१ यूहन्‍ना 1:3 - घले नयाँ करार

³ ङीदे च तङ्दे मेस्‍ये तदे, हम्‍ब नमयूने स्‍योक्‍क्‍य येरे ङीप्रे नमयूजे सङ्गति क्‍यूस्‍स्‍य। ङीजे सङ्गतिब परमेश्‍वर प मेस्‍ये च येशू ख्रीष्‍टप्रे ख्यङ्।

१ यूहन्‍ना 1:3 ပူးပေါင်းရင်းမြစ်များ

यूहन्‍ना 17:11

“नै ट्‌याने ङ रेन ख्यङ्‍, जेम्से ङ संसारने कूम अन्‍टोङ्, तर थमयू अम्‍ब संसारने टूङ्क्‍य। येरेक्‍यूत्‍देबे ओ पवित्र प, ङैने पीनब मीयूने नैजे मीन्जे शक्तिदे जूक्‍तीमी, मेस्‍ये नेप्रे ङ त्‍या क्‍यूरप्रने थमयूये त्‍या क्‍यूस्‍स्‍य।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:25

“धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 19:35

नमयूदेये विश्‍वास चीस्‍य यदेबे अम्‍ब घटनायू रङ्सेजे म्‍यादेने तङ्ब मीदे गवाही पीने ख्यङ् मेस्‍ये ङूजे गवाही तम्दम् ख्यङ् यदेबे ङूने था ख्यङ्।

मूल स्यूस्स्यायूजे कामजे किताब 13:32

“परमेश्‍वरदे प-मेमेने चेब हम्‍ब कबुल‍जे सूगब खबर ङीदे नमयूट्‌याने रेक्‍क्‍य।

मूल स्यूस्स्यायूजे कामजे किताब 13:41

‘मीजे न प्वेयू, ले, मेस्ये हार्‌मन्दी, होर्‌दे नाश क्यूप्पस्य, चेनेयलो नमयूजे सेमेने ङ कामत्‍या चीक्‍क्‍य, येर कामजे बारेने कोइदे स्‍योल्‍लीने नमयूदे कलङ्बेये विश्‍वास चीस्‍स्‍ये त्‍वो’।”

मूल स्यूस्स्यायूजे कामजे किताब 2:42

थमयू मूल स्यूस्स्यायूजे शिक्षा, सङ्गति चेब मेस्‍ये प्रे-क्‍यङ् क्‍योत्‍देबे चब भात्यार्‌जे प्रार्थनाने येतारने लादीन ख्‍य।

मूल स्यूस्स्यायूजे कामजे किताब 20:27

चेनेयलो परमेश्‍वरदे यब पोयू टक्‍कने ङैदे नमयूने स्‍योत्‍दे।

मूल स्यूस्स्यायूजे कामजे किताब 4:20

चेनेयलो ङीदे तङब मेस्‍ये तब पोयू ङी अन्‌-यलाबे टूङने अन्‍खू।”

रोमी 15:27

अम्‍ब भेटी थमयूजे सेम् नङ्देने पीन ख्‍य। तम्दम्ने येयलो मकेडोनियाने मेस्‍ये अखैयाने ख्यब विश्‍वासीयूजे भार यरूशलेमने ख्यब विश्‍वासीयूने ट-ख्यङ्। चेनेयलो यहूदीयूदे प्रेब असी यहूदी तेब मीयूदेये प्रेख्यङ्‍यलो, थमयूदेये प्रेब नोरदे यहूदीयूप्रे असी क्‍वे पर्‌दीय।

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

१ कोरिन्थी 1:9

परमेश्‍वर भरपर्‌ते ख्‍वब ख्यङ्, ङूदे रङ्से च ङीनजे प्रभु येशू ख्रीष्‍टजे सङ्गतिने नमयू कोदे।

१ कोरिन्थी 15:1

अत-अची च्योन्‌यू, ङैदे नमयूने प्रचार चीक्‍कब सूगब खबर फेरि नमयूने ह्‍वे चीम्‍मीतीङ् र ख्यङ्, ङैदे स्‍य्‍वेब सूगब खबर नमयूदे सेम्‍ने येत्‍दे, मेस्‍ये हम्‍बने नमयूदे बोङ्बे विश्‍वास चीत्‍दे।

२ कोरिन्थी 13:14

प्रभु येशू ख्रीष्‍टजे अनुग्रह, परमेश्‍वरजे प्रेम, मेस्‍ये पवित्र आत्माजे सङ्गति नमयू क्‍वाप्रेने क्‍यून्‍नूस्‍य।

