ्, मेस्‍ये लूच्‍च पो लोम्‍मेब मीयूने होर कामयू अन्लोम्‍मीला ची यदेबे बोङ्बे आज्ञा पीन्।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ तिमोथी 4:12

स्‍योर्‌ब क्यूरब कारणदे नने सूदेये ह्‍यल चे अम्‍प्रेस्‍स्‍य, तर विश्‍वासीयूजे खूम्‍ने बोली वचन, आनि-बानी मेस्ये प्रेमने, विश्‍वासने बोल्यो, शुद्ध सेम् क्‍यूत्‍देबे नदे नमूना तन्।

१ तिमोथी 5:2

रङ्सेयली केन्-ता मदीयूने रङ्से म-नेप्र, मेस्‍ये रङ्से यली चीद चम्‍चयूनेब पूरा ज्‍य सेम्दे रङ्से स्‍यङ्नेप्र ची।

२ तिमोथी 1:14

नने जिम्मा लैदीयेब तम्दम् पोने ङीन नङ्ने बास चेब पवित्र आत्माजे शक्तिदे चीम्‍देबे यीन्।

हिब्रू 11:8

अब्राहामदे विश्‍वास चीत्‍देबे परमेश्‍वरजे आज्ञा मन्‍दीदे, मेस्‍ये परमेश्‍वरदे प्र यब नेतेले गीलीदे, हम्‍ब नेजे हक परमेश्‍वरदे ङूने ङ्‍येदे पीन्‍स्‍ये ख्‍य, होरेक्‍यूल्‍ली ङू कर्‌तेयोर्‌ प्रेन ख्‍य यब पो ङूने था त्‍वो।

हिब्रू 13:1

नमयू अत-अची च्योन्‌यूप्र क्‍यूत्‍देबे त्‍यादे त्‍याप्रे प्रेम चीन्‍नू।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

हिब्रू 6:10

परमेश्‍वरदे अन्‍न्याय अन्ची, मेस्ये ङूजे लागि नमयूदे चेब काम मेस्‍ये ङूजे मीयूने माया चेब पो परमेश्‍वरदे कलङ्बेये अन्-येल्। येरप्र काम नमयूदे दीनीये चीन्‍न ख्यङ्।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

याकूब 1:21

येरेक्‍यूत्‍देबे अन्‍ज्‍य आनि-बानी मेस्‍ये दुष्‍ट पोयू क्‍वाने क्यापी मेस्ये नमयूजे सेम्ने हीतेब पो स्यूलूक्कै क्‍यूत्‍देबे मन्‍दी, नमयूजे प्राणने उद्धार चीम्मे ख्‍वब शक्ति अम्‍ब पोने ख्यङ्।

याकूब 4:8

नमयू परमेश्‍वरजे ट्‌याने ख, मेस्‍ये परमेश्‍वर नमयूजे ट्‌याने रीय, पापीयू! नमयूजे ला चोखो ची, सेम् ङ्‍ही चेब मीयू! नमयूजे सेम् शुद्ध ची।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ पत्रुस 2:17

मीयू क्‍वानेने गेसेन् ची। रङ्से अत-अजी-च्योन्‌यूने प्रेम ची। परमेश्‍वरप्रे फ पर्‌तीय। मूरुम्ने गेसेन् ची।

१ पत्रुस 3:1

मजयू, रङ्से प्‍ल्‍यङ्‍यूजे हक नङ्ने टूङ्, मेस्‍ये येरे थमयूदे परमेश्‍वरजे वचन अम्‍मन्‍दीलीने रङ्से मजजे ज्‍य आनिबानि क्‍यूत्‍देबे चै पोये यने अम्‍पर्‌तीलाबे थमयूदे विश्‍वास चे खूइय।

१ पत्रुस 3:20

हम्‍ब आत्‍मायूब तोङ्बोजूग्‍ने परमेश्‍वरजे आज्ञा अम्‍मन्‍देबयू ख्य। नोआदे क्‍यू जहाज बन्‍देब बीलने परमेश्‍वर हम्ब आत्मायूप्रे धेरेन् क्‍यूत्‍देबे रेन्‍न ख्‍य। हम्‍ब क्यू जहाजने मी-येत्-त्‍यामे परमेश्‍वरदे क्‍यूदे बच्‍दीमीदे।

१ पत्रुस 3:8

आखिरीने, नमयू क्‍वाने सेम् त्‍या क्‍यूत्‍देबे दु:ख पर्‌तीब त्‍यादे त्‍याने सान्त्वना पीन्, अत-अजी-च्‍योनने चेप्र माया त्‍यादे त्‍याने ची, दया चेब सेम्, मेस्‍ये चीद स्यूलूक्कै क्‍यूरो।

१ पत्रुस 4:17

चेनेयलो परमेश्‍वरजे रङ्से मीयूदेमेस्‍ये न्याय शुरु क्‍यूरब बील फ्‍योर ख्यङ्, कादेये अम्‍ब न्याय ङीनदेमेस्‍ये सुरु क्‍यूक्‍क्‍य यलो परमेश्‍वरजे सूगब खबरने विश्‍वास अन्‍चेबयूजे झन् कर न्याय क्‍यूक्‍क्‍य?

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।

२ पत्रुस 1:7

परमेश्‍वरजे डर येनब पोने अत-अची च्योन्‌यू अन्द्रजे माया, अत-अची च्‍योन्‍जे अन्द्रजे मायाने प्रेम थप्दी।

१ यूहन्‍ना 3:11

नमयूदे खूम्‍मेस्‍येने तब खबर अम्‍ब ख्यङ्, “ङीनदे त्‍यादे त्‍याने प्रेम चे पर्‌दीय।”

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।

१ यूहन्‍ना 4:20

सूदे परमेश्‍वरने प्रेम चीक्‍क्‍य यीय, तर रङ्से अत-अची च्‍योन्‍ने ह्‍यल चीक्‍क्‍य यलो हम्‍ब लूच्‍च क्‍यूक्‍क्‍य, चेनेयलो रङ्सेदे तङब रङ्सेजे अत-अची च्‍योन्‍ने प्रेम अन्‍चेबदे अन्‍तङब परमेश्‍वरने प्रेम चे अङ्‍खू।

१ यूहन्‍ना 4:7

ङैजे छेब ख्योन्‌यू, ङीन त्‍यादे त्‍याने प्रेम चीदे, चेनेयलो परमेश्‍वरदे प्रेम चीक्‍क्‍य। सूदे प्रेम चीक्‍क्‍य हम्‍ब परमेश्‍वरजे छगूम्-पूर्‍गूम् क्‍यूक्‍क्‍य, मेस्ये ङूदे परमेश्‍वरने चीन्‍तीय।

प्रकाश 2:4

तर नैजे विरुद्धने ङैप्रे अम्‍ब पो ख्यङ्, पात्‍ता खूम् चीन्‍नब प्रेम नदे क्‍याबे ख्यङ्।