१ यूहन्‍ना 2:29 - घले नयाँ करार

²⁹ ख्रीष्‍टदे ठीक न्याय चेख्यङ् यब पो कादेये नमयूदे स्‍येदे यलो ठीक काम फरब क्‍वाने परमेश्‍वरजे छगूम्-पूर्‌गूम् क्‍यूक्‍क्‍य यब पो नमयूने पक्‍क क्‍यूस्‍स्‍य।

१ यूहन्‍ना 2:29 ပူးပေါင်းရင်းမြစ်များ

यूहन्‍ना 1:13

थमयू कादे, ङ्वजे इच्छादे, मेस्‍ये कोइ मीजे इच्छादे दी तर परमेश्‍वरदे जन्मीदेब क्यूक्क्य।

यूहन्‍ना 7:18

रङ्सेजे पो त्‍या क्‍यमब मीदे, रङ्सेजे गेसेन् मेल्‍क्‍य, तर सूदे रङ्सेने कूल्‍बेबजे गेसेन् मेल्‍क्‍य हम्‍ब सत्य क्‍यूक्‍क्‍य। मेस्‍ये ङूप्रे छल्‍‍जे पो क्यूस्स्ये त्‍वो।

मूल स्यूस्स्यायूजे कामजे किताब 10:35

तर टक्‍क जात‍जे मीयू सू परमेश्‍वरने फैय, मेस्‍ये ठीक काम चीक्‍क्‍य, हम्‍ब ङूजे खूम्ने ग्रहण चेब लायकजे ‍क्‍यूक्य।

मूल स्यूस्स्यायूजे कामजे किताब 22:14

“होर्‌दे ङूदे यदे, ‘ङीनजे मेमेजे परमेश्‍वरदे ङूजे इच्छा नदे स्‍येस्य, मेस्ये हम्‍ब धार्मिक पतीने तङने, होर्‌दे ङूजे ङूर्‌जे पो ङ्‍यीनजे लागि नने सेल ख्यङ्।

मूल स्यूस्स्यायूजे कामजे किताब 3:14

तर नमयूदे पवित्र मेस्‍ये धर्मी मीने अन्क्यूर् यदेबे ङूजे सट्‍टने ज्यानमारा त्‍याने क्यापी यदेबे यदे।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

हिब्रू 7:2

अब्राहामदे ङूने साप्‍ता थोक‍जे भा च्‍यूने भात्‍या स्‍यादेबे पीन्‍दे। अम्‍ब मीन्जे अर्थ अनुसार‌ ङू खूम् धार्मिकताजे मूरुम् मेस्‍ये होर्‌देङ्‍येदे शालेमजे मूरुम् या शान्तिजे मूरुम् ख्‍य।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

याकूब 1:18

ङूदे सृष्‍टि चीक्‍कब साप्‍ता थोकयू नङ्ने ङीन पात्‍ता खूम्‍जे फलप्र क्‍यूर खूस्‍य यदेबे परमेश्‍वरदे रङ्से इच्छा अनुसार‌ सत्‍यजे वचन क्‍यम्‍देबे ङीनने सृष्‍टि चीत्‍दे।

१ पत्रुस 1:23

जीया पीनब मेस्‍ये येतार्‌ने टूनब परमेश्‍वरजे वचनदे, नाश क्‍यूत्‍देबे प्रब दी तर कलङ्बेये नाश अन्‍क्‍यूप्पब लूदे पीनब सर्‌ जीया टेल्‍देबे जन्मेदे ख्यङ्।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

२ पत्रुस 1:4

येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

१ यूहन्‍ना 2:1

ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 3:7

सूमीदेये नम चीद पीचयूने छल्‍ले अङ्‍खूस्‍य। सूदे ठीक काम फर्‌क्‍य, ख्रीष्‍ट धर्मी ख्यप्रने हम्बये धर्मी क्‍यूक्‍क्‍य।

१ यूहन्‍ना 4:7

ङैजे छेब ख्योन्‌यू, ङीन त्‍यादे त्‍याने प्रेम चीदे, चेनेयलो परमेश्‍वरदे प्रेम चीक्‍क्‍य। सूदे प्रेम चीक्‍क्‍य हम्‍ब परमेश्‍वरजे छगूम्-पूर्‍गूम् क्‍यूक्‍क्‍य, मेस्ये ङूदे परमेश्‍वरने चीन्‍तीय।

१ यूहन्‍ना 5:1

येशूने परमेश्‍वरदे सेलब ख्रीष्‍ट ख्यङ् यदेबे विश्‍वास चेबयू क्‍वाने परमेश्‍वरजे च-चीमी ख्यङ्। सूदे पने प्रेम चीक्‍क्‍य ङूदे पजे चनेये प्रेम चीक्‍क्‍य।

१ यूहन्‍ना 5:18

परमेश्‍वरजे छगूम्-पूर्‍गूम् सूदेये पाप चीन्‍नूस्‍ये त्‍वो, तर परमेश्‍वरजे च-येशू ख्रीष्‍टदे हम्‍बने जूक्‍तीदेबे येक्‍क्‍य, मेस्‍ये दुष्‍ट शैतानदे हम्‍बने चैये हनी चे-अङ्‍खू।

१ यूहन्‍ना 5:4

चेनेयलो परमेश्‍वरजे च-चीमीयू क्‍वादेने संसार फ्‍याने ट्‌याय, मेस्‍ये ङीनजे विश्‍वासदे संसारने ट्‌याय।

३ यूहन्‍ना 1:11

छेब च्‍योन्, अन्ज्य पोजे के अन्‍थालाची, तर सोरो ज्य पोजे के था। सूदे ज्‍य चीक्‍क्‍य, हम्‍ब परमेश्‍वरजे ख्यङ्, सूदे अन्‍ज्‍य काम फर्‌क्‍य हम्‍बदे परमेश्‍वरने अन्‍तङ् ख्यङ्।