१ यूहन्‍ना 2:25 - घले नयाँ करार

²⁵ ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

१ यूहन्‍ना 2:25 ပူးပေါင်းရင်းမြစ်များ

लूका 18:30

चूजोने अम्‍ब यली थेप् प्रेक्‍क्‍य, होर्‌दे ङ्येजे जूग्ने कलङ्बेये अन्सीबब जीया प्रेक्‍क्‍य।”

यूहन्‍ना 10:28

थमयूने ङ कलङ्बेये अन्सीबब जीया पीन्‍क्‍य, होर्‌दे थमयू कलङ्बेये नाश अन्‍क्‍यूप्‍प, मेस्‍ये थमयूने सूदेये ङैजे लादे लेन्के अन्खू।

यूहन्‍ना 12:50

ङैदे स्‍ये ख्यङ् ङूजे आज्ञादे कलङ्बेये अन्सीबब जीया पीन्‍क्‍य, येरेक्‍यूत्‍देबे पदे ङैने च यसेपीन्‍क्‍य हम्‍ब अनुसारने ङ यीय।”

यूहन्‍ना 3:15

येर्‌बे ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेक्‍क्‍य।

यूहन्‍ना 5:39

धर्मशास्त्रने कलङ्बेये अन्सीबब जीया प्रेक्‍क्‍य यदेबे नमयू मल्‍क्‍य, तर धर्मशास्त्रदे ङैजे बारेने गवाही त्‍या पीन्‍क्‍य।

यूहन्‍ना 6:27

नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

यूहन्‍ना 6:40

चेनेयलो ङैजे पजे इच्छा अम्‍ब ख्यङ्, “रङ्से चने लेब मेस्‍ये ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेस्‍स्‍य, मेस्‍ये ङ आखिरीजे दिनने हम्‍बने सोम्‍बो चीक्‍क्‍य।”

यूहन्‍ना 6:47

तम्दम्‍ने ङ नमयूने यीय, सूदे ङैने विश्‍वास चीक्क्य ङूप्रे कलङ्बेये अन्सीबब जीया ख्यङ्।

यूहन्‍ना 6:54

ङैजे ङ्व चब मेस्‍ये ङैजे का थूङबप्रे कलङ्बेये अन्सीबब जीया ख्यङ्, मेस्‍ये आखिरीजे दिनने ङूने ङ सोम्‍बो चीक्‍क्‍य।

यूहन्‍ना 6:68

सिमोन पत्रुसदे जवाफ पीन्‍दे, “प्रभु, ङी सू त्‍याने प्र? कलङ्बेये अन्सीबब जीयाजे वचन नैप्रे ख्यङ्,

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

रोमी 5:21

येर्‌बे पापदे मीयू क्वा फ्यानेने राज्य चीत्देबे सीब पर्‌दे चीत्दे। होरप्रने येशू ख्रीष्‍ट ङीन्जे प्रभुने ङीनयू धर्मी ठर्‌तीमीदेबे कलङ्बेये अन्सीबब जीया पीन्देबे परमेश्‍वरजे अनुग्रहदे राज्य चे ख्यङ्।

रोमी 6:23

चेनेयलो पापजे मेला सीबब ख्यङ्, तर होरेने पीनब परमेश्‍वरजे बरब ङीन्‍जे प्रभू ख्रीष्‍ट येशूने कलङ्बेये अन्सीब्ब जीया ख्यङ्।

गलाती 6:8

सूदे रङ्से पाप चेब स्वभावजे बाली लैदीय हम्‍बदे रङ्सेजे पाप चेब स्वभावदेने नाश क्‍यूप्‍पब बली तोल्‍क्‍य। सूदे आत्माजे लागि बली लैदीय हम्‍ब आत्मादेने कलङ्बेये अन्सीबब जीयाजे खेती तोल्‍क्‍य।

१ तिमोथी 1:16

तर अम्‍ब कारणदेने ङूदे ङैने कृपा चीत्‍दे। ङप्र पात्‍ता मूख्या पापीनेये येशू ख्रीष्‍टदे पूरा धेरेन् तनने ङूदे ङैने नमूना बन्‍तीदे। ङैदे येशू ख्रीष्‍ट फ्याने विश्‍वास चीत्‍देबे कलङ्बेये अन्सीबब जीया प्रेयूजे लागि ङ नमूना त्याक्‍यूर खूस्‍य।

१ तिमोथी 6:12

विश्‍वासजे सोरो ज्‍य लडाइँ चीङ्। कलङ्बेये अन्सीबब जीयाने ङ्‍येप्नू। अम्‍बजे लागि नने कोक ख्‍य, नदे कूम मीयूजे खूम्‍दे नैजे विश्‍वासजे सोरो ज्‍य साक्षी पीन्‍क ख्‍य।

१ तिमोथी 6:19

येरेने नङ्‍ग रङ्सेजे लागि स्वर्गने धन रुप् प्‍वेब ज्‍य जा प्वे खूस्‍य। होर्‌दे थमयूदे तम्दम् जीयाने जूक्‍तीन खूइय।

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

तीतस 3:7

ङूजे अनुग्रहदे धर्मी ठर्‌तीदेबे ङीनदे आशा चेब कलङ्बेये अन्‍सीबब जीयाजे हक प्रेब मी क्यूर खूस्‍य।

१ यूहन्‍ना 1:2

अम्‍ब जीया तङ्‍रदे, ङीदे तङ्दे मेस्‍ये ङी गवाही पीन्‍क्‍य, होर्‌दे कलङ्बेये अन्सीबब जीयाजे पो नमयूने स्‍योक्‍क्‍य। अम्ब जीया पप्रे ख्‍य, मेस्‍ये ङीन ट्‌याने तङ्‍रदे।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

यहूदा 1:21

परमेश्‍वरदे येतार्‌ने प्रेम चीन्‍न ख्यङ् मन् मेस्‍ये कलङ्बेये अन्सीबब जीया प्रेजे लागि ङीनजे प्रभु येशूजे कृपाजे आशा चीत्देबे रेन्‍नू।