१ यूहन्‍ना 4:20 - घले नयाँ करार

²⁰ सूदे परमेश्‍वरने प्रेम चीक्‍क्‍य यीय, तर रङ्से अत-अची च्‍योन्‍ने ह्‍यल चीक्‍क्‍य यलो हम्‍ब लूच्‍च क्‍यूक्‍क्‍य, चेनेयलो रङ्सेदे तङब रङ्सेजे अत-अची च्‍योन्‍ने प्रेम अन्‍चेबदे अन्‍तङब परमेश्‍वरने प्रेम चे अङ्‍खू।

१ यूहन्‍ना 4:20 ပူးပေါင်းရင်းမြစ်များ

यूहन्‍ना 13:35

कादेये नमयूदे त्‍यादे त्‍याने प्रेम चील्‍लो, हम्‍ब काम‍देने नमयू ङैजे स्यूस्स्यायू टूङ् यदेबे क्‍वादेने था प्रेक्‍क्‍य।”

१ पत्रुस 1:8

ङूने नमयूदे अन्‍तङ्लीने प्रेम चेख्यङ्। चूजो नमयूदे ङूने अन्‍तङ्, होरेक्‍यूल्‍ली ङूफ्‍याने विश्‍वास चेख्यङ्, मेस्‍ये स्‍य्‍वेने अङ्ख्‍वब होर्‌दे सोरो केन् महिमाजे आनन्द क्‍यूत्‍देबे सूग्क्य।

१ यूहन्‍ना 1:6

कादेये ङीनजे सङ्गति परमेश्‍वरप्रे ख्यङ् यदेबे ङीन यीय, मेस्‍ये मून्‍दूङ्नेने प्रेनूदे यलो, ङीन लूच्‍च क्‍यमब क्‍यूक्‍क्‍य मेस्‍ये सत्य अन्‍चेब क्‍यूक्‍क्‍य।

१ यूहन्‍ना 1:8

कादेये ङीनदे रङ्सेने पाप त्‍वो यदेबे यलो ङीनदे रङ्सेने धोका पीनब क्‍यूक्‍क्‍य, मेस्‍ये ङीनने सत्य अन्‍क्‍यूर्।

१ यूहन्‍ना 2:11

तर सूदे रङ्से च्‍योन्‍ने ह्‍यल चीक्‍क्‍य, हम्‍ब मून्‍दूङ्ने क्‍यूक्‍क्‍य मेस्ये मून्‍दून्‍ने प्रीय, होर्‌दे केने प्रेन ख्यङ् यदेबे स्‍येसे त्‍वो, चेनेयलो मून्‍दूङ्दे हम्‍बने म्‍या अन्‍तङ चीक्‍कब क्‍यूक्‍क्‍य।

१ यूहन्‍ना 2:4

सूदे “ङैदे ङू स्‍ये ख्यङ्” यीय तर ङूजे आज्ञायू मन्‍दे अन्ङ्‍यीन्‍लो हम्‍ब लूच्‍च क्‍यूक्‍क्‍य, मेस्‍ये हम्‍बजे सेम्‍ने सत्य अन्‍क्‍यूर्।

१ यूहन्‍ना 2:9

सूदे “परमेश्‍वरजे ओथ्याङ्ने ख्यङ्” यदेबे यीय, तर रङ्से अत-अची च्योन्‌यूने ह्‍यल चीक्‍क्‍य, हम्‍ब मून्‍दूङ्नेने टूनब क्‍यूक्‍क्‍य।

१ यूहन्‍ना 3:17

कोइ मीप्रे संसारजे सीर्‌ सम्पत्ति कूम ख्यङ्लीने रङ्से अत-अची च्‍योन्‍ने सोरो हर्‌जो पर्‌तीन तङ्ब थमयूजे लागि ङूजे सेम्‍दे पीन्‍दीङ् अन्‍डलो, होर मीने परमेश्‍वरदे केरे प्रेम चीक्‍क्‍य?

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।