१ यूहन्‍ना 3:5 - घले नयाँ करार

⁵ मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 3:5 ပူးပေါင်းရင်းမြစ်များ

मत्ती 1:21

मरियमदे च त्‍या प्रेक्क्य, मेस्‍ये नदे ङूजे मीन् येशू येक्क्‍य, चेनेयलो येशूदे रङ्से मीयूने थमयूदे चीक्‍कब पापदे जूक्‍तीमीय।”

लूका 23:41

ङीनदे अन्ज्‍य काम चीक्‍कदेबे अन्ज्‍य कामजे सजाइ भोक्‍तीन ख्यङ्, तर अम्‍ब मीदेब अन्ज्‍य काम चैत्‍याये अन्चीक्‍क।”

लूका 23:47

अम्‍ब घटना तङ्देबे कप्‍तानदे येरे यदेबे परमेश्‍वरजे महिमा चीत्‍दे, “पक्‍कने ङू धर्मिक मी टूङ्।”

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 1:31

ङ रङ्सेदेने ङू अन्‍स्ये ख्‍य, तर ङूने इस्राएलजे मीयूदे स्‍येस्‍य यदेबे ङैदे क्‍यूजे बप्‍तिस्मा पीने पीने रदे।”

यूहन्‍ना 14:30

जेम्‍से ङ नमयूप्रे कूम अन्‍क्‍यम्, चेनेयलो अम्‍ब संसारजे हुकुम चील्‍लेब रेन ख्यङ्। ङै फ्‍याने हम्‍बजे चै हकये त्‍वो।

यूहन्‍ना 8:46

नमयू नङ्ने सूदे ङैने पापजे दोष लैदेखूइया? ङैदे तम्दम् क्‍यम्‍न ख्यङ् यलो, नमयूदे ङैने चेने विश्‍वास अन्‍चे?

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

१ तिमोथी 1:15

अम्‍ब वचन केर्‌बेनेयली मन्‍देब खल्‍जे ख्यङ्, यी येशू ख्रीष्‍ट पापीयूने उद्धार चेजे लागि संसारने रदे, मेस्‍ये पापीयू नङ्ने ङ मूख्‍य पापी ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 4:15

चेनेयला ङीनजे पात्‍ता केन् पूस्‍र्‌यादे ङीन बोङ् त्‍व क्‍यूप्‍प ङीन्जे अवस्था अङ्ख्‍वब क्यूप्प ङीनप्रे तोङ्‌मेने अङ्‌ख्वब अन्क्यूर्। तर ङीनप्रने ङूये साप्‍ता थोकजे जाँचने पर्‌तीदेलीने पाप अन्‍चे ख्‍य।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

हिब्रू 9:26

नत्रलो संसार सृष्‍टि चेमेस्‍येने ङूदे येतार्‌ने दु:ख चीन्‍न पर्‌ते ख्यङ्दे। तर अम्‍ब जूग् जेन्‍टब बीलने पाप हर्‌दीबेने येतार्‌जे लागि त्‍याफे रङ्से जीया बलि पीनने ङू ‍रदे।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

१ पत्रुस 1:18

नमयूजे मेमे-मेस्‍येने चीट्‍टीनब काम त्‍वब पोयूदे आलाक् चेने या मर्‌ मेस्‍ये चाँदी-प्र नाश क्‍यूप्‍प सेजे लू फादेबे नमयूने छूट‍कारा चे दी यदेबे नमयूने चेलाबे था ख्यङ्।

१ पत्रुस 1:20

सृष्‍टि चेयली खूम्‍ने परमेश्‍वरदे ङूने सेल ख्‍य, तर अम्‍ब आखिरी दिनने नमयूजे लागि ङू तङ्‍रदे।

१ पत्रुस 2:22

“ङूदे कलङ्बेये पाप अन्चीक्‍क, मेस्‍ये ङूजे ङूर्‌दे कलङ्बेये लूच्‍च अन्‍क्‍यम्क।”

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 1:2

अम्‍ब जीया तङ्‍रदे, ङीदे तङ्दे मेस्‍ये ङी गवाही पीन्‍क्‍य, होर्‌दे कलङ्बेये अन्सीबब जीयाजे पो नमयूने स्‍योक्‍क्‍य। अम्ब जीया पप्रे ख्‍य, मेस्‍ये ङीन ट्‌याने तङ्‍रदे।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

१ यूहन्‍ना 2:1

ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

१ यूहन्‍ना 2:2

ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।

१ यूहन्‍ना 2:29

ख्रीष्‍टदे ठीक न्याय चेख्यङ् यब पो कादेये नमयूदे स्‍येदे यलो ठीक काम फरब क्‍वाने परमेश्‍वरजे छगूम्-पूर्‌गूम् क्‍यूक्‍क्‍य यब पो नमयूने पक्‍क क्‍यूस्‍स्‍य।

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,