१ यूहन्‍ना 3:10 - घले नयाँ करार

¹⁰ परमेश्‍वरजे छगूम्-पूर‌्‍गूम् सू ख्यङ् मेस्‍ये शैतान छगूम्-पूर्‌गूम् सू ख्यङ्, यदेबे येरे चेलाबे स्‍ये खूइय: ज्‍य काम अम्‍फरब मेस्‍ये रङ्सेजे अत-अची च्‍योन्‍ने माया अन्‍चेब मी परमेश्‍वरजे छगूम्-पूर्‍गूम् दी।

१ यूहन्‍ना 3:10 ပူးပေါင်းရင်းမြစ်များ

मत्ती 13:38

रङ् ब संसार ख्यङ्। होर्‌दे ज्‍य लूब परमेश्‍वरजे राज्‍यजे छगूम्-पूर्‌गूम् ख्यङ्, मेस्‍ये सामा स्‍यूब दुष्‍टजे छगूम्-पूर्‌गूम् ख्यङ्।

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

यूहन्‍ना 1:12

तर सू-सूदे ङूने ग्रहण चीत्दे मेस्ये ङूजे मीन्‍ने विश्‍वास चीत्‍दे, थमयूने ङूदे परमेश्‍वरजे छगूम्-पूर्‌गूम् क्‍यूरब हक पीन्‍दे।

यूहन्‍ना 11:52

देशजे लागित्‍या ङूदे अम्ब पो येक दी, तर का-मुलुक‍ने स्‍वा स्‍वा क्‍यूरेब परमेश्‍वरजे छगूम्-पूर्‌गूम्‍यू नेत्‍याने फूङ् चेने अम्ब येक ख्‍य।

यूहन्‍ना 8:44

नमयूजे रङ्से प शैतान ख्यङ्, मेस्‍ये नमयूजे रङ्सेजे पजे इच्छा पूरा चेब सेम् चे ख्यङ्। हम्‍ब सुरुमेस्‍येने मी सेब ख्‍य, मेस्‍ये तम्दम् पो ङ्‍यीन्तीङ् अन्‍र, चेनेयलो ङूने चैत्याये सत्य त्‍वो। ङू ङूजे बनी अनुसारजे लूच्‍च पो क्‍यम ख्यङ्, चेनेयलो ङू लूच्‍च ख्यङ्, मेस्‍ये लूच्‍च चेबजे प ख्यङ्।

यूहन्‍ना 8:47

सू परमेश्‍वरजे ख्यङ्, ङूदे परमेश्‍वरदे क्‍यमब वचन ङ्‍यीन्क्य। नमयू परमेश्‍वरजे दी होरेक्‍यूत्‍देबे ङूजे वचन नमयूदे अन्ङ्‍यीन्।’’

मूल स्यूस्स्यायूजे कामजे किताब 13:10

“न शैतानजे च, पूरा धार्मिकताजे शत्रु, छल् मेस्ये दुष्‍टदे पूरा फ्यानब! न प्रभुजे सोझो लम् नोङब काम चेने अन्क्या?

रोमी 13:8

तर त्‍यादे-त्‍याने प्रेम चे यली सूजो चै पोनेये खी अन्‍डस्‍य, चेनेयलो रङ्से खीम्‍चेने प्रेम चेब मीदे मोशाजे नियम पूरा चेब क्यूक्क्य।

एफिसी 5:1

नमयू परमेश्‍वरजे छेब छगूम्-पूर्‌गूम्यू क्‍यूरबदे, ङू प्रने क्‍यूरने बोङ् ची।

कलस्सी 3:14

अम्‍बयू यली पात्‍ता थेप् ब प्रेमने कोला ह्‍वेप्र ह्‍वे, हम्‍बदे साप्‍ता सेयूने त्‍या चीत्देबे येक्‍क्‍य।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ यूहन्‍ना 2:29

ख्रीष्‍टदे ठीक न्याय चेख्यङ् यब पो कादेये नमयूदे स्‍येदे यलो ठीक काम फरब क्‍वाने परमेश्‍वरजे छगूम्-पूर्‌गूम् क्‍यूक्‍क्‍य यब पो नमयूने पक्‍क क्‍यूस्‍स्‍य।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

१ यूहन्‍ना 4:21

परमेश्‍वरदे पीन्‍देबे ङीनदे अम्‍ब आज्ञा प्रे ख्यङ्, सूदे परमेश्‍वरने प्रेम चीक्‍क्‍य हम्‍बदे रङ्सेजे अत-अची च्‍योन्‍नेये प्रेम चे पर्‌तीय।

१ यूहन्‍ना 4:6

ङीनब परमेश्‍वरजे मी ख्यङ्। सूदे परमेश्‍वरने चीन्‍तीय ङूदे ङीजे पो ङ्‍यीन्क्य, मेस्‍ये सू परमेश्‍वरजे दी, हम्‍बदे ङीजे पो ङ्‍यीन्स्ये त्‍वो। येर्‌बेने ङीनदे सत्यजे आत्मा प्रे लूच्‍चजे आत्माने चीन्‍तीय।

१ यूहन्‍ना 4:8

प्रेम अन्‍चेब मीदे परमेश्‍वरने स्‍येस्‍ये त्‍वो, चेनेयलो परमेश्‍वर प्रेम ख्यङ्।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।

१ यूहन्‍ना 5:2

परमेश्‍वरने प्रेम चीत्‍देबे ङूजे आज्ञायू मन्‍दीलो अम्ब पोदेने ङीनदे परमेश्‍वरजे छगूम्-पूर‌्‍गूम्‍ने प्रेम चेब था प्रेक्‍क्‍य।

३ यूहन्‍ना 1:11

छेब च्‍योन्, अन्ज्य पोजे के अन्‍थालाची, तर सोरो ज्य पोजे के था। सूदे ज्‍य चीक्‍क्‍य, हम्‍ब परमेश्‍वरजे ख्यङ्, सूदे अन्‍ज्‍य काम फर्‌क्‍य हम्‍बदे परमेश्‍वरने अन्‍तङ् ख्यङ्।