१ यूहन्‍ना 2:3 - घले नयाँ करार

³ कादेये ङीनदे परमेश्‍वरजे आज्ञायू मन्‍दीदेयलो तम्दम्‍ने ङीनदे ङूने स्‍ये ख्यङ् यदेबे था क्‍यूक्‍क्‍य।

१ यूहन्‍ना 2:3 ပူးပေါင်းရင်းမြစ်များ

लूका 6:46

“ङैदे यब पो अन्‍चील्‍लो ङैने चेने ‘प्रभु, प्रभु’ येन?

यूहन्‍ना 14:15

नमयूदे ङैने प्रेम चीक्‍क्‍य यलो ङैजे आज्ञायू मन्‍दीय।

यूहन्‍ना 15:10

ङ केर्‌बे ङैजे पजे आज्ञायू मन्‍दीदे, ङूजे प्रेमने टूङ्क्‍य, कादेये होरप्रने ङैजे आज्ञायू नमयूदे मन्‍दीलो नमयू ङैजे प्रेमने टूनीय।

यूहन्‍ना 15:14

ङैदे नमयूने चै आज्ञा पीन्‍क्‍य, हम्‍ब नमयूदे चीत्‍देयलो नमयू ङैजे ख्‍योन् क्‍यूक्‍क्‍य।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

१ यूहन्‍ना 2:13

नम, पयूने ङ लिख्दीन ख्यङ्, चेनेयलो सुरुमेस्‍येने ख्‍यब ख्रीष्‍टने नमयूदे स्‍ये ख्यङ्। नम, स्‍योर्‌बयूने ङ लिख्दीन ख्यङ्, चेनेयलो नमयूदे हम्‍ब दुष्‍ट शैतान फ्‍याने ट्‌याक ख्यङ्। ङैजे चीद पीचयू, ङ नमयूने लिख्दीन ख्यङ्, चेनेयलो नमयूदे ङीनजे प परमेश्‍वरने स्‍ये ख्यङ्।

१ यूहन्‍ना 3:14

ङीन रङ्सेजे अत-अची च्‍योन्‍ने प्रेम चीक्‍क्‍य, होरेक्‍यूत्‍देबे ङीन सीबब जीयाने ट्‌यादेबे कलङ्बेये अन्जेनब जीयाने क्‍योर ख्यङ् यदेबे ङीनदे स्‍ये ख्यङ्। सूदे प्रेम अन्‍ची, हम्‍ब सीबब जीयानेने टूनीय।

१ यूहन्‍ना 3:19

ङीन सत्य परमेश्‍वरजे ख्यङ् यदेबे अम्‍बदेने थाप्रे खूइय, मेस्‍ये येर्‌बेने परमेश्‍वरजे खूम्‍ने ङीन सेम् बोल्यो चीत्‍देबे मेर खूइय।

१ यूहन्‍ना 3:6

ङूप्रे क्‍यूरब सूमीदेये पाप चीन्‍नूस्‍ये त्‍वो। पाप चीन्‍नब सूमीदेये ङूने तङ्स्‍येये त्‍वो, स्‍येसेये त्‍वो।

१ यूहन्‍ना 4:13

ङूदे रङ्सेजे आत्मा ङीनने पीन्‍क ख्यङ्, येरेक्‍यूत्‍देबे ङीन ङूप्रे क्‍यूक्‍क्‍य मेस्‍ये ङू ङीनप्रे क्‍यूक्‍क्‍य यदेबे ङीनदे था प्रेक्‍क्‍य।

१ यूहन्‍ना 4:7

ङैजे छेब ख्योन्‌यू, ङीन त्‍यादे त्‍याने प्रेम चीदे, चेनेयलो परमेश्‍वरदे प्रेम चीक्‍क्‍य। सूदे प्रेम चीक्‍क्‍य हम्‍ब परमेश्‍वरजे छगूम्-पूर्‍गूम् क्‍यूक्‍क्‍य, मेस्ये ङूदे परमेश्‍वरने चीन्‍तीय।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।

१ यूहन्‍ना 5:2

परमेश्‍वरने प्रेम चीत्‍देबे ङूजे आज्ञायू मन्‍दीलो अम्ब पोदेने ङीनदे परमेश्‍वरजे छगूम्-पूर‌्‍गूम्‍ने प्रेम चेब था प्रेक्‍क्‍य।

१ यूहन्‍ना 5:3

परमेश्‍वरजे आज्ञायू ङीनदे मन्‍दीलो ङूने प्रेम चेब क्‍यूक्‍क्‍य। ङूजे आज्ञायू सोरो गरो त्वो।

प्रकाश 12:17

होर्‌दे हम्‍ब अजिङ्गर हम्‍ब मदीप्रे छी-लङ्दे, मेस्‍ये हम्‍बजे लम ख्‍यब छगूम्-पूर्‌गूम्प्रे या सू-सूदे परमेश्‍वरजे आज्ञायू मन्‍दीय, मेस्‍ये येशूजे गवाही पीन्‍क्‍य हम्‍ब मीयूप्रे लडाइँ चेने गीली।

प्रकाश 14:12

परमेश्‍वरजे आज्ञायू मन्‍देब मेस्‍ये येशूने विश्‍वास चेब परमेश्‍वरजे पवित्र मीयूदे धेरेन् क्‍यूत्‍देबे टूङ पर्‌दीय यब पो अम्‍ब ख्यङ्।

प्रकाश 22:14

जीया पीनब तङ्बोजे सी चब हक प्रेने मेस्‍ये हम्‍ब सहरजे ख्‍योयूदे नङ्ने क्‍योब प्रेदे यदेबे रङ्सेजे कोला ठूदेबे सफा येनब मीयूदे असी प्रेक्‍क्‍य।