१ यूहन्‍ना 1:9 - घले नयाँ करार

⁹ कादेये ङीनदे परमेश्‍वरजे खूम्ने रङ्से पापजे पश्‍चाताप चीत्‍देबे परमेश्‍वरदेले ल्‍वारदेयलो, ङूदे ङीनजे पाप क्षमा चीम्‍मीय, मेस्‍ये अन्‍ज्‍य कामयू साप्‍ताने चीस्‍स्ये अम्‍पीन्‍लाबे शुद्ध चीम्‍मीय, चेनेयलो परमेश्‍वर भर् पर्‌दे ख्वब मेस्‍ये धर्मी ख्यङ्।

१ यूहन्‍ना 1:9 ပူးပေါင်းရင်းမြစ်များ

मत्ती 3:6

मेस्‍ये थमयू रङ्सेदेने ङ पापी ख्‍यङ् मन्‍देबे यर्दन क्‍यूगीन्‍दीने यूहन्‍नाजे लादे बप्‍तिस्मा कीन्‍दे।

मर्कूस 1:5

यहूदिया देश मेस्‍ये यरूशलेमजे मीयू क्‍वाने यहून्‍ना ट्‌याने योङ्‌रदे। मेस्‍ये थमयूदे रङ्सेदे रङ्सेने पापी ख्यङ् यदेबे यूहन्‍नाजे लादे यर्दन होङ्ने बप्‍तिस्मा कीन्‍दे।

लूका 22:57

तर पत्रुसदे येरे यदेबे ङ दी यदे, “या मो, ङैदे ङू अन्‍स्ये।”

यूहन्‍ना 17:25

“धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

मूल स्यूस्स्यायूजे कामजे किताब 19:18

विश्‍वास चेब कूम मीयू रदेबे थमयूदे चीक्‍कब रङ्से-रङ्से दुष्‍ट कामयू ङैदे चीक्‍क ख्‍यङ् यदेबे स्वीकार चीत्दे मेस्ये हम्‍ब कामयू स्‍योत्‍दे।

रोमी 3:26

परमेश्‍वर रङ्सेने धर्मी ख्यङ् मेस्‍ये येशूने विश्‍वास चेबयूने परमेश्‍वरदे धर्मी ठर्‌दीय यब पो गवाही तनने ङूदे चूजोजे बीलने अम्‍ब काम चे ख्यङ्।

१ कोरिन्थी 1:9

परमेश्‍वर भरपर्‌ते ख्‍वब ख्यङ्, ङूदे रङ्से च ङीनजे प्रभु येशू ख्रीष्‍टजे सङ्गतिने नमयू कोदे।

१ कोरिन्थी 6:11

त्‍याफे नमयूये येरप्रने ख्‍य। तर प्रभु येशू ख्रीष्‍टजे मीनने होर्‌दे ङीन्‍जे परमेश्‍वरजे आत्मादे नमयूने शुद्ध चीम्मीदे, पवित्र चीम्मीदे, मेस्‍ये दोष त्‍वब चीम्‍मीदे।

एफिसी 5:26

येर्‌बे ख्रीष्‍टदे हम्‍बने क्‍यूदे ठूदेबे रङ्से वचनदे पवित्र चे खूस्‍य,

१ तिमोथी 1:15

अम्‍ब वचन केर्‌बेनेयली मन्‍देब खल्‍जे ख्यङ्, यी येशू ख्रीष्‍ट पापीयूने उद्धार चेजे लागि संसारने रदे, मेस्‍ये पापीयू नङ्ने ङ मूख्‍य पापी ख्यङ्।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 10:23

ङीनदे पक्‍क रूप्दे ग्रहण चेब आशाने अल्मल् अन्‍क्‍यूल्‍लाबे बोङ्बे चूङ्नूदे, चेनेयलो परमेश्‍वरदे चै कबुल चीत्‍दे हम्‍ब ङूदे पूरा चीक्‍क्य यदेबे भर् चीन्‍न खूइय।

हिब्रू 11:11

सारादेये विश्‍वास चीत्‍देबे रङ्सेजे लो कूम गीलीलीने ख्‍वाजेम क्‍यूर ख्‍वब शक्ति प्रेत्‍दे। चेनेयलो कबुल चेबने ङूदे भर् पर्‌ते ख्वब ख्यङ् यदेबे मन्दे।

हिब्रू 6:10

परमेश्‍वरदे अन्‍न्याय अन्ची, मेस्ये ङूजे लागि नमयूदे चेब काम मेस्‍ये ङूजे मीयूने माया चेब पो परमेश्‍वरदे कलङ्बेये अन्-येल्। येरप्र काम नमयूदे दीनीये चीन्‍न ख्यङ्।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।