१ यूहन्‍ना 1:2 - घले नयाँ करार

² अम्‍ब जीया तङ्‍रदे, ङीदे तङ्दे मेस्‍ये ङी गवाही पीन्‍क्‍य, होर्‌दे कलङ्बेये अन्सीबब जीयाजे पो नमयूने स्‍योक्‍क्‍य। अम्ब जीया पप्रे ख्‍य, मेस्‍ये ङीन ट्‌याने तङ्‍रदे।

१ यूहन्‍ना 1:2 ပူးပေါင်းရင်းမြစ်များ

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 1:4

ङूप्रे जीया ख्‍य, मेस्‍ये हम्‍ब जीया मीयूजे लागि ओथ्याङ् ख्‍य।

यूहन्‍ना 10:28

थमयूने ङ कलङ्बेये अन्सीबब जीया पीन्‍क्‍य, होर्‌दे थमयू कलङ्बेये नाश अन्‍क्‍यूप्‍प, मेस्‍ये थमयूने सूदेये ङैजे लादे लेन्के अन्खू।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 15:27

नमयूये ङैजे गवाही ख्यङ्, चेनेयलो नमयू खूम्मेस्‍येने ङैप्रे ख्यङ्।”

यूहन्‍ना 16:28

ङ प ट्‌यादे रदेबे संसारने र ख्यङ्, होर्‌दे फेरि संसार पङ्‍गीदेबे ङ प ट्‌याने ल्‍वाबीन ख्यङ्।”

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

यूहन्‍ना 19:35

नमयूदेये विश्‍वास चीस्‍य यदेबे अम्‍ब घटनायू रङ्सेजे म्‍यादेने तङ्ब मीदे गवाही पीने ख्यङ् मेस्‍ये ङूजे गवाही तम्दम् ख्यङ् यदेबे ङूने था ख्यङ्।

यूहन्‍ना 21:14

येशू सीइदेबे फेरि सोम्‍बो क्‍यूर ङ्येदे स्यूस्स्यायू ट्‌याने तङ्‍रब अम्‍ब सोम्‍खेप् क्‍यूर ख्‍य।

यूहन्‍ना 3:13

स्वर्गदे रब मीजे च-त्यामे सूजो सूये स्वर्ग अङ्‍गीली।

यूहन्‍ना 7:29

तर ङैदे ङू स्‍ये ख्यङ्, चेनेयलो ङ ङूदे कूल्‍बीदेबे रब ख्यङ् मेस्‍ये ङूदे ङैने कूल्‍बे ख्यङ्।”

यूहन्‍ना 8:38

ङ ङैजे पप्रे ख्यङ्ब तङब पोयूजे बारेने यीय, तर नमयूब नमयूजे पदे यदेबे तब पोयू चीक्‍क्‍य।”

मूल स्यूस्स्यायूजे कामजे किताब 1:22

या, येर मी यूहन्‍नाजे बप्‍तिस्मादेमेस्‍ये ङू ङीन ख्‍यनेदे तो कूतेब दिनसेमेने ङीनप्रे ख्‍य। हम्‍ब मी ङीन प्रे-प्रे ङूजे फेरि सोम्‍बो क्‍यूरेबजे गवाही क्‍यूर पर्‌दीय।

मूल स्यूस्स्यायूजे कामजे किताब 10:41

मी क्वानेने दी, तर ङीन सूने परमेश्‍वरदे साक्षीजे लागि सेल्‍दे, मेस्‍ये ङू सीयेबदे सोम्‍बो क्‍यूरमेस्‍ये ङीदे ङूप्रे च-थूङ चीत्‍दे।

मूल स्यूस्स्यायूजे कामजे किताब 2:32

अम्‍ब येशूने परमेश्‍वरदे सोम्‍बो चीत्‍दे। अम्‍ब पोजे ङी क्वाने गवाही ख्यङ्।

मूल स्यूस्स्यायूजे कामजे किताब 3:15

मेस्‍ये जीया पीनबने नमयूदे सेत्‍दे, हम्‍बने परमेश्‍वरदे सीयेबदे सोम्‍बो चीत्‍देबे लङ्दे, ङी अम्‍बजे गवाही ख्यङ्।

मूल स्यूस्स्यायूजे कामजे किताब 5:32

अम्‍ब साप्‍ता पोयूजे ङी गवाही ख्यङ्, मेस्‍ये हेरप्रने पवित्र आत्माये, परमेश्‍वरदे हम्‍बने रङ्सेजे आज्ञा मन्‍देब मीयूने पीने ख्यङ्।”

रोमी 8:3

पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

१ पत्रुस 5:1

ख्रीष्‍टदे भोक्‍तेब सकस्यूजे साक्षी मेस्ये ङ्‍येदे तङ्‍रब महिमाने सामेल् क्‍यूर प्रेब एल्‍डर त्याजे नातादे नमयूजे नङ्ने ख्‍यब एल्‍डर ख्योन्‌यूने ङ बिन्ती चीक्‍क्य।

१ यूहन्‍ना 1:1

हम्‍ब जीया पीनब वचन सुरुमेस्‍येने ख्‍य, हम्‍ब वचन ङीदे तैक ख्यङ्, ङीजे रङ्से म्‍यादेने तङ्‍क ख्यङ्, ङीदे लेत्‍दे मेस्‍ये ङीजे लादे छूत्‍दे,

१ यूहन्‍ना 2:25

ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

१ यूहन्‍ना 4:14

प परमेश्‍वरदे अम्‍ब संसारजे मुक्ति पीनब क्‍यूरने रङ्सेजे च कूल्‍बे ख्यङ् यदेबे ङीदे तङ ख्यङ्, मेस्‍ये अम्‍बजे गवाही पीन्‍क्‍य।

१ यूहन्‍ना 4:2

परमेश्‍वरजे आत्माने नमयूदे येर्‌बे चीन्‍तीय: येशू ख्रीष्‍ट ङ्वजे रूप्‍ने रेक ख्यङ् यदेबे स्वीकार चेब आत्मायू क्‍वाने परमेश्‍वरजे ख्यङ्।

१ यूहन्‍ना 5:11

परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।

१ यूहन्‍ना 5:13

चेनेयलो नमयूदे कलङ्बेये अन्सीबब जीया प्रेक्‍क ख्यङ् यब पो था क्‍यूस्‍स्‍य यदेबे अम्‍ब चिट्ठी परमेश्‍वरजे चजे मीन्‍ने विश्‍वास चेब नमयूने लिख्दीन ख्यङ्।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।