१ यूहन्‍ना 1:7 - घले नयाँ करार

⁷ तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

१ यूहन्‍ना 1:7 ပူးပေါင်းရင်းမြစ်များ

मत्ती 6:12

ङीजे अपराध क्षमा चीम्‍मी, केर्‌बे ङीने अपराध चेब मीयूजे अपराध ङीदेये क्षमा चीम्‍मीदे।

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 12:35

येशूदे थमयूने यदे, “अझ तम्‍त्‍यासेमे ओथ्याङ् नमयूप्रे ख्यङ्। ओथ्याङ् नमयूप्रे ख्यङ्दा र-प्र ची, कादेये मून्‍दूङ्दे नमयूने अङ् उप्‍कस्‍य। कोइ मून्‍दूङ्ने र-प्र चील्‍लो, हम्‍बदे रङ्से केने प्रेन ख्यङ् यदेबे था अम्‍प्रे।

यूहन्‍ना 5:4

चेनेयलो परमप्रभुजे दूत त्‍यादे कदङ् कदङ्ब मो क्‍यू छ्वोने रदेबे क्‍यू लीङ्बे ख्‍य, मेस्‍ये क्‍यू लीङ ङ्येदे पात्‍ता खूम सू क्‍यू नङ्ने क्‍योब हम्‍ब मी कर बीददे बेस्‍से नैनूलीने, तम् क्‍यूप्‍प ख्‍य।]

रोमी 13:12

मून् कूम गीली, जेम्‍से म्‍या तङ्‍र ख्यङ्। येरेक्‍यूत्‍देबे मून्दूङ्ने चेब अन्‍ज्‍य काम क्‍यापीदेबे ङीन ओथ्याङ्जे लास्या टेले।

१ कोरिन्थी 6:11

त्‍याफे नमयूये येरप्रने ख्‍य। तर प्रभु येशू ख्रीष्‍टजे मीनने होर्‌दे ङीन्‍जे परमेश्‍वरजे आत्मादे नमयूने शुद्ध चीम्मीदे, पवित्र चीम्मीदे, मेस्‍ये दोष त्‍वब चीम्‍मीदे।

एफिसी 1:7

ङूजे सोरो केन् अनुग्रह अनुसार ख्रीष्‍टजे कादे ङीन ख्रीष्‍टने क्‍यूत्‍देबे उद्धार, ङीनजे पापजे क्षमा प्रेक्क्य,

एफिसी 5:8

चेनेयलो खूम नमयूये मून्दूङ्ने ख्‍य तर जेम्से प्रभुजे मी क्‍यूत्‍देबे नमयू ओथ्याङ्ने ख्यङ्। होरेक्‍यूत्‍देबे नमयू ओथ्याङ्जे छगूम्-पूर्‌गूम्यूदे प्रने नमयूदेये र-प्र ची।

१ तिमोथी 6:16

ङूनेत्‍या कलङ्बेये अन्‍सीब जीया ख्यङ्। ङू ओथ्याङ्ने टून ख्यङ् अम्‍ब ओथ्याङ् ट्‌याने सूत्‍याये र अङ्‍खू। ङूने कम्‍ब मीदेये कलङ्बेये अन्‍तङ् मेस्‍ये तङये अन्‍खू। ङूनेने गेसेन् मेस्ये शक्ति येतार्‌ने क्‍यून्‍नूस्‍य। आमेन।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

याकूब 1:17

सोरो ज्‍य मेस्‍ये सिद्ध बरयू क्‍वाने स्वर्गदे रीय, ओथ्याङ्जे परमेश्‍वर प ट्‌यादे अम्‍ब बरयू क्‍वाने रीय। फेर्‌दीनब छायाप्र ङू कलङ्बेये अम्फेर्‌दी।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ यूहन्‍ना 1:3

ङीदे च तङ्दे मेस्‍ये तदे, हम्‍ब नमयूने स्‍योक्‍क्‍य येरे ङीप्रे नमयूजे सङ्गति क्‍यूस्‍स्‍य। ङीजे सङ्गतिब परमेश्‍वर प मेस्‍ये च येशू ख्रीष्‍टप्रे ख्यङ्।

१ यूहन्‍ना 1:5

ङीदे प्रभु येशू ट्‍यादे तब मेस्ये नमयूने स्य्वेब वचन अम्बने ख्यङ्: परमेश्‍वर ओथ्याङ् ख्यङ् मेस्‍ये ङूने मून्दूङ् छीत्याये त्वो।

१ यूहन्‍ना 5:6

येशू ख्रीष्‍ट क्‍यू प्रे कादे ‍रदे, या येशू ख्रीष्‍ट क्‍यूदे बप्‍तिस्मा क्‍यूत्‍देबेत्‍या र दी, तर क्‍यूप्रे काने क्‍यूत्‍देबे ‍र ख्यङ्। अम्‍ब सत्य ख्यङ् यदेबे गवाही पीनब पवित्र आत्मा ख्यङ्, चेनेयलो पवित्र आत्मा सत्य ख्यङ्

१ यूहन्‍ना 5:8

पवित्र आत्मा, क्‍यू प्रे का ख्यङ्, होर्‌दे अम्‍ब सोम्देने त्‍याप्र गवाही पीन्‍क्‍य।

२ यूहन्‍ना 1:4

प परमेश्‍वरदे ङीनने पीनब आज्ञा अनुसार नैजे च-चीमीयू नङ्ने कोइ सत्यने प्रेनब तूदेबे ङैजे सेम् सोरो आनन्द ख्यङ्।

३ यूहन्‍ना 1:4

ङैजे च-चीमीयू परमेश्‍वरजे सत्य लम्‍ने प्रेन ख्यङ् यब पो त-प्रेप्‍प अम्ब यली सूजो थेप् आनन्द क्यूरब पो ङैजे लागि सूजो चला क्‍यूर ख्व स्व?

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।

प्रकाश 7:14

होर्‌दे ङैदे ङूने यदे, “प्रभु, नदेने स्‍ये ख्यङ्।” ङूदे ङैने यदे, “थमयूब सोरो फत्‍या सतनम् सैदीदेबे रब मीयू ख्यङ्, मेस्‍ये थमयूदे रङ्सेजे कोलायू थुमाजे काने ठूदेबे कर्‌ चे ख्यङ्।