१ यूहन्‍ना 2:1 - घले नयाँ करार

¹ ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

१ यूहन्‍ना 2:1 ပူးပေါင်းရင်းမြစ်များ

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 10:15

केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 13:33

“पीच चीदयू खात्‍यात्‍या ङ नमयूप्रे क्‍यूक्‍क्‍य। नमयूदे ङैने मेल्‍क्‍य, मेस्‍ये ङैदे यहूदीयूने केरे येये ख्‍य, जेम्‍से ङ नमयूनेये यीय, ‘ङ केने प्रेन ख्यङ्, होने नमयू र खूस्‍ये त्‍वो।’

यूहन्‍ना 14:16

होर्‌दे ङ पप्रे ला जोर्‌तीय, मेस्‍ये ङूदे नमयूने सूजो मोतो पीनब त्‍या कूल्‍बीय, होर्‌दे ङू येतार्‌ने नमयूप्रे क्‍यून्‍नीय।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 21:5

येशूदे थमयूने यदे, “च्योन्‌यू, नमयूदे ङ-तेते ङ्येप्‍ता स्‍व?” थमयूदे ङूने जवाफ पीन्‍दे, “त्‍वो।”

यूहन्‍ना 5:14

होर्‌देङ्येदे येशूदे मन्दिरने ङू तूदेबे यदे, “ले, न तम् क्‍यूक्‍क ख्यङ्। फेरि पाप अन्‍चील्‍लाची, मेस्‍ये नने सूजो थेप् अन्‍ज्‍य अन्‍क्‍यूस्‍स्‍य।”

यूहन्‍ना 5:36

“तर यूहन्‍नादे पीनब गवाही यलीने थेप् केन् गवाही ङैजे पक्षने ख्यङ्। चेनेयलो पदे ङैने चीस्‍ये पीनब कामयू पूरा चीस्‍ये पीन ख्‍य, हम्‍ब काम ङैदे चीन्‍न ख्यङ्। मेस्‍ये ङैजे बारेने गवाही हम्‍ब कामदेने ङ पदे कूल्‍बे यदेबे तन्‍क्‍य।

यूहन्‍ना 6:27

नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

यूहन्‍ना 8:11

ङूदे यदे, “प्रभु, सूदेये अम्पीन्।” येशूदे यदे ङैये नने दण्ड अम्‍पीन्। प्र, जेम्‍से फेरि पाप अन्‍चील्‍लाची।”]

मूल स्यूस्स्यायूजे कामजे किताब 7:52

अगमवक्तायू नङ्ने कम्‍बने थमयूजे मेमेयूदे सतनम् अन्‍चे चीत्‍दे स्व? परमेश्‍वरजे पवित्र सेवा चेब रेन ख्यङ् यदेबे खबर स्‍य्‍वेब अगमवक्तायूनेये थमयूदे सेत्‍दे। नमयूदेब सेवा चेने रबने धोक पीन्‍देबे सेत्‍दे।

रोमी 5:10

चेनेयलो ङीन परमेश्‍वरजे शत्रु ख्यङ्बने ङूजे च येशू ख्रीष्‍ट ङीन्‍जे लागि सीइदेबे परमेश्‍वरप्रे मिलाप क्‍यूक्‍क ख्‍य यलो, झन् थेप् ख्रीष्‍टजे जीयादे ङीनने बच्‍दीमीय।

रोमी 6:15

जेम्‍से च चे? ङीन मोशाजे नियम नङ्ने त्‍वो, तर अनुग्रहजे नङ्ने ख्यङ् यदेबे ङीन पापने चीन्‍न औ? दी, येरे कलङ्बेये चे अन्‍क्‍यूर्‌।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 4:19

ङैजे छेब पीच चीदयू, नमयूने ख्रीष्‍टजेप्र स्वभाव अन्‍क्‍यूत्‍दासेमे पीच प्रेमेल्‍नब मदीने नप्रने फेरि ङैने सकस् क्यून्‍न ख्यङ्।

एफिसी 2:18

चेनेयलो ङूदे चीत्‍देबे ङीन यहूदी मेस्‍ये यहूदी तेब ङ्हीदेने पवित्र आत्माजे बोङ् प्रेत्‍देबे प परमेश्‍वर ट्‌याने प्र-प्रेब क्‍यूर ख्‍य।

