१ यूहन्‍ना 5:11 - घले नयाँ करार

¹¹ परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।

१ यूहन्‍ना 5:11 ပူးပေါင်းရင်းမြစ်များ

मत्ती 25:46

“होर्‌दे थमयूदे कलङ्बेये अन्‍जेनब सजाइ प्रेक्क्य, तर धर्मीयूब कलङ्बेये अन्सीबब जीयाने क्योबीय।”

यूहन्‍ना 1:19

कन्‍छ्वाब यरूशलेमजे यहूदीयूदे पूस्‍र्‌या मेस्ये लेवीयू ङू ट्‌याने “यूहन्‍ना यब सू टोङ्?’ यदेबे ल्‍वेने कूल्‍बीदे, हन्‍छ्वाब यूहन्‍नादे पीनब गवाही येर ख्‍य।

यूहन्‍ना 1:4

ङूप्रे जीया ख्‍य, मेस्‍ये हम्‍ब जीया मीयूजे लागि ओथ्याङ् ख्‍य।

यूहन्‍ना 10:28

थमयूने ङ कलङ्बेये अन्सीबब जीया पीन्‍क्‍य, होर्‌दे थमयू कलङ्बेये नाश अन्‍क्‍यूप्‍प, मेस्‍ये थमयूने सूदेये ङैजे लादे लेन्के अन्खू।

यूहन्‍ना 12:50

ङैदे स्‍ये ख्यङ् ङूजे आज्ञादे कलङ्बेये अन्सीबब जीया पीन्‍क्‍य, येरेक्‍यूत्‍देबे पदे ङैने च यसेपीन्‍क्‍य हम्‍ब अनुसारने ङ यीय।”

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 19:35

नमयूदेये विश्‍वास चीस्‍य यदेबे अम्‍ब घटनायू रङ्सेजे म्‍यादेने तङ्ब मीदे गवाही पीने ख्यङ् मेस्‍ये ङूजे गवाही तम्दम् ख्यङ् यदेबे ङूने था ख्यङ्।

यूहन्‍ना 3:36

परमेश्‍वरजे च फ्‍याने विश्‍वास चेब मीप्रे कलङ्बेये अन्‍सीबब जीया ख्यङ्, तर चजे आज्ञा अम्मन्देब मीदे कलङ्बेये अन्सीबब जीया प्रेस्‍स्‍ये त्‍वो। तर परमेश्‍वरजे छी ङूफ्‍याने पर्‌दीनीय।

यूहन्‍ना 4:36

सूदे बली थोय ङूदे मीला प्रेक्‍क्‍य, होर्‌दे कलङ्बेये अन्‍सीबब जीयाजे लागि बली तोल्‍क्‍य मेस्‍ये लू थरब होर्‌दे बली थ्वब ङ्हीने प्रे-प्रे सूग्‍क्‍य।

यूहन्‍ना 4:4

ङू सामरिया योङ्देबे प्र पर्‌दे ख्‍य।

यूहन्‍ना 5:21

चेनेयलो केर्‌बे पदे सीयेब मीयूने लङ्क्‍य मेस्‍ये थमयूने जीया पीन्‍क्‍य, होरप्रने चदेये सूने इच्छा चीक्‍क्‍य, हम्‍बने जीया पीन्‍क्‍य।

यूहन्‍ना 5:26

चेनेयलो जीयाजे मूल प परमेश्‍वर ख्यङ्, मेस्‍ये होरप्रने ङूदे जीयाजे मूल क्‍यूरब हक रङ्से चने पीन्‍क ख्यङ्,

यूहन्‍ना 6:40

चेनेयलो ङैजे पजे इच्छा अम्‍ब ख्यङ्, “रङ्से चने लेब मेस्‍ये ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेस्‍स्‍य, मेस्‍ये ङ आखिरीजे दिनने हम्‍बने सोम्‍बो चीक्‍क्‍य।”

