१ यूहन्‍ना 2:2 - घले नयाँ करार

² ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।

१ यूहन्‍ना 2:2 ပူးပေါင်းရင်းမြစ်များ

लूका 14:22

“होर्‌दे त्वोदे यदे, ‘नदे पीनब आज्ञा अनुसार काम क्‍यूर ख्यङ्, तर अझ ने खाली ख्यङ्।’

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 12:32

होर्‌दे कन्‍छ्वाब पृथ्वीदे ङ त्‍वो लङ्क्‍य, ङ मीयू क्‍वानेने ङैतेले थेन्‍टीय।”

यूहन्‍ना 4:42

थमयूदे हम्‍ब मदीने यदे, “अम्‍ब नदे यब पोदे चीत्‍देबे ङीदे विश्‍वास चे दी, तर ङी रङ्सेदेने तब कारणदे तम्दम्‍ने ङू संसारजे मीयूने मुक्ति पीनब मी यदेबे ङीदे स्‍येदे।”

हिब्रू 2:17

येरेक्‍यूत्‍देबे साप्‍ता पोने ङू रङ्से अत-अची च्योन्‌यूप्र क्‍यूर पर्‌तीदे, मेस्‍ये मीयूजे पापने क्षमा चीम्‍मेने परमेश्‍वरजे सेवा चेब कामने ङू कृपा चेब मेस्‍ये भर् पर्‌तेब पात्‍ता केन् पूस्‍र्‌या क्‍यूत्दे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 4:10

ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

१ यूहन्‍ना 4:14

प परमेश्‍वरदे अम्‍ब संसारजे मुक्ति पीनब क्‍यूरने रङ्सेजे च कूल्‍बे ख्यङ् यदेबे ङीदे तङ ख्यङ्, मेस्‍ये अम्‍बजे गवाही पीन्‍क्‍य।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।