१ यूहन्‍ना 4:2 - घले नयाँ करार

² परमेश्‍वरजे आत्माने नमयूदे येर्‌बे चीन्‍तीय: येशू ख्रीष्‍ट ङ्वजे रूप्‍ने रेक ख्यङ् यदेबे स्वीकार चेब आत्मायू क्‍वाने परमेश्‍वरजे ख्यङ्।

१ यूहन्‍ना 4:2 ပူးပေါင်းရင်းမြစ်များ

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

१ कोरिन्थी 12:3

परमेश्‍वरजे आत्मादे च्‍योल्‍देबे क्‍यमब सूमीदेये “येशूने श्राप टस्‍य” अन्‌-य, होर्‌दे पवित्र आत्मादे च्‍योल्‍देबेत्‍यामे “येशूब प्रभु ख्यङ्” य खूइय, येरेक्‍यूत्‍देबे अम्‍ब पो नमयूदे स्‍येस्‍य मन ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ यूहन्‍ना 1:2

अम्‍ब जीया तङ्‍रदे, ङीदे तङ्दे मेस्‍ये ङी गवाही पीन्‍क्‍य, होर्‌दे कलङ्बेये अन्सीबब जीयाजे पो नमयूने स्‍योक्‍क्‍य। अम्ब जीया पप्रे ख्‍य, मेस्‍ये ङीन ट्‌याने तङ्‍रदे।

१ यूहन्‍ना 2:23

चने अम्‍मन्‍देब सूमीप्रेये प क्यूस्से त्‍वो। सूदे चने मन्‍दीय हम्‍बप्रे प क्‍यूक्‍क्‍य।

१ यूहन्‍ना 4:15

सू-सूदे परमेश्‍वरजे च येशू ख्यङ् यदेबे स्वीकार चीक्क्य, हम्‍बप्रे परमेश्‍वर टूङ्क्य मेस्‍ये हम्बब परमेश्‍वरप्रे टूङ्क्य।

१ यूहन्‍ना 4:3

येशूने स्वीकार अन्चेब आत्मायू क्‍वाने परमेश्‍वरजे दी, तर हम्‍ब ख्रीष्‍टजे विरोध चेब आत्मा ख्यङ्, अम्‍बजे बारेने “हम्‍ब ख्रीष्‍टजे विरोध चेब आत्मा रीय” यब पो नमयूदे तैक ख्यङ्। जेम्‍से अम्‍ब संसारने हम्‍ब आत्मा रेक जेन ख्यङ्।

१ यूहन्‍ना 5:1

येशूने परमेश्‍वरदे सेलब ख्रीष्‍ट ख्यङ् यदेबे विश्‍वास चेबयू क्‍वाने परमेश्‍वरजे च-चीमी ख्यङ्। सूदे पने प्रेम चीक्‍क्‍य ङूदे पजे चनेये प्रेम चीक्‍क्‍य।

२ यूहन्‍ना 1:7

चेनेयलो धोका पीनबयू कूम मीयू अम्‍ब संसारने रेक ख्यङ्, थमयूदे येशू ख्रीष्‍ट मीप्र क्‍यूत्‍देबे ङ्वने रख्यङ् यब पोने विश्‍वास अन्‍ची। येर मीयू छल् चेब मेस्‍ये ख्रीष्‍टजे विरोध चेब ख्यङ्।