१ यूहन्‍ना 2:15 - घले नयाँ करार

¹⁵ संसार या सं‍सार‌जे सेयूने प्रेम अन्‍चील्‍लाची कादेये कोइमीदे अम्‍ब संसारजे सेयूने प्रेम चीत्‍दे यलो परमेश्‍वर पजे प्रेम ङूप्रे क्यूस्से त्‍वो।

१ यूहन्‍ना 2:15 ပူးပေါင်းရင်းမြစ်များ

मत्ती 4:8

फेरि शैतानदे येशूने फेर गङ् त्‍याने स्‍योल्‍गीदेबे का-मुलुक‍जे राज्‍ययू मेस्‍ये राज्‍ययूजे महिमा ‍क्वाने येशूने तन्दे,

मत्ती 6:24

“सूदेये मालिक ङ्‍हीजे सेवा चे अन्‍खू। चेनेयलो ङूदे त्‍याने ह्‍यल चीक्‍क्‍य मेस्‍ये सूजोबने प्रेम चीक्‍क्‍य, या ङूदे त्‍याबने मन्‍दीय होर्‌दे सूजोबने अम्‍मन्‍दी। नमयूदे परमेश्‍वर मेस्‍ये धनजे सेवा चे अन्‍खू।

लूका 16:13

“कम्‍ब त्वोदेये मालिक ङ्हीजे सेवा चे अन्‍खू, चेनेयलो ङूदे त्‍याने ह्‍यल चीत्देबे त्‍याबने प्रेम चीक्‍क्‍य, या ङू त्‍याजे भक्त क्यूत्देबे सूजोने छी चीक्‍क्‍य। नमयूदे परमेश्‍वरजे मेस्ये धन अम्‍ब ङ्हीजेने सेवा चे अन्‍खू।”

यूहन्‍ना 15:19

कादेये नमयू अम्‍ब संसारजे ख्यङ् यलो ब संसारदे नमयूने रङ्से मी मन्‍दीदेबे माया चे ख्यङ्दे। तर नमयू अम्‍ब संसारजे दी। ङैदे नमयूने संसारदे आलाक् चेने सेल्‍दे, येरेक्‍यूत्‍देबे संसारदे नमयूने ह्‍यल चीक्‍क्‍य।

रोमी 12:2

अम्ब संसारजे मीयूप्रने नक्‍कल अन्चील्‍लाची, तर रङ्सेब सर् सेम् क्यूत्देबे पूरा रुप्ने सूजो क्यूक्‍की। होर्‌दे परमेश्‍वरजे सोरो ज्य, सेम् पर्‌तेब मेस्ये सिद्ध इच्छा च ख्य, हम्ब नमयूदे था प्रे-खूइय।

गलाती 1:10

च ङ मीयूजे कृपा मेल ख्यङ्, यी परमेश्‍वर‌जे? या ङैदे मीयूने सूग्‍लाबे चे मेल्‍नऔ? कादेये ङैदे मीयूने सूग्‍लाबे चेब बोङ्त्‍या चीन्‍नूलो ङ ख्रीष्‍टजे त्वो अन्‍क्‍यूर ख्यङ्दे।

एफिसी 2:2

हम्‍ब बीलने नमयू संसारने पाप चीत्‍देबे प्रख्‍य। नमयूदे मूजे शक्तिने नोबो मन्‍देख्‍य। परमेश्‍वरने अम्‍मन्‍देब मीयूने ङूदे दीनी रङ्सेजे काबुने ये ख्यङ्।

१ तिमोथी 6:10

चेनेयलो साप्‍ता थर्‌जे खराबजे छ ब नोर‌्‌ने माया चेब ख्यङ्। कोइ-कोइ नोर‌्‌जे लोभने पर्‌दीदे विश्‍वास चेब क्‍यापीदेबे अन्ज्‍य लम्‍तेले लादीये ख्यङ्, मेस्‍ये कूम पीर्‌दे थमयूजे सेम् ठ्व ख्यङ्।

याकूब 1:27

नदे प-म त्‍वब टा-ट्वेयू मेस्‍ये प्‍ल्‍यङ् सीयेब मदीयूजे सकस्ने दोङ्मी मेस्‍ये संसारने ख्‍यब दुष्‍ट सेयूट्‍‍यादे आलाक् क्‍यूत्‍देबे टूङ्, परमेश्‍वर पदे शुद्ध मेस्‍ये दोष त्‍व ठर्‌तीयेब धर्म अम्‍ब ख्यङ्।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ यूहन्‍ना 3:17

कोइ मीप्रे संसारजे सीर्‌ सम्पत्ति कूम ख्यङ्लीने रङ्से अत-अची च्‍योन्‍ने सोरो हर्‌जो पर्‌तीन तङ्ब थमयूजे लागि ङूजे सेम्‍दे पीन्‍दीङ् अन्‍डलो, होर मीने परमेश्‍वरदे केरे प्रेम चीक्‍क्‍य?

१ यूहन्‍ना 4:5

हम्‍बयू संसारजे ख्यङ् येरेक्‍यूत्‍देबे थमयूदे संसारजे पोत्‍या चीक्‍क्‍य, मेस्‍ये संसारजे मीयूदे थमयूजे पो ङ्‍यीन्क्य।

१ यूहन्‍ना 5:10

सूदे परमेश्‍वरजे चने विश्‍वास चीक्‍क्‍य, हम्‍बजे सेम्‍ने अम्‍ब पोजे गवाही क्‍यूक्‍क्‍य। परमेश्‍वरने विश्‍वास अन्‍चेबदे परमेश्‍वरदे पीनब गवाही लूच्‍च ख्यङ् यीय, चेनेयलो परमेश्‍वरदे रङ्से चजे बारेने पीनब गवाहीने हम्‍बदे विश्‍वास अन्‍ची।