१ यूहन्‍ना 2:8 - घले नयाँ करार

⁸ होरेक्‍यूल्‍लीने ङ नमयूने सर् आज्ञा तीत्‍या लिख्दीन ख्यङ्, हम्‍बजे सत्य येशू ख्रीष्‍ट मेस्‍ये नमयूने तङ ख्यङ्, चेनेयलो मून्‍दूङ् जेङ्‍कमेल्‍न ख्यङ् मेस्‍ये तम्दम्‍जे ओथ्याङ् तरने छालाला प्ल्यान ख्यङ्।

१ यूहन्‍ना 2:8 ပူးပေါင်းရင်းမြစ်များ

मत्ती 4:16

मून्‍दूङ्ने टूङब मीयूदे सोरो केन् ओथ्याङ् तङ्दे। कालजे ङूर्‌ने टूङब देशजे मीयू फ्‍याने ओथ्याङ् त्‍या योङ्‍र ख्‍यङ्।”

लूका 1:79

मेस्‍ये मून्‍दूङ्ने टूङबयू मेस्ये कालजे ङूर्‌ने पर्‌दीब मेल्‍नबयूदे ओथ्याङ् प्रेक्‍क्‍य, मेस्‍ये ङीनजे तोप् शान्तिजे लम्तेले स्‍योल्‍क्‍य।”

यूहन्‍ना 1:9

मीयू क्‍वानेने ज्ञान पीनब तम्दम्जे ओथ्याङ् संसारने रेन ख्‍य।

यूहन्‍ना 12:35

येशूदे थमयूने यदे, “अझ तम्‍त्‍यासेमे ओथ्याङ् नमयूप्रे ख्यङ्। ओथ्याङ् नमयूप्रे ख्यङ्दा र-प्र ची, कादेये मून्‍दूङ्दे नमयूने अङ् उप्‍कस्‍य। कोइ मून्‍दूङ्ने र-प्र चील्‍लो, हम्‍बदे रङ्से केने प्रेन ख्यङ् यदेबे था अम्‍प्रे।

यूहन्‍ना 12:46

ङै फ्‍याने विश्‍वास चेब मीयू मून्‍दूङ्ने अन्‍क्‍यूस्‍स्‍य यदेबे ङ संसारने ओथ्याङ् पीनब क्‍यूत्‍देबे र ख्यङ्,

यूहन्‍ना 13:34

“ङ नमयूने आज्ञा सर् त्‍या पीन्‍क्‍य: नमयू त्‍यादे त्‍याने प्रेम ची। नमयूप्रे ङैदे कर प्रेम चीत्दे, होरप्रने नमयूदेये त्‍यादे त्‍याने प्रेम ची।

यूहन्‍ना 8:12

येशूदे फेरि थमयूने यदे, “ङ संसारजे ओथ्याङ् ख्यङ्। ङै ङ्ये-ङ्ये प्रबयू मून्‍दूङ्ने तीछो प्र पर्‌दीस्‍येत्‍वो, तर हम्‍बदे जीया प्रेब ओथ्याङ् प्रेक्‍क्‍य।”

मूल स्यूस्स्यायूजे कामजे किताब 17:30

होरेक्‍यूत्‍देबे थाने त्‍व अन्स्येदेबे चीक्‍कब काम‍ने परमेश्‍वरदे ध्‍यान् अम्‍पीन्, तर जेम्से टक्क नेने मी क्वानेने ‘रङ्से-रङ्सेजे पापजे पश्‍चात्ताप चेब आज्ञा पीन ख्यङ्।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 13:12

मून् कूम गीली, जेम्‍से म्‍या तङ्‍र ख्यङ्। येरेक्‍यूत्‍देबे मून्दूङ्ने चेब अन्‍ज्‍य काम क्‍यापीदेबे ङीन ओथ्याङ्जे लास्या टेले।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

एफिसी 5:8

चेनेयलो खूम नमयूये मून्दूङ्ने ख्‍य तर जेम्से प्रभुजे मी क्‍यूत्‍देबे नमयू ओथ्याङ्ने ख्यङ्। होरेक्‍यूत्‍देबे नमयू ओथ्याङ्जे छगूम्-पूर्‌गूम्यूदे प्रने नमयूदेये र-प्र ची।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

१ पत्रुस 1:21

येशूने क्‍यूत्‍देबे नमयूदे परमेश्‍वर फ्‍याने विश्‍वास चे ख्यङ्। नमयूजे विश्‍वास मेस्‍ये परमेश्‍वर फ्‍याने क्‍यूस्‍स्‍य यदेबे ङूदे सीयेब ख्रीष्‍टने सोम्‍बो चीत्‍देबे महिमा पीन्‍दे।

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:11

ङैजे छेब ख्योन्‌यू, कादेये परमेश्‍वरदे ङीनने येर्‌बे प्रेम चे ख्यङ् यलो, ङीनदे त्‍यादे त्‍याने प्रेम चे पर्‌तीय।

१ यूहन्‍ना 4:21

परमेश्‍वरदे पीन्‍देबे ङीनदे अम्‍ब आज्ञा प्रे ख्यङ्, सूदे परमेश्‍वरने प्रेम चीक्‍क्‍य हम्‍बदे रङ्सेजे अत-अची च्‍योन्‍नेये प्रेम चे पर्‌तीय।