१ यूहन्‍ना 2:13 - घले नयाँ करार

¹³ नम, पयूने ङ लिख्दीन ख्यङ्, चेनेयलो सुरुमेस्‍येने ख्‍यब ख्रीष्‍टने नमयूदे स्‍ये ख्यङ्। नम, स्‍योर्‌बयूने ङ लिख्दीन ख्यङ्, चेनेयलो नमयूदे हम्‍ब दुष्‍ट शैतान फ्‍याने ट्‌याक ख्यङ्। ङैजे चीद पीचयू, ङ नमयूने लिख्दीन ख्यङ्, चेनेयलो नमयूदे ङीनजे प परमेश्‍वरने स्‍ये ख्यङ्।

१ यूहन्‍ना 2:13 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 13:19

कोइ मीदे परमेश्‍वरजे राज्‍यजे वचन ङ्यीनब ङ्यीन्‍लीने, हम्‍ब वचन क्‍व-अङ्‍खू। होर्‌दे थमयूजे सेम्ने हीतेब पो दुष्‍ट रदेबे लेन्‍कीय। येर खल्‍जे मीयू लम्तेले पर्‌दीयेब लूप्र ख्यङ्।

मत्ती 13:38

रङ् ब संसार ख्यङ्। होर्‌दे ज्‍य लूब परमेश्‍वरजे राज्‍यजे छगूम्-पूर्‌गूम् ख्यङ्, मेस्‍ये सामा स्‍यूब दुष्‍टजे छगूम्-पूर्‌गूम् ख्यङ्।

मत्ती 5:37

नमयूदे यब पो ब ‘अँ’ यलो ‘अँ’ होर्‌दे ‘दी यलो’ ‘दी’ यब त्‍या क्‍यूस्‍स्‍य। अम्‍बयली थेप् यलो हम्‍बब दुष्‍टदे चेब क्‍यूक्‍क्‍य।

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 14:7

नमयूदे ङैने स्‍ये यलो, ङैजे पनेये स्‍ये ख्यङ्दे। जेम्‍सेमेस्‍ये ङूने स्‍येय, मेस्‍ये नमयूदे ङूने तङ्‍क ख्यङ्।

यूहन्‍ना 14:9

येशूदे ङूने यदे, “फिलिप अन्‍छ्वासेमे ङ नमयूप्रे ख्यङ्लीने नदे ङैने अन्‍स्‍येया? सूदे ङैने तङ ख्यङ्, हम्‍बदे पनेये तङ ख्यङ्। नदे केरे य खूइय, ‘ङीने प तम्‍मी?’

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 8:19

थमयूदे ङूने लोत्‍दे, “नैजे प कने ख्यङ्?” येशूदे जवाफ पीन्‍दे, “नमयूदे ङैनेये अन्‍स्‍ये, पनेये अन्‍स्‍ये। नमयूदे ङैने स्‍ये यलो ङैजे पनेये स्‍ये ख्यङ्दे।”

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

१ तिमोथी 5:1

रङ्से यली केन्-ता मीयूने अङ्-ङर्-लाची, तर ङूने पप्र चीत्‍देबे सम्‍झीदी। रङ्से यली चीदयूने रङ्सेजे च्‍योन्‍नेप्र ची।

तीतस 2:6

होरप्रने चम्‍च स्‍योर्‌बयूनेये रङ्सेजे सेम्-कबूने येन् यदेबे अर्ती पीन्।

१ यूहन्‍ना 1:1

हम्‍ब जीया पीनब वचन सुरुमेस्‍येने ख्‍य, हम्‍ब वचन ङीदे तैक ख्यङ्, ङीजे रङ्से म्‍यादेने तङ्‍क ख्यङ्, ङीदे लेत्‍दे मेस्‍ये ङीजे लादे छूत्‍दे,

१ यूहन्‍ना 2:1

ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

१ यूहन्‍ना 2:12

ङैजे छेब पीचयू, ङ नमयूने अम्ब लिख्दीन ख्यङ्, चेनेयलो ख्रीष्‍टजे मीन्जे लागि नमयूजे पाप क्षमा क्यूक्‍क ख्यङ्।

१ यूहन्‍ना 2:14

नम, पयूने ङ लिख्दीन ख्यङ्, चेनेयलो मूरू संसार सुरु क्‍यूर यली खूम् ख्‍यबने नमयूदे स्‍ये ख्यङ्, स्‍योर्‌बयू, ङ नमयूने लिख्दीन ख्यङ्, चेनेयलो नमयू बोल्यो ख्यङ्, मेस्‍ये परमेश्‍वरजे वचन नमयूदे बोङ्बे सेम्‍ने येन ख्यङ्, मेस्‍ये नमयूदे हम्‍ब दुष्‍ट शैतानने ट्‌या ख्यङ्।

१ यूहन्‍ना 3:12

ङीन कयिनप्र क्‍यूर अन्‍क्‍यूर्‌, ङू दुष्‍ट शैतानजे मी क्‍यूत्‍देबे रङ्से च्‍योन्‍ने सेत्‍दे। ङूदे रङ्से च्‍योन् चेने सेत्‍दे? चेनेयलो ङूजे रङ्सेजे कामयू दुष्‍ट ख्‍य, होर्‌दे ङूजे च्‍योन्‍जे कामयूब परमेश्‍वरने सेम् पर्‌देब ख्‍य।

१ यूहन्‍ना 4:4

ङैजे पीचयू, नमयूब परमेश्‍वरजे ख्यङ्, मेस्‍ये नमयूदे थमयू फ्‍याने ट्‌याक ख्यङ्। चेनेयलो सू नमयूप्रे ख्यङ्, ङू संसारने ख्‍यबयली पात्‍ता केन् ख्यङ्।

१ यूहन्‍ना 5:18

परमेश्‍वरजे छगूम्-पूर्‍गूम् सूदेये पाप चीन्‍नूस्‍ये त्‍वो, तर परमेश्‍वरजे च-येशू ख्रीष्‍टदे हम्‍बने जूक्‍तीदेबे येक्‍क्‍य, मेस्‍ये दुष्‍ट शैतानदे हम्‍बने चैये हनी चे-अङ्‍खू।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।

प्रकाश 2:7

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्‍स्‍य। सूदे ट्‌याय, स्वर्गने ख्‍यब जीया पीनब तङ्बोजे सी ङैदे हम्‍बयूने चस्‍ये पीन्‍क्‍य।