एफिसी 3:6

या सूगब खबरदेने यहूदी मेस्‍ये यहूदी तेब मीयूदे प्रे-प्रेने परमेश्‍वरजे असी प्रे ख्यङ्, ङ्व त्‍याजे अङ्गयू मेस्‍ये ख्रीष्‍ट येशूने क्‍यूत्‍देबे चेब कबुलजे गोसारी क्‍यूर ख्यङ्।

फिलिप्पी 1:7

नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

फिलिप्पी 2:1

कोदेये नमयू ख्रीष्‍टप्रे क्‍यूत्‍देबे तेते आँट प्रेल्‍लो, ङूजे प्रेमदे सेम्‍ने तेते आँठे पीन्‍लो, पवित्र आत्माप्रे तेते सङ्गति क्‍यूल्‍लो, ङ्‍येमब मेस्‍ये सेम्ने दया ख्यङ् यलो,

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

कलस्सी 1:13

ङूदे ङीनने मून्‍दूङ्जे राज्‍यदे अलाक् चीत्‍देबे ङूजे छेब चजे राज्‍यने चेलाबे सेबे ख्यङ्।

१ थेसलोनिकी 1:10

होर्‌दे स्‍वर्गदे रस्‍ये ख्‍यब ङूजे च येशूने परमेश्‍वरदे सीयेबदे सोम्‍बो चीम्मी‍दे, हम्‍ब येशूजे लम् नमयूदे लेन्‍न ख्यङ्, येशूदे ङीन फ्याने र मेल्‍नब परमेश्‍वरजे छीदे जूक्‍तीमीय।

१ तिमोथी 6:2

विश्‍वास चेब मालिकयूने त्वो-त्वोमयूदे रङ्से विश्‍वासने अत-च्‍योन् यदेबे गेसेन् अन्‍चे अन्‍चीस्‍स्‍य। बरू थमयूदे थमयूजे झन् थेप् सेवा चीस्‍स्‍य, चेनेयलो थमयूजे सेवादे फाइदा क्यूरब मालिकयूब रङ्सेदे माया चेब विश्‍वासीयूने ख्यङ्।

हिब्रू 2:12

ङूदे य ख्यङ्, “ङैजे अत-अची च्योन्‌यूजे खूम्‍ने नैजे मीन् बोङ्बे स्‍योक्‍क्‍य, सभाजे अन्‍द्रने नैजे सार्‌या चीक्‍क्‍य।”

हिब्रू 3:1

येरेक्‍यूत्‍देबे परमेश्‍वरदे क्‍वब पवित्र अत-अची च्योन्‌यू, ङीदे स्वीकार चेब मूल स्यूस्स्या मेस्‍ये पात्‍ता केन् पूस्‍र्‌या येशूने विचार ची।

हिब्रू 3:14

कादेये ङीनदे चेब हम्‍ब खूम्जे विश्‍‍वास आखिरीसेमे बोङ्बे चूङ्नूदेयलो, ख्रीष्‍टदे प्रेब हकने ङीनये सामेल् क्‍यूर प्रेक्‍क्‍य।

१ पत्रुस 5:1

ख्रीष्‍टदे भोक्‍तेब सकस्यूजे साक्षी मेस्ये ङ्‍येदे तङ्‍रब महिमाने सामेल् क्‍यूर प्रेब एल्‍डर त्याजे नातादे नमयूजे नङ्ने ख्‍यब एल्‍डर ख्योन्‌यूने ङ बिन्ती चीक्‍क्य।

२ पत्रुस 1:16

चेनेयलो ङीन प्रभु येशू ख्रीष्‍टजे केन् शक्ति मेस्‍ये ख्रीष्‍ट रब खबर ङीदे नमयूने स्‍योप्‍प, चलाख चीत्‍देबे बन्‍दीयेब मीयूङ्जे दन्त्य कथायूजे के अन्था, तर ङूजे महिमा रङ्से म्‍यादेने तङब साक्षी ङी ख्यङ्।

१ यूहन्‍ना 1:1

हम्‍ब जीया पीनब वचन सुरुमेस्‍येने ख्‍य, हम्‍ब वचन ङीदे तैक ख्यङ्, ङीजे रङ्से म्‍यादेने तङ्‍क ख्यङ्, ङीदे लेत्‍दे मेस्‍ये ङीजे लादे छूत्‍दे,

१ यूहन्‍ना 1:5

ङीदे प्रभु येशू ट्‍यादे तब मेस्ये नमयूने स्य्वेब वचन अम्बने ख्यङ्: परमेश्‍वर ओथ्याङ् ख्यङ् मेस्‍ये ङूने मून्दूङ् छीत्याये त्वो।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।