१ यूहन्‍ना 5:13 - घले नयाँ करार

¹³ चेनेयलो नमयूदे कलङ्बेये अन्सीबब जीया प्रेक्‍क ख्यङ् यब पो था क्‍यूस्‍स्‍य यदेबे अम्‍ब चिट्ठी परमेश्‍वरजे चजे मीन्‍ने विश्‍वास चेब नमयूने लिख्दीन ख्यङ्।

१ यूहन्‍ना 5:13 ပူးပေါင်းရင်းမြစ်များ

यूहन्‍ना 1:12

तर सू-सूदे ङूने ग्रहण चीत्दे मेस्ये ङूजे मीन्‍ने विश्‍वास चीत्‍दे, थमयूने ङूदे परमेश्‍वरजे छगूम्-पूर्‌गूम् क्‍यूरब हक पीन्‍दे।

यूहन्‍ना 2:23

कन्‍छ्वाब ङू निस्तार दीन्बर भात्यार्‌जे बीलने यरूशलेमने ख्‍य, हन्‍छ्वाब ङूदे कूम हार्‌मन्‍देब कामयू चेब तङ्देबे कूम मीयूदे ङूजे मीन्‍ने विश्‍वास चीत्‍दे।

यूहन्‍ना 20:31

तर येर लिख्दीये ख्यङ्, यी नमयूदे येशू परमेश्‍वरजे च मुक्ति पीनब ख्रीष्‍ट ख्यङ् यदेबे विश्‍वास ची, मेस्‍ये विश्‍वास चेबदे ङूजे मीन्‍ने नमयूदे जीया प्रेस्‍स्‍य।

यूहन्‍ना 21:24

ङू हम्‍ब स्यूस्स्या ख्यङ् ङूदे अम्‍ब पोजे बारेने गवाही पीन ख्यङ्, मेस्‍ये अम्‍ब पो लिख्दीये ख्यङ्, होर्‌दे ङीनदे था प्रेत्‍दे ङूदे पीनब गवाही तम्दम् ख्यङ्।

यूहन्‍ना 3:18

ङू फ्‍याने सूदे विश्‍वास चीक्‍क्‍य, हम्‍बने दोष अन्‍लैदी, तर विश्‍वास अन्‍चेबयू खूम्‍ने दोष लैदीक ख्यङ्, चेनेयलो ङूदे परमेश्‍वरजे तीत्‍यात्‍या चजे मीन्‍ने विश्‍वास अन्‍ची।

यूहन्‍ना 5:24

तम्दम्ने ङ नमयूने यीय, सूदे ङैजे वचन ङ्‍यीन्‍क्‍य मेस्‍ये ङैने कूल्‍बेब फ्‍याने विश्‍वास चीक्‍क्‍य, हम्‍बप्रे कलङ्बेये अन्‍सीबब जीया क्यूक्क्य। ङूने दोष अन्‍लैदी, तर ङूदे सीब अम्-पर्‌देब जीया प्रेक्‍क्‍य।

मूल स्यूस्स्यायूजे कामजे किताब 3:16

येशू फ्‍याने भर् चेब खोन्‍त्याङ् त्‍यादे बोङ् प्रेत्‍दे। ङूजे मीन् तदेबे ङूजे सेम्‍ने विश्‍वास जाग्‍तीदे, होर्‌दे ङूजे विश्‍वासदे चीप्‍प जेम्से अम्‍ब मी चेलाबे तम् क्‍यूरेब तङ्क्‍य।

मूल स्यूस्स्यायूजे कामजे किताब 4:12

“सूजो सूदेये मुक्तिपीन अन्‍खू, चेनेयलो ङीनदे मुक्तिप्रेने स्वर्ग नङ्ने मीयूने सूजो चे मीन्‌ये अम्‍पीनी।”

२ कोरिन्थी 5:1

चेनेयलो अने पृथ्वीने टूङब पल्‍जे कीम्प्र ङीजे अम्‍ब नाश क्यूप्पब ङ्व नाश क्‍यूत्‍देबे प्रलीने स्वर्गने कलङ्नेयली टूनब कीम् परमेश्‍वरदे ङीने पीन ख्यङ्, हम्‍बब मीजे लादे थ्‍यायेब कीम् दी यदेबे था ख्यङ्।

गलाती 4:6

नमयू परमेश्‍वरजे च चीमी ख्यङ् यदेबे तनने परमेश्‍वरदे रङ्से चजे आत्मा ङीनजे सेम्‍ने येम्‍मे ख्यङ्, अम्‍ब आत्मादे “अब्बा, प” यदेबे कप्‍पीय।

१ पत्रुस 5:12

ङैजे भर्‌पर्‌तेब च्‍योन् सिलासदे अम्‍ब ठून्‍यात्‍या चिट्ठी लिख्‍देने साक्‍तीमे ख्यङ्। अम्‍बने परमेश्‍वरजे तम्दम् अनुग्रह ख्यङ् यदेबे आँट पीनने मेस्‍ये गवाही पीनने अम्‍ब पो यीय। अम्‍ब अनुग्रहने नमयू बोल्यो क्‍यूत्‍देबे टूनू।

१ यूहन्‍ना 1:4

ङीजे आनन्‍द पूरा क्‍यूस्‍स्‍य यदेबे ङी अम्‍ब पो लिख्दीन ख्यङ्।

१ यूहन्‍ना 2:1

ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

१ यूहन्‍ना 2:21

नमयूदे सत्य अन्‍स्‍ये ख्यङ् यदेबे ङैदे अम्‍ब लिख्दे दी, तर सत्यदे लूच्‍च चैत्‍याये योङ्‍रस्‍ये त्‍वो यब पो नमयूदे स्‍येक ख्यङ् यदेबे ङैदे नमयूने लिख्दे ख्यङ्।

१ यूहन्‍ना 2:25

ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

१ यूहन्‍ना 2:26

नमयूने छल् चेबयूजे अम्‍ब पोयू ङ नमयूने लिख्दीन ख्यङ्।

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:9

परमेश्‍वरजे प्रेम ङीन अन्‍द्रने येर्‌बे तङ्‍रदे, ङूजे चने क्यूत्देबे ङीनदे कलङ्बेये अन्जेनब जीया प्रेस्स्य यदेबे ङूदे रङ्सेजे तीत्‍यात्‍या च अम्‍ब संसारने कूल्‍पीदे।

१ यूहन्‍ना 5:10

सूदे परमेश्‍वरजे चने विश्‍वास चीक्‍क्‍य, हम्‍बजे सेम्‍ने अम्‍ब पोजे गवाही क्‍यूक्‍क्‍य। परमेश्‍वरने विश्‍वास अन्‍चेबदे परमेश्‍वरदे पीनब गवाही लूच्‍च ख्यङ् यीय, चेनेयलो परमेश्‍वरदे रङ्से चजे बारेने पीनब गवाहीने हम्‍बदे विश्‍वास अन्‍ची।

१ यूहन्‍ना 5:11

परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।