१ यूहन्‍ना 4:10 - घले नयाँ करार

¹⁰ ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

१ यूहन्‍ना 4:10 ပူးပေါင်းရင်းမြစ်များ

यूहन्‍ना 13:34

“ङ नमयूने आज्ञा सर् त्‍या पीन्‍क्‍य: नमयू त्‍यादे त्‍याने प्रेम ची। नमयूप्रे ङैदे कर प्रेम चीत्दे, होरप्रने नमयूदेये त्‍यादे त्‍याने प्रेम ची।

यूहन्‍ना 15:16

नमयूदे ङैने अन्‍सेल्, तर ङैदे नमयूने सेल्‍दे मेस्‍ये नमयू प्रदेबे येतार्‌ने क्‍यून्‍नब फल लोलाबे चेने ङैदे भर्‌न चीत्‍दे, येरेचील्‍लो नमयूदे पप्रे ङैजे मीन्‍ने च स्‍येय, हम्‍ब पदे नमयूने पीन्‍क्‍य।

यूहन्‍ना 3:16

“चेनेयलो परमेश्‍वरदे संसारने येर प्रेम चीत्‍दे, यी ङूदे रङ्सेजे तीत्‍यात्‍या ख्‍यब चये पीन्‍दे, ङू फ्‍याने विश्‍वास चेब सूये नाश अन्‍क्‍यूप्‍पस्‍य, तर हम्‍बदे कलङ्बेये अन्सीबब जीया प्रेस्‍स्‍य।

यूहन्‍ना 6:51

स्वर्गदे रब जीया पीनब क्‍यङ् ङने ख्यङ्। अम्‍ब क्‍यङ् चब मीदे येतार्‌ने जीया प्रेन्‍नीय। ङैदे पीनब हम्‍ब क्‍यङ्ब ङैजे ङ्व ख्यङ्। संसारजे मीयूदे जीया प्रेस्‍स्‍य यदेबे ङ ङैजे ङ्व पीन्‍क्‍य।”

हिब्रू 2:17

येरेक्‍यूत्‍देबे साप्‍ता पोने ङू रङ्से अत-अची च्योन्‌यूप्र क्‍यूर पर्‌तीदे, मेस्‍ये मीयूजे पापने क्षमा चीम्‍मेने परमेश्‍वरजे सेवा चेब कामने ङू कृपा चेब मेस्‍ये भर् पर्‌तेब पात्‍ता केन् पूस्‍र्‌या क्‍यूत्दे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 2:2

ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

१ यूहन्‍ना 4:19

परमेश्‍वरदे ङीनने खूम् प्रेम चीत्‍दे होरेक्‍यूत्‍देबे ङीनदेये ङूने प्रेम चीक्‍क्‍य।

१ यूहन्‍ना 5:11

परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।