यूहन्‍ना 6:47

तम्दम्‍ने ङ नमयूने यीय, सूदे ङैने विश्‍वास चीक्क्य ङूप्रे कलङ्बेये अन्सीबब जीया ख्यङ्।

यूहन्‍ना 6:68

सिमोन पत्रुसदे जवाफ पीन्‍दे, “प्रभु, ङी सू त्‍याने प्र? कलङ्बेये अन्सीबब जीयाजे वचन नैप्रे ख्यङ्,

रोमी 5:21

येर्‌बे पापदे मीयू क्वा फ्यानेने राज्य चीत्देबे सीब पर्‌दे चीत्दे। होरप्रने येशू ख्रीष्‍ट ङीन्जे प्रभुने ङीनयू धर्मी ठर्‌तीमीदेबे कलङ्बेये अन्सीबब जीया पीन्देबे परमेश्‍वरजे अनुग्रहदे राज्य चे ख्यङ्।

रोमी 6:23

चेनेयलो पापजे मेला सीबब ख्यङ्, तर होरेने पीनब परमेश्‍वरजे बरब ङीन्‍जे प्रभू ख्रीष्‍ट येशूने कलङ्बेये अन्सीब्ब जीया ख्यङ्।

१ तिमोथी 1:16

तर अम्‍ब कारणदेने ङूदे ङैने कृपा चीत्‍दे। ङप्र पात्‍ता मूख्या पापीनेये येशू ख्रीष्‍टदे पूरा धेरेन् तनने ङूदे ङैने नमूना बन्‍तीदे। ङैदे येशू ख्रीष्‍ट फ्याने विश्‍वास चीत्‍देबे कलङ्बेये अन्सीबब जीया प्रेयूजे लागि ङ नमूना त्याक्‍यूर खूस्‍य।

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

१ यूहन्‍ना 2:25

ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

१ यूहन्‍ना 4:10

ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

१ यूहन्‍ना 4:9

परमेश्‍वरजे प्रेम ङीन अन्‍द्रने येर्‌बे तङ्‍रदे, ङूजे चने क्यूत्देबे ङीनदे कलङ्बेये अन्जेनब जीया प्रेस्स्य यदेबे ङूदे रङ्सेजे तीत्‍यात्‍या च अम्‍ब संसारने कूल्‍पीदे।

१ यूहन्‍ना 5:10

सूदे परमेश्‍वरजे चने विश्‍वास चीक्‍क्‍य, हम्‍बजे सेम्‍ने अम्‍ब पोजे गवाही क्‍यूक्‍क्‍य। परमेश्‍वरने विश्‍वास अन्‍चेबदे परमेश्‍वरदे पीनब गवाही लूच्‍च ख्यङ् यीय, चेनेयलो परमेश्‍वरदे रङ्से चजे बारेने पीनब गवाहीने हम्‍बदे विश्‍वास अन्‍ची।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

१ यूहन्‍ना 5:7

थर्‌ सोम् गवाहीयू ख्यङ्:

३ यूहन्‍ना 1:12

डेमेत्रियसजे बारेने मीयू क्वादेने ज्य य ख्यङ्, सत्‍यदेये होरप्रने गवाही पीन ख्यङ्। ङीदेये गवाही पीन्‍क्‍य, ङीयूजे गवाही तम्दम् ख्यङ् यदेबे नमयूदे स्‍ये ख्यङ्।

यहूदा 1:21

परमेश्‍वरदे येतार्‌ने प्रेम चीन्‍न ख्यङ् मन् मेस्‍ये कलङ्बेये अन्सीबब जीया प्रेजे लागि ङीनजे प्रभु येशूजे कृपाजे आशा चीत्देबे रेन्‍नू।

प्रकाश 1:2

परमेश्‍वरजे वचन मेस्‍ये येशू ख्रीष्‍टदे चेब कामयूजे बारेने तङब साप्‍ता पोयूजे गवाही यूहन्‍नादे पीन ख्यङ्।

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,