१ पत्रुस 1:2 - घले नयाँ करार

² येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ पत्रुस 1:2 ပူးပေါင်းရင်းမြစ်များ

मत्ती 24:22

हम्‍ब दिनयू अन्घट्तीक यलो सू मीये बच्‍दे अन्ख्‍व ख्यङ्दे, तर परमेश्‍वरदे सेलेब मीयूजे लागि हम्‍ब दिन घट्तीमे ख्यङ्।

मत्ती 24:24

चेनेयलो लूच्‍च चेब ख्रीष्‍टयू, मेस्‍ये लूच्‍च अगमवक्तायू योङ्‍रीय, मेस्‍ये खूदासेमे परमेश्‍वरदे सेलेब मीयूने छाक्‍देने केन्-केन् च्यूनूयू मेस्‍ये हार्‌मन्‍देब कामयू तन्‍क्‍य।

मत्ती 24:31

ङूदे रङ्से स्वर्गदूतयूने धूङ्‍कूर्‌जे केन् के-प्रे कूल्‍बीय, मेस्‍ये थमयूदे मूजे नत्‍यादे सूजो नत्‍यासेमे का-मुलुकदेने परमेश्‍वरदे सेलेब मीयूने फूङ् पूक्‍य।

मर्कूस 13:20

प्रभुदे हम्‍ब छरङ् सकस् रब दिनयू अन्‍चदेयलो सूमीये बच्‍दे अन्ख्‍व ख्यङ्दे, तर परमेश्‍वरदे सेलब मीयूने हम्‍ब दिनयू चेमे ख्यङ्।

मर्कूस 13:22

चेनेयलो लूच्‍च ख्रीष्‍ट‌यू मेस्‍ये लूच्‍च अगमवक्तायू रीय। थमयूदे खूदासेमे परमेश्‍वरदे सेलब मीयूने छाक्‍देने च्‍यूनूयू मेस्‍ये हार्‌मन्‍देब कामयू चीक्‍क्‍य।

मर्कूस 13:27

हन्‍छ्वाब ङूदे पृथ्वीजे का-मुलुकदेने परमेश्‍वरदे सेलब मीयूने फूङ्प्वेने रङ्सेजे स्‍वर्ग दूतयूने कूल्‍बीय।

लूका 18:7

च परमेश्‍वरदे ङूने नो-मून् बिन्ती चीन्‍नब रङ्सेदे सेलब मीयूजे न्याय अन्‍चीम्‍मे स्व? च ङूदे थमयूजे लागि गलाबे चीक्‍क्‍या स्व?

मूल स्यूस्स्यायूजे कामजे किताब 15:18

अम्ब पो परमप्रभुदे य ख्यङ्, सूदे तोङ्बोमेस्‍येने अम्‍ब पोयू स्‍येलाचीते ख्यङ्।’

मूल स्यूस्स्यायूजे कामजे किताब 2:23

परमेश्‍वरदे तोक्‍तीयेबे ठीक योजना मेस्‍ये ज्ञान अनुसार चूङ्‌गब अम्‍ब येशूने दुष्‍ट मीयूजे लाने सूम्‍दीपीदेबे क्रूसने पील्‍देबे सेत्‍दे।

मूल स्यूस्स्यायूजे कामजे किताब 20:32

“जेम्से ङ नमयूने परमेश्‍वरजे लाने सूम्‍दीपीय। ङूजे अनुग्रहदे फ्‍यायेब सूगब खबरजे भर्‌ने क्‍यापीय। अम्‍ब वचनदे नमयूने विश्‍वासने बोल्‍यो बन्‍दीय मेस्‍ये रङ्सेजे पवित्र मीयूने असी प्रेब चीक्‍क्य।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 1:7

परमेश्‍वरदे छेब नम रोमजे मीयू क्‍वाने ङूजे पवित्र मीयू क्‍यूरने क्व ख्यङ्: ङीनजे प परमेश्‍वर मेस्‍ये प्रभू येशू ख्रीष्‍टदे नमयूने अनुग्रह मेस्‍ये शान्ति पीन्‍स्‍य।

रोमी 11:2

परमेश्‍वरदे खूम्‍देमेस्‍येने सेलब रङ्से मीने अन्‍क्‍याबे ख्यङ्। धर्मशास्त्रदे अगमवक्ता एलियाजे बारेने स्‍य्‍वेब पो नमयूने था त्‍वा? ङूदे इस्राएलजे विरुद्धने परमेश्‍वरप्रे येर्‌बे य ख्यङ्,

रोमी 11:28

इस्राएलजे मीयूदे सूगब खबरने विश्‍वास अन्‍चीत्‍देबे परमेश्‍वरजे शत्रु क्‍यूर ख्यङ्। होरेक्‍यूत्‍देबे नमयू यहूदी तेब मीयूने फाइदा क्‍यूर ख्यङ्। तर परमेश्‍वर रङ्सेदेने सेलब मेमेयूजे कारणदे इस्राएलजे मीयूने प्रेम चीक्‍क्‍य।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

रोमी 16:19

नमयूदे आज्ञा मन्‍दीनब पो खोत्‍तादेने त ख्यङ्, मेस्‍ये अम्‍ब पो तदेबे ङ सूग ख्यङ्। तर नमयू ज्‍या काम चेने बुद्धिमान क्‍यूर, मेस्‍ये अन्‍ज्‍य कामने दोष अन्‍लैदीस्‍य यदेबे ङ मेन्‍क्य।

