१ यूहन्‍ना 4:21 - घले नयाँ करार

²¹ परमेश्‍वरदे पीन्‍देबे ङीनदे अम्‍ब आज्ञा प्रे ख्यङ्, सूदे परमेश्‍वरने प्रेम चीक्‍क्‍य हम्‍बदे रङ्सेजे अत-अची च्‍योन्‍नेये प्रेम चे पर्‌तीय।

१ यूहन्‍ना 4:21 ပူးပေါင်းရင်းမြစ်များ

मत्ती 5:43

“नमयूदे येरे यब तख्‍यङ्, ‘नैजे खीम्‍चेने प्रेम ची, मेस्‍ये नैजे शत्रुने ह्‍यल ची।’

लूका 10:37

ङूदे यदे, “हम्‍ब मी फ्‍याने दया चेब मी।” होर्‌दे येशूदे ङूने यदे, “प्र, नदेये होरप्रने ची।”

यूहन्‍ना 15:12

“अम्‍ब ङैजे आज्ञा ख्यङ्, ङैदे नमयूने केर्‌बे प्रेम चीत्‍दे, होरप्रने नमयूदेये त्‍यादेत्‍याने प्रेम ची।

गलाती 5:14

चेनेयलो मोशाजे साप्‍ता नियमयू पो त्‍यानेने पूरा क्‍यूरीक ख्यङ्, “नदे रङ्सेने माया चेप्र, रङ्से खीम्‍चेने माया ची।”

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

१ थेसलोनिकी 4:9

तर अत-अची च्योन्‌यूजे प्रेमजे बारेने सूदेये नमयूने लिख्दे पर्‌देब हर्‌जो त्‍वो, चेनेयलो त्‍यादे सूजोने प्रेम ची यब परमेश्‍वरजे शिक्षा नमयूदे प्रे ख्यङ्।

१ पत्रुस 3:8

आखिरीने, नमयू क्‍वाने सेम् त्‍या क्‍यूत्‍देबे दु:ख पर्‌तीब त्‍यादे त्‍याने सान्त्वना पीन्, अत-अजी-च्‍योनने चेप्र माया त्‍यादे त्‍याने ची, दया चेब सेम्, मेस्‍ये चीद स्यूलूक्कै क्‍यूरो।

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।

१ यूहन्‍ना 2:7

छेब ख्योन्‌यू, ङ नमयूने सर् आज्ञा दी, तर हम्‍ब मीयूङ्मेस्‍येने चील्‍लीनब ङीङ् आज्ञा नमयूने लिख्दीन ख्यङ्, हम्‍ब शुरुमेस्येने नमयूप्रे ख्यङ्। अम्‍ब ङीङ् आज्ञा नमयूदे तब वचन ख्यङ्।

१ यूहन्‍ना 3:11

नमयूदे खूम्‍मेस्‍येने तब खबर अम्‍ब ख्यङ्, “ङीनदे त्‍यादे त्‍याने प्रेम चे पर्‌दीय।”

१ यूहन्‍ना 3:14

ङीन रङ्सेजे अत-अची च्‍योन्‍ने प्रेम चीक्‍क्‍य, होरेक्‍यूत्‍देबे ङीन सीबब जीयाने ट्‌यादेबे कलङ्बेये अन्जेनब जीयाने क्‍योर ख्यङ् यदेबे ङीनदे स्‍ये ख्यङ्। सूदे प्रेम अन्‍ची, हम्‍ब सीबब जीयानेने टूनीय।

१ यूहन्‍ना 3:18

ङैजे पीच चीदयू, ङीन वचन मेस्ये ङूर्‌देत्‍या प्रेम अन्‍चील्‍लाचीदे, तर त्‍यादे त्‍याने साक्‍तीमेब काम चीदे मेस्‍ये तम्दम् प्रेम चीदे।

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:11

ङैजे छेब ख्योन्‌यू, कादेये परमेश्‍वरदे ङीनने येर्‌बे प्रेम चे ख्यङ् यलो, ङीनदे त्‍यादे त्‍याने प्रेम चे पर्‌तीय।