१ यूहन्‍ना 2:6 - घले नयाँ करार

⁶ परमेश्‍वरप्रे ख्यङ् यब मीजे आनिबानि ख्रीष्‍टजेप्रने क्‍यूर पर्‌दीय।

१ यूहन्‍ना 2:6 ပူးပေါင်းရင်းမြစ်များ

मत्ती 11:29

नैफ्‍याने ङैजे जूवा येत्‍देबे ङैप्रे लोम्, चेनेयलो ङैजे सेम् सोरो ङ्येमब मेस्ये अन्‍त्‍वेब ख्यङ्, मेस्‍ये नमयूदे रङ्से आत्माने गैन सङ प्रेक्क्‍य।

यूहन्‍ना 13:15

चेनेयलो ङैदे नमयूने नमूनात्‍या पीन ख्यङ्, मेस्‍ये ङैदे नमयूने च चीम्‍मीदे नमयूदेये होरप्रने ची।

यूहन्‍ना 15:10

ङ केर्‌बे ङैजे पजे आज्ञायू मन्‍दीदे, ङूजे प्रेमने टूङ्क्‍य, कादेये होरप्रने ङैजे आज्ञायू नमयूदे मन्‍दीलो नमयू ङैजे प्रेमने टूनीय।

१ कोरिन्थी 11:1

ङ ख्रीष्‍टदे चेप्रने चीक्‍क्‍य, नमयूदेये ङैदे चेप्रने ची।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

१ पत्रुस 2:21

चेनेयलो अम्‍ब काम फरने परमेश्‍वरदे नमयूने क्‍व ख्यङ्। ख्रीष्‍टदेये नमयूजे लागि सकस् भोक्‍तीदे, होर्‌दे नमयूजे लागि नमूनात्‍या पीने ख्यङ्, मेस्‍ये नमयू ङूदे तनब लम्‍ने प्र पर्‌दीय।

१ यूहन्‍ना 2:28

पीच चीदयू, जेम्‍से ख्रीष्‍टप्रे क्‍यून्‍नू चेनेयलो ङू अने रब ङीनदे आँट प्रेक्क्य, मेस्‍ये ङू रब बीलने ङूजे खूम्‍ने ङीन त्‍वा अम्‍पर्‌ती।

१ यूहन्‍ना 2:4

सूदे “ङैदे ङू स्‍ये ख्यङ्” यीय तर ङूजे आज्ञायू मन्‍दे अन्ङ्‍यीन्‍लो हम्‍ब लूच्‍च क्‍यूक्‍क्‍य, मेस्‍ये हम्‍बजे सेम्‍ने सत्य अन्‍क्‍यूर्।

१ यूहन्‍ना 3:24

परमेश्‍वरजे आज्ञायू मन्‍देब क्‍वाने परमेश्‍वरप्रे क्‍यूक्‍क्‍य, मेस्‍ये परमेश्‍वर थमयूप्रे क्‍यूक्‍क्‍य। परमेश्‍वर ङीनप्रे क्‍यूक्‍क्‍य यदेबे परमेश्‍वरदे पीनब पवित्र आत्मादे ङीनने स्‍योत्‍देबे था प्रेक्‍क्‍य।

१ यूहन्‍ना 3:6

ङूप्रे क्‍यूरब सूमीदेये पाप चीन्‍नूस्‍ये त्‍वो। पाप चीन्‍नब सूमीदेये ङूने तङ्स्‍येये त्‍वो, स्‍येसेये त्‍वो।

१ यूहन्‍ना 4:17

येर्‌बेने ङीन पूरा रूप्‍दे परमेश्‍वर मेस्ये मीयूने प्रेम चेब क्‍यूत्‍देबे परमेश्‍वरजे न्यायजे दिनने ङीन फ-अम्‍पर्‌ती। चेनेयलो ख्रीष्‍ट कर ख्‍य ङीनये अम्‍ब संसारने होरप्रने ख्यङ्।