१ पत्रुस 1:21 - घले नयाँ करार

²¹ येशूने क्‍यूत्‍देबे नमयूदे परमेश्‍वर फ्‍याने विश्‍वास चे ख्यङ्। नमयूजे विश्‍वास मेस्‍ये परमेश्‍वर फ्‍याने क्‍यूस्‍स्‍य यदेबे ङूदे सीयेब ख्रीष्‍टने सोम्‍बो चीत्‍देबे महिमा पीन्‍दे।

१ पत्रुस 1:21 ပူးပေါင်းရင်းမြစ်များ

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

यूहन्‍ना 12:44

येशूदे के केन् योन्‍देबे यदे, “ङैने विश्‍वास चेब मीदे ङैने दी, तर ङैने कूल्‍बेब फ्‍याने विश्‍वास चेब क्‍यूक्‍क्‍य।

यूहन्‍ना 14:1

नमयूजे सेम् अन्‍ठोस्‍य। परमेश्‍वर फ्‍याने विश्‍वास ची मेस्‍ये ङै फ्‍यानेये विश्‍वास ची।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 17:1

अम्ब पो य जेनमेस्‍ये येशूदे तो-स्वर्गतेले लेत्‍देबे यदे, “ओ, पाइ, बील फ्‍योरीक ख्यङ्, नैजे चजे महिमा तङ्लाबे चीम्‍मी, मेस्‍ये चदे नैजे महिमा तङ्लाबे चीम्‍मीस्‍य।

यूहन्‍ना 17:24

“पाइ, नदे ङैने पीनब मीयू क्‍वाने ङ केने क्‍यूक्‍क्‍य थमयूये ङैप्रेने क्‍यूस्‍स्‍य, मेस्‍ये ङैजे महिमा थमयूदे तङ खूस्‍य मेन ख्यङ्, हम्‍ब महिमा, संसारजे सृष्‍टि क्‍यूरयली खूम्‍मेस्‍येने ङैने प्रेम चेब क्‍यूत्‍देबे नदे ङैने पीन्‍क ख्‍य।

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

यूहन्‍ना 3:34

परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

मूल स्यूस्स्यायूजे कामजे किताब 2:24

तर परमेश्‍वरदे येशूने सोम्‍बो चीत्‍दे। चेनेयलो मृत्‍यूजे हक नङ्‍ने ङू टूङब सम्‍भव त्‍व ख्‍य।

मूल स्यूस्स्यायूजे कामजे किताब 3:13

ङीनजे तङ्बोजे मेमे अब्राहाम, इसहाक मेस्‍ये याकूबजे परमेश्‍वरदे रङ्सेजे सेवा चेब येशूने महिमित चीत्‍दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्‍देने अन्क्यूर् यदे।

मूल स्यूस्स्यायूजे कामजे किताब 3:15

मेस्‍ये जीया पीनबने नमयूदे सेत्‍दे, हम्‍बने परमेश्‍वरदे सीयेबदे सोम्‍बो चीत्‍देबे लङ्दे, ङी अम्‍बजे गवाही ख्यङ्।

मूल स्यूस्स्यायूजे कामजे किताब 4:10

नमयू क्वादेने मेस्‍ये इस्राएलजे मीयू क्वादेने था क्‍यूस्‍स्‍य, यी नमयूदे क्रूसने खील् ठोक्‍दीदे खेयेब, मेस्‍ये परमेश्‍वरदे सीयेबदे फेरि सोम्‍बो चीम्मेब, हम्‍ब नासरतजे येशू ख्रीष्‍टजे मीन्‍ने अम्‍ब मी नमयूजे खूम्‍नेने तम् क्‍यूत्‍देबे मेर्‌न ख्यङ्।

रोमी 10:9

चेनेयलो कादेये नमयू रङ्सेजे ङूर्‌दे येशूने प्रभू ख्यङ् यदेबे स्वीकार चीत्दे यलो, होर्‌दे परमेश्‍वरदे ङूने सीयेबयू नङदे सोम्‍बो चीम्‍मीदे यब रङ्से सेम्ने विश्‍वास चीक्‍क्‍य यलो, नमयूजे उद्धार क्‍यूक्‍क्‍य।

रोमी 4:24

तर ङीनजे लागिये लिख्दीये ख्यङ्। ङीन सूदे ङीन्जे प्रभू येशूने सीयेबदेये सोम्‍बो चीम्‍मेब परमेश्‍वर फ्‍याने विश्‍वास चीक्‍क्‍य, अम्‍ब ङीन्‍जे लागिये चील्क्य।

२ कोरिन्थी 6:15

ख्रीष्‍टजे मेस्ये शैतानजे पो मील्‍ले खूइया?, या ख्रीष्‍टने विश्‍वास चेबयूप्रे अन्‍चेबयूजे पो मील्‍ले खूइया स्व?

एफिसी 1:15

प्रभु येशूप्रे ख्‍यब नमयूजे विश्‍वास मेस्‍ये परमेश्वरजे पवित्र मीयू क्वाप्रेने नमयूजे प्रेमजे बारेने ङैदे तब कारणदेने,

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

१ तिमोथी 1:1

ङीनने मुक्ति पीनब परमेश्‍वर मेस्ये ङीनने आशा पीनब येशू ख्रीष्‍टजे आज्ञा अनुसार ख्रीष्‍ट येशूजे मूल स्यूस्स्या, ङ पावलदे अम्‍ब लिख्दीन ख्यङ्,

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

हिब्रू 2:9

तर ङीनदे येशूने तङ्क्‍य। ङूने खात्‍यात्‍यामे स्‍वर्गदूतयू यली ते-चीद चीम्‍मीदे, सीब पर्‌दे सकस् भोक्‍तीकदेबे महिमा मेस्‍ये गेसेन्जे मुकुट ङूने कूमीदे। येर्‌बे परमेश्‍वरजे अनुग्रहदे चीत्देबे मीयू क्‍वाजे लागि ङू सेक्‍कदे।

हिब्रू 6:1

येरेक्‍यूत्‍देबे ख्रीष्‍टजे बारेने खूम्‍ने ते-ते लोम्‍कब शिक्षायूने पोङ्‍ङ्‍यीदेबे तम्दम् पो मेस्‍ये लूच्‍च पोयू छूर्‌दे ख्‍वब पाको मीप्र क्‍यूरे। कालजे ङूरने सब ब कामयू अम्‍फर्‌‍‍लाबे पश्चात्ताप चेब मेस्‍ये परमेश्‍वरने विश्‍वास चेब खूम्‍जे पोयूनेत्‍यामे फेरि लादीन दी।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

१ पत्रुस 1:11

अगमवक्तायू नङ्ने ख्‍यब ख्रीष्‍टजे आत्‍मादे ख्रीष्‍ट फ्‍याने पर्‌तीरब सकस्यू होर्‌दे ङ्येदे क्‍यूरब महिमाजे पो क्‍यमब बीलने तम्‍मे ख्‍य, मेस्‍ये अम्‍ब केर्‌बे मेस्‍ये कलङ् क्‍यूक्‍क्‍य यदेबे था प्रेजे लागि थमयूदे मैख्‍य।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।