१ यूहन्‍ना 2:23 - घले नयाँ करार

²³ चने अम्‍मन्‍देब सूमीप्रेये प क्यूस्से त्‍वो। सूदे चने मन्‍दीय हम्‍बप्रे प क्‍यूक्‍क्‍य।

१ यूहन्‍ना 2:23 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 10:30

प प्रे ङ त्‍या ख्यङ्।”

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 5:23

केर्‌बे थमयूदे पजे गेसेन् चीक्‍क्‍य, होरप्रने खोत्‍तादेने चने गेसेन् चीस्‍स्‍य, चेनेयलो चने गेसेन् अन्‍चेबदे ङूने कूल्‍बेब पनेये गेसेन् अन्‍ची।

यूहन्‍ना 8:19

थमयूदे ङूने लोत्‍दे, “नैजे प कने ख्यङ्?” येशूदे जवाफ पीन्‍दे, “नमयूदे ङैनेये अन्‍स्‍ये, पनेये अन्‍स्‍ये। नमयूदे ङैने स्‍ये यलो ङैजे पनेये स्‍ये ख्यङ्दे।”

१ यूहन्‍ना 2:22

लूच्‍च सू ख्यङ्? सूदे येशूने मुक्ति पीनब ख्रीष्‍ट ख्यङ् यब पोने अम्‍मन्‍दी हम्‍ब लूच्‍च ख्यङ्। परमेश्‍वर प प्रे च येशूने सूदे अम्‍मन्‍दी हम्बने ख्रीष्‍टजे विरोध चेब ख्यङ्।

१ यूहन्‍ना 4:15

सू-सूदे परमेश्‍वरजे च येशू ख्यङ् यदेबे स्वीकार चीक्क्य, हम्‍बप्रे परमेश्‍वर टूङ्क्य मेस्‍ये हम्बब परमेश्‍वरप्रे टूङ्क्य।

१ यूहन्‍ना 4:2

परमेश्‍वरजे आत्माने नमयूदे येर्‌बे चीन्‍तीय: येशू ख्रीष्‍ट ङ्वजे रूप्‍ने रेक ख्यङ् यदेबे स्वीकार चेब आत्मायू क्‍वाने परमेश्‍वरजे ख्यङ्।

१ यूहन्‍ना 5:1

येशूने परमेश्‍वरदे सेलब ख्रीष्‍ट ख्यङ् यदेबे विश्‍वास चेबयू क्‍वाने परमेश्‍वरजे च-चीमी ख्यङ्। सूदे पने प्रेम चीक्‍क्‍य ङूदे पजे चनेये प्रेम चीक्‍क्‍य।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।