१ यूहन्‍ना 2:16 - घले नयाँ करार

¹⁶ चेनेयलो संसार‌ने ख्‍यब साप्‍ता सेयू, या ङ्वजे इच्छायू, म्‍याजे लोभ, अम्‍ब जीयाने रङ्से केन् त्‍वेब सेम् प परमेश्‍वर ट्‌यादे रब दी, तर संसारदे रब ख्यङ्।

१ यूहन्‍ना 2:16 ပူးပေါင်းရင်းမြစ်များ

मत्ती 4:8

फेरि शैतानदे येशूने फेर गङ् त्‍याने स्‍योल्‍गीदेबे का-मुलुक‍जे राज्‍ययू मेस्‍ये राज्‍ययूजे महिमा ‍क्वाने येशूने तन्दे,

मत्ती 5:28

तर ङ नमयूने यीय, सूदे प्रे ङ्‍यूमब सेम्दे मदीयूने लेक्‍क्‍य, ङूदे रङ्से सेम्ने हम्‍बप्रे खूम्‍ने वेश्य चीक्‍कब क्‍यूक्‍क्‍य।

लूका 4:5

ङूदे येशूने फेर नेत्‍याने कूदीदेबे खात्‍याने संसारजे राज्‍ययू क्वाने तन्‍दे।

रोमी 13:14

तर येशू ख्रीष्‍टजेप्र स्‍वभाव नमयूने क्‍यूस्‍स्‍य, मेस्‍ये पाप चेब इच्छा पूरा चे तेले रङ्से सेम् अम्पीन्‍लाची।

१ कोरिन्थी 10:6

जेम्‍से थमयूदे चेप्र खराब इच्छा ङीनदे अन्‍चील्‍लाचीदे यदेबे अम्‍ब पोयूजे लागि ङीनने बोङ्बे आर्‌‍‌तेजे लागि पीने ख्यङ्।

गलाती 5:17

चेनेयलो पाप चेब स्वभावजे इच्छा च ख्‍य हम्‍ब पवित्र आत्माजे विरुद्धने क्‍यूक्‍क्‍य, होर्‌दे पवित्र आत्मादे पाप चेब स्वभावजे इच्छाजे विरुद्ध चीक्‍क्‍य। नदे च चे मे हम्‍बदे नमयूने चीस्‍स्ये अम्‍पीनजे लागि अम्‍ब ङ्‍ही त्‍यात्‍याजे विरुद्धने ख्यङ्।

गलाती 5:24

सू ख्रीष्‍ट येशूजे ख्यङ् थमयूदे पाप चेब स्वभावने हम्बजे अन्ज्य इच्छा सजने खील् ठोक्दीदेबे क्रूस‍ने पील्‍क ख्यङ्।

एफिसी 2:3

ङीनये त्‍याफे थमयूदे चेप्र चे ख्‍य, ङीनजे ङ्वदे च चीत्‍तीङ् रीको सेम्जे इच्‍छा पूरा चीत्‍देबे रङ्सेजे पापी स्‍वभावने प्रख्‍य, मेस्‍ये सूजो लम ख्यब मीयूप्रने ङीनजे स्‍वभावदेने छी चेब छगूम्-पूर्‌गूम् यदेबे य ख्‍य।

तीतस 2:12

अम्‍ब अनुग्रहदे ङीनने अन्ज्‍य जीया मेस्‍ये संसारजे लाल्‍ची क्याबीसे पीन्क्‍य, अम्‍ब अनुग्रहजे कारणदे ङीन रङ्सेने कबूने येत्‍देबे अम्‍ब संसारने तम्दम् मेस्‍ये धर्मी क्यूत्देबे जीया च खूइय।

तीतस 3:3

चेनेयलो त्‍याफे ङीनये मुर्ख, यब अन्-ङ्‍यीन्, सीत्‍तीने ट्वाब, थर्-थर्‌जे अन्ज्‍य वेश्य काम मेस्ये मोज-मजाने फस्तीकब ख्य। नमयू दुष्‍ट मेस्ये ठेनब कामने दिन चब, मीदे घिन चीक्‍कब मेस्ये त्‍यादे त्‍याने घिन चेबयू ख्‍य।

याकूब 3:15

येर बुद्धि परमेश्‍वरदे पीनब दी। तर अम्‍ब संसारजे ख्यङ्, परमेश्‍वरजे आत्‍माजे दी, तर शैतानजे बुद्धि ख्यङ्।

याकूब 4:16

तर चूजो नमयू रङ्सेने केन् त्‍वोत्‍देबे ल तप्‍क्‍य। येर केन् त्‍वेब साप्‍ता पोयू ज्‍य दी।

१ पत्रुस 1:14

परमेश्‍वरजे आज्ञा मन्‍देब च-चीमीयू क्‍यूत्‍देबे खूम् अन्‍स्‍येदेबे चीक्‍कब रङ्सेजे अन्‍ज्‍य इच्‍छायूतेले जेम्‍से नमयू अम्‍प्रलाची।

१ पत्रुस 2:11

ङैजे ख्योन्‌यू, ङ नमयूने बिन्‍ती चीक्‍क्‍य, फीदेशने गीलीदेबे टुनब अन्स्येब मीयूप्र ख्यङ् यब पो स्‍येदेबे नमयूजे आत्‍माजे विरुद्धने जीङब अम्‍ब ङ्वजे अन्‍ज्‍य इच्‍छायूत्यादे आलाक् क्‍यूत्‍देबे टूङ्।

२ पत्रुस 2:10

पात्‍ता केन् पोब, थमयू अशुद्ध चेब वेश्य कामयू चीन्‍नीय, मेस्‍ये परमेश्‍वरजे अधिकारने ह्‍यल चीक्‍क्‍य। अम्‍ब मीयू अर्‌बो मेस्‍ये सोरो केन् त्‍वेब क्‍यूक्‍क्‍य, होरदे स्वर्गने ख्‍यबयूजे न-प्‍वेने चैये अम्‍फ।

२ पत्रुस 2:18

थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।