१ यूहन्‍ना 4:1 - घले नयाँ करार

¹ छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

१ यूहन्‍ना 4:1 ပူးပေါင်းရင်းမြစ်များ

मर्कूस 13:21

हम्‍ब दिनने कोइ मीदे नमयूने ‘ले, ख्रीष्‍ट अने ख्यङ्’ ‘या होने ख्यङ्’ यब नमयू अम्‍पत्‍तीलाची।

लूका 12:57

कम्ब पो पक्‍क ख्यङ् यदेबे नमयू रङ्सेदे चेने पक्क चेअन्ख्‍व?

लूका 21:8

येशूदे यदे, “होस्स्यार ची, नमयूने सूदेये अम्फस्तीस्‍य। चेनेयलो कूम मीयू ङैजे मीन्‍ने ‘ङ ङूने ख्यङ्’ मेस्‍ये ‘सेमे ट्‌याने रख्यङ्,’ यदेबे यीय। थमयूजे ङ्येदे नमयू अन्‍लादीलाची।

मूल स्यूस्स्यायूजे कामजे किताब 17:11

अनेजे यहूदीयू थेसलोनिकेजे मीयू यली थेप् भलो ख्‍य। चेनेयलो अम्‍बयूदे वचन सेम् पीन्‍देबे ङ्‍यीन्‍दे, पावलदे यब पोयू चेलाबे होरप्रने लिख्दीये ख्यङ् यी त्‍वो यदेबे येतार्‌ने धर्मशास्त्र छ्‌योत्‍देबे जाँच‍ते ख्‍य।

मूल स्यूस्स्यायूजे कामजे किताब 20:29

चेनेयलो ङैने था ख्यङ्, ङ प्रमेस्‍ये नमयूजे अन्द्रने फत्‍या च्यूङ्‍कूयू क्‍योरीय, हम्‍बदे बगलने बाँकी येस्‍स्‍ये त्‍वो।

१ कोरिन्थी 12:10

कोइने हार्‌मन्‍देब कामयू चेब, कोइने अगमवाणी क्‍यमब, कोइने ज्‍य प्रे अन्‍ज्‍य आत्मायूने छूर्‌दे ख्‍वब, कोइने कूम थर्‌-थर्‌जे केयू क्‍यमब, होरदे कोइनेब हम्‍ब केयूजे अर्थ स्‍योम्‍मे ख्वब बरयू पीने ख्यङ्।

१ कोरिन्थी 14:29

अगमवाणी क्‍यमबब ङ्हीला या सोम्‍लादेत्‍या क्‍यम्स्‍य, मेस्‍ये थमयूदे क्‍यमब पो ठीक ख्‍य यी त्‍वो यदेबे सूजो मीयूदे चेलाबे जाँचतीस्य।

१ थेसलोनिकी 5:20

अगमवाणीने ह्‍यल अन्‍चील्‍लाची।

१ थेसलोनिकी 5:21

तर साप्‍ता पोजे जाँच ची। कम्‍ब पो ज्‍य ख्यङ् हम्‍ब पोयू सेम्‍ने हीन्‍नू।

२ थेसलोनिकी 2:2

यी कोइ अगमवाणी या वचन या चिट्ठीदे प्रभुजे दिन ट्‌यारङ्ने फ्‍योर ख्यङ् यदे यलो, हम्‍ब ङीतेलेदे रब मन्‍देबे नमयूजे सेम् छ्‌योटोने केर्‌चीदे केर्‌चीदे अन्क्‍यूल्लाची या नमयू अन्-आतीलाची।

१ तिमोथी 4:1

पवित्र आत्मादे चेलाबे य ख्यङ्, यी नङ्‍ग छेल्‍लेब आत्मा मेस्ये छेत् प्रेतजे शिक्षातेले सेम् पीन्‍देबे कोइदे विश्‍वास चेने क्यापीय।

२ तिमोथी 3:13

तर दुष्‍ट मेस्ये ठग्दे मीयूदे सूजोने ठग्‍दीब रङ्सेये ठग्दीगीय, मेस्ये थमयू झन् थेप् दुष्‍ट क्‍यूप्पीय।

२ पत्रुस 2:1

केर्‌बे इस्राएलीयूजे अन्‍द्रने लूच्‍च अगमवक्तायू ख्‍य, होरप्रने नमयूजे अन्‍द्रनेये लूच्‍च पोयू लोम्‍मेब मीयू क्‍यूक्‍क्‍य। अम्बयूदे नङ्सू रुप्दे नाश चेब लूच्‍च शिक्षायू रेक्क्य, अन्‍छ्वासेमे यी थमयू रङ्सेने उद्धार चीम्‍मेब प्रभुनेये क्यापीय, मेस्‍ये रङ्सेने छ्‌योटोने नाश क्‍यूस्‍स्ये पीन्‍क्‍य।

१ यूहन्‍ना 2:18

ङैजे पीचयू, अम्‍ब आखिरी सेमे ख्यङ्। ख्रीष्‍टजे विरोध चेब रेन ख्यङ् यब पो नमयूदे त ख्यङ्। होरेक्‍यूत्‍देबे ङीनदे स्‍ये ख्यङ्, अम्‍ब आखिरीजेसेमे ख्यङ्।

१ यूहन्‍ना 2:7

छेब ख्योन्‌यू, ङ नमयूने सर् आज्ञा दी, तर हम्‍ब मीयूङ्मेस्‍येने चील्‍लीनब ङीङ् आज्ञा नमयूने लिख्दीन ख्यङ्, हम्‍ब शुरुमेस्येने नमयूप्रे ख्यङ्। अम्‍ब ङीङ् आज्ञा नमयूदे तब वचन ख्यङ्।

२ यूहन्‍ना 1:7

चेनेयलो धोका पीनबयू कूम मीयू अम्‍ब संसारने रेक ख्यङ्, थमयूदे येशू ख्रीष्‍ट मीप्र क्‍यूत्‍देबे ङ्वने रख्यङ् यब पोने विश्‍वास अन्‍ची। येर मीयू छल् चेब मेस्‍ये ख्रीष्‍टजे विरोध चेब ख्यङ्।

३ यूहन्‍ना 1:11

छेब च्‍योन्, अन्ज्य पोजे के अन्‍थालाची, तर सोरो ज्य पोजे के था। सूदे ज्‍य चीक्‍क्‍य, हम्‍ब परमेश्‍वरजे ख्यङ्, सूदे अन्‍ज्‍य काम फर्‌क्‍य हम्‍बदे परमेश्‍वरने अन्‍तङ् ख्यङ्।

प्रकाश 2:2

नैजे कामयू, नदे चेब छेम्‍प्रे मेस्‍ये न-धेरेन् क्‍यून्‍नब ङैने था ख्यङ्, मेस्‍ये नदे दुष्‍ट मीयूजे विरोध चे ख्यङ् तर थमयू रङ्सेदेब ङी मूल स्यूस्स्या ख्यङ् यीय, तर मूल स्यूस्स्या दी, होर मीयूने जाँचदीदेबे थमयू लूच्‍च ख्यङ् यदेबे नमयूदे पत्‍त प्रेक्‍क ख्यङ् यब पो ङैने था ख्यङ्।