रोमी 16:26

तर जेम्‍से येतार्‌ने क्यून्‍नब परमेश्‍वरजे आज्ञा अनुसार अगमवक्तायूदे चेलाबे अम्बजे बारेने स्‍योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्‍वास चीस्‍स्‍य मेस्‍ये ङूजे आज्ञा मन्‍दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्।

रोमी 8:13

चेनेयलो नमयूजे पापी स्वभावदे मनप्र प्रदेयलो, नमयू सीबीय, तर कादेये पवित्र आत्‍माजे बोङ्दे पापी स्वभावदे चेब कामयूने नाश चीक्‍क्‍ययलो, नमयू सोम्‍बो क्‍यूक्‍क्‍य।

रोमी 8:33

परमेश्‍वरदे सेलब मीयूने सूदे दोष लैदे खूइय? परमेश्‍वरदेने थमयूने धर्मी ठहर्‌दीय यलो,

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

१ कोरिन्थी 6:11

त्‍याफे नमयूये येरप्रने ख्‍य। तर प्रभु येशू ख्रीष्‍टजे मीनने होर्‌दे ङीन्‍जे परमेश्‍वरजे आत्मादे नमयूने शुद्ध चीम्मीदे, पवित्र चीम्मीदे, मेस्‍ये दोष त्‍वब चीम्‍मीदे।

२ कोरिन्थी 10:5

परमेश्‍वरजे ज्ञानजे विरुद्ध लङब च्‍य-फा क्‍यूस्‍से पीनब, मेस्‍ये त्वोत्देबे बाधा पीनब साप्‍ता पोयूने ङी नाश चीक्‍क्‍य, मेस्‍ये साप्‍ता थर्‌जे विचारयूने ख्रीष्‍टजे आज्ञा मन्‍दीस्ये पीनजे लागि काबूने रेक्‍क्य।

२ कोरिन्थी 13:14

प्रभु येशू ख्रीष्‍टजे अनुग्रह, परमेश्‍वरजे प्रेम, मेस्‍ये पवित्र आत्माजे सङ्गति नमयू क्‍वाप्रेने क्‍यून्‍नूस्‍य।

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

२ तिमोथी 2:10

येरेक्‍यूत्‍देबे सेल्कबयूजे लागिने ङ साप्‍ता पोने सैदीय, मेस्‍ये थमयूदेये कलङ्बेये अन्जेनब महिमा प्रेने ख्रीष्‍ट येशूने ख्‍यब मुक्ति प्रेखूस्य।

तीतस 1:1

परमेश्‍वरजे त्वो मेस्ये येशू ख्रीष्‍टजे मूल स्यूस्स्या पावलदे, परमेश्‍वरदे सेलबयूजे विश्‍वास मेस्ये ङूने सेम् पर्‌तेब जीया अनुसार थमयूजे तम्दम्जे ज्ञान थेप् चेने,

हिब्रू 10:22

होरेक्‍यूत्‍देबे क्रूसने सीयेब येशूजे कादे ङीन्‍जे अन्‍ज्‍य विवेकने शुद्ध चीक्‍क्य। शुद्ध क्‍यूदे ङीन्‍जे ङ्व ठूदेबे तम्दम् सेम्दे विश्‍वासजे पुरा भर्‌‍ने ङीन परमेश्‍वरजे खूम्‍ने प्रे।

हिब्रू 11:28

पात्‍ता अतने सेबदे थमयूने चैये अन्‍चीस्‍स्‍य यदेबे ङूदे विश्‍वास चीत्‍देबे निस्‍तार-दीन्बरजे छ्‍यप् मन्‍दीदे मेस्‍ये बलिजे का ख्‍यो सङ्‍गर्‌ने थरने आज्ञा पीत्दे।

हिब्रू 12:24

परमेश्‍वर मेस्ये मीयूजे अन्‍द्रने सर् करारजे पो मील्‍लेब येशू मेस्‍ये ङूजे छीट्का काजे खूम्‍ने नमयू र ख्यङ्। अम्‍ब कादे हाबिलजे कादे यली थेप् ज्‍य पो क्‍यम ख्यङ्।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

१ पत्रुस 1:14

परमेश्‍वरजे आज्ञा मन्‍देब च-चीमीयू क्‍यूत्‍देबे खूम् अन्‍स्‍येदेबे चीक्‍कब रङ्सेजे अन्‍ज्‍य इच्‍छायूतेले जेम्‍से नमयू अम्‍प्रलाची।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ पत्रुस 1:20

सृष्‍टि चेयली खूम्‍ने परमेश्‍वरदे ङूने सेल ख्‍य, तर अम्‍ब आखिरी दिनने नमयूजे लागि ङू तङ्‍रदे।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।

२ पत्रुस 1:2

परमेश्‍वरजे मेस्‍ये येशू ङीन प्रभुजे ज्ञानने अनुग्रह मेस्‍ये शान्ति नमयू फ्‍याने बेस्से कूम क्‍यूप्‍पस्‍य।

२ यूहन्‍ना 1:1

ङ एल्‍डरदे, परमेश्‍वरदे सेलेब मदीचीमी मेस्‍ये ङूजे च-चीमीयूने, नमयूने तम्दम्‍ने माया चीक्‍क्‍य, तर ङैदेत्‍याये दी, सत्‍यने स्‍येब क्‍वादेने प्रेम चीक्‍क्‍य।

२ यूहन्‍ना 1:13

परमेश्‍वरदे सेलेब नैजे मो‍जे च-चीमीयूदे नने नमस्‍कार येबे ख्यङ्।

यहूदा 1:2

परमेश्‍वरदे नमयूने सोरो कूम कृपा, शान्‍ति मेस्‍ये प्रेम चीन्‍नूस्‍य।