१ यूहन्‍ना 4:17 - घले नयाँ करार

¹⁷ येर्‌बेने ङीन पूरा रूप्‍दे परमेश्‍वर मेस्ये मीयूने प्रेम चेब क्‍यूत्‍देबे परमेश्‍वरजे न्यायजे दिनने ङीन फ-अम्‍पर्‌ती। चेनेयलो ख्रीष्‍ट कर ख्‍य ङीनये अम्‍ब संसारने होरप्रने ख्यङ्।

१ यूहन्‍ना 4:17 ပူးပေါင်းရင်းမြစ်များ

मत्ती 10:15

तम्दम्‍ने ङ नमयूने यीय, न्याय चेब दिनने हम्‍ब सहरजे दसायली बरू सदोमप्रे गमोराजे हालात थेप् सैदेख्‍वब क्‍यूक्क्‍य।

मत्ती 10:25

स्यूस्स्या रङ्से गुरुप्र मेस्‍ये त्‍वो रङ्से नोबोप्र क्‍यूर प्रेप्प सून्ताकी क्यूस्स्‍य, कादेये थमयूदे कीम्जे नोबोने बालजिबुल यदेयलो ङूजे कीम्-म्हीतीने झन् कोला थेप् यीय?

मत्ती 11:22

तर ङ नमयूने यीय, न्यायजे दिन‍ने नमयूजे यली टुरोसप्रे सीदोनजे दसा कूम टेम ख्‍वब क्‍यूक्क्‍य।

मत्ती 11:24

तर ङ नमयूने यीय, न्यायजे दिन‍ने नैजे यली बरू सदोम सहरजे दसा कूम टेम ख्‍वब क्यूक्क्य।”

मत्ती 12:36

नमयूने ङ यीय, काम अन्‍लादेब पो सूमीयूदे क्‍यम्‍क्‍य, न्यायजे दिनने थमयूदे हम्‍ब पोजे लेखा पीन पर्‌दीय।

यूहन्‍ना 15:20

ङैदे नमयूने यब वचन ह्‍वे ची, ‘त्वो कीम् नोबो यली केन् अन्‍क्‍यूर्‌।’ थमयूदे ङैने सतनम् चीत्‍दे यलो नमयूनेये सतनम् चीक्क्य। थमयूदे ङैजे वचन मन्‍दीलो नमयूजे वचनये मन्‍दीय।

यूहन्‍ना 17:22

कर महिमा नदे ङैने पीन्‍दे, हम्‍ब ङैदे थमयूने पीन ख्यङ्, ङीन त्‍या क्‍यूरप्रने थमयूये त्‍या क्‍यूस्‍स्‍य।

रोमी 8:29

सू-सूने ङूदे खूम्‍देमेस्‍येने सेल ख्यङ्, ङूदे थमयूने रङ्से चप्रने क्‍यूरने कूम च्योन्‌यू नङ्ने ख्रीष्‍ट जेठ क्यूस्स्ये पीनने खूम्‍मेस्येने खेर्‌दीपीदे।

हिब्रू 9:27

मीयू क्‍वाने त्‍याफे सीब पर्‌तीय यब पो पक्‍क ख्यङ्, होर्‌दे ङ्‍येदे ङूजे न्याय परमेश्‍वरदे चीक्‍क्‍य।

याकूब 2:13

चेनेयलो कम्‍ब मीदे दया अन्‍तन्, हम्‍ब मीने न्याय चीप्‍प परमेश्‍वरदे दया तन्‍स्‍ये त्‍वो। दया तनब मीदे परमेश्‍वरजे न्याय क्‍यूप्‍प ट्‌या प्रेक्‍क्‍य।

याकूब 2:22

ङूदे चेब कामयू प्रे-प्रे विश्‍वासदेये काम चीत्‍दे, मेस्‍ये ङूदे चीक्‍कब कामदेने ङूजे विश्‍वास पूरा क्‍यूक्‍क ख्‍य यब पो चेलाबे तङ खूइय।

२ पत्रुस 2:9

परमेश्‍वर मन्‍देब मीयूने सकस्यू रब केरे जूक्‍तीमे, मेस्‍ये परमेश्‍वर अम्मन्‍देब मीयूने न्याय चेब दिनसेमे दण्ड पीनजे लागि केरे हीन्‍न पर्‌ते हम्‍ब प्रभुदे स्‍ये ख्यङ्,

२ पत्रुस 3:7

तर चूजो ख्यब मू मेस्ये पृथ्वीये मीने भस्सम् चीप्पेने परमेश्‍वरजे हम्‍ब वचनदेने जूक्‍तीदे येन्‍न ख्यङ्। परमेश्‍वर अम्‍मन्‍देब मीयूने दोष लैदीदेबे नाश अन्चीत्‍दासेमे मू मेस्ये पृथ्वी टूनेनीय।

१ यूहन्‍ना 2:28

पीच चीदयू, जेम्‍से ख्रीष्‍टप्रे क्‍यून्‍नू चेनेयलो ङू अने रब ङीनदे आँट प्रेक्क्य, मेस्‍ये ङू रब बीलने ङूजे खूम्‍ने ङीन त्‍वा अम्‍पर्‌ती।

१ यूहन्‍ना 2:5

तर सूदे परमेश्‍वरजे वचन मन्‍दीय, तम्दम्‍ने हम्ब मीने ङूजे प्रेम पूरा क्‍यूक्‍क्‍य। ङीन ङूप्रे ख्यङ् यब पो अम्‍बदेने पक्‍क था प्रेक्‍क्‍य।

१ यूहन्‍ना 2:6

परमेश्‍वरप्रे ख्यङ् यब मीजे आनिबानि ख्रीष्‍टजेप्रने क्‍यूर पर्‌दीय।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

१ यूहन्‍ना 3:3

होर्‌दे ङू पवित्र ख्यङ्, सूदे रङ्सेने ङूप्र पवित्र क्‍यूरने आशा चीक्‍क्‍य हम्‍ब मीयू क्‍वादेने रङ्सेने पवित्र चीक्‍क्‍य।

१ यूहन्‍ना 3:7

सूमीदेये नम चीद पीचयूने छल्‍ले अङ्‍खूस्‍य। सूदे ठीक काम फर्‌क्‍य, ख्रीष्‍ट धर्मी ख्यप्रने हम्बये धर्मी क्‍यूक्‍क्‍य।

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।