एफिसी 4:26

छी ची, तर पाप अन्चील्‍लाची। मीया नूम्‍बयली खूम्ने नमयूजे छी मल्‍बस्‍य,

१ तिमोथी 2:5

चेनेयलो परमेश्‍वर तीत्‍यात्‍या ख्यङ्, परमेश्‍वर प्रे मीयूजे अन्‍द्रने मीलाप चेने पो मील्‍लेब मीये तीत्‍यात्‍याने ख्यङ्-हम्‍ब मी, ख्रीष्‍ट येशू ख्यङ्।

१ तिमोथी 3:14

नैट्‌याने छ्‌योटोने रसे मन ख्यङ्, येरेक्‍यूल्‍लीने ङ नने अम्‍ब लिख्दीय,

हिब्रू 9:24

अम्‍ब तम्दम्जे पवित्र पाल-कीम्जे नमूना चीत्‍देबे मीजे लादे बन्‍दीयेब पवित्र नेने ख्रीष्‍ट अन्‍क्‍योइ, तर ङू स्‍वर्ग नङ्ने क्‍योइदे, मेस्‍ये ङू ङीनजे लागि परमेश्‍वरजे खूम्‍ने क्यूर ख्यङ्।

याकूब 1:27

नदे प-म त्‍वब टा-ट्वेयू मेस्‍ये प्‍ल्‍यङ् सीयेब मदीयूजे सकस्ने दोङ्मी मेस्‍ये संसारने ख्‍यब दुष्‍ट सेयूट्‍‍यादे आलाक् क्‍यूत्‍देबे टूङ्, परमेश्‍वर पदे शुद्ध मेस्‍ये दोष त्‍व ठर्‌तीयेब धर्म अम्‍ब ख्यङ्।

याकूब 3:9

अम्‍ब लीदेने प्रभू मेस्‍ये प परमेश्‍वरजे सार्‌या ङीन चीक्‍क्‍य, मेस्‍ये अम्‍ब लीदेने परमेश्‍वरजे रूप्ने बन्‍दीयेब मीने ले तप्‍क्‍य।

१ पत्रुस 2:22

“ङूदे कलङ्बेये पाप अन्चीक्‍क, मेस्‍ये ङूजे ङूर्‌दे कलङ्बेये लूच्‍च अन्‍क्‍यम्क।”

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 3:18

ङैजे पीच चीदयू, ङीन वचन मेस्ये ङूर्‌देत्‍या प्रेम अन्‍चील्‍लाचीदे, तर त्‍यादे त्‍याने साक्‍तीमेब काम चीदे मेस्‍ये तम्दम् प्रेम चीदे।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 3:7

सूमीदेये नम चीद पीचयूने छल्‍ले अङ्‍खूस्‍य। सूदे ठीक काम फर्‌क्‍य, ख्रीष्‍ट धर्मी ख्यप्रने हम्बये धर्मी क्‍यूक्‍क्‍य।

१ यूहन्‍ना 4:4

ङैजे पीचयू, नमयूब परमेश्‍वरजे ख्यङ्, मेस्‍ये नमयूदे थमयू फ्‍याने ट्‌याक ख्यङ्। चेनेयलो सू नमयूप्रे ख्यङ्, ङू संसारने ख्‍यबयली पात्‍ता केन् ख्यङ्।

१ यूहन्‍ना 5:17

अन्‍ज्‍य चेब साप्‍ताने पाप ख्यङ्, तर येर पापये ख्यङ् हम्‍बदे कालजे ङूर्‌ने अन्‍सब।

१ यूहन्‍ना 5:21

चीद पीचयू, नमयू मूर्तिट्‍यादे आलाक्के जूक्‍तीदेबे टूङ्।

३ यूहन्‍ना 1:4

ङैजे च-चीमीयू परमेश्‍वरजे सत्य लम्‍ने प्रेन ख्यङ् यब पो त-प्रेप्‍प अम्ब यली सूजो थेप् आनन्द क्यूरब पो ङैजे लागि सूजो चला क्‍यूर ख्व स्व?