3 ङैजे विरुद्धने क्यमबयूने ङैजे जवाफ अम्ब ख्यङ्,
“कन्छ्वाब थमयूदे नमयूने सभा-कीम्यू, हुकुम चील्लेबयू मेस्ये सरकारजे हाकिमयूजे खूम्दे रेक्क्य, हन्छ्वाब नमयू रङ्सेजे लागि जवाफ केर्बे पीन, या च य पर्दे, यदेबे हम्बजे सूर्त अन्चील्लाची,
“अत-च्योन्यू प्रे पयू, नमयूजे खूम्ने ङ रङ्सेजे तर्फदे य पर्देब पो जेम्से ङ्यीनो।”
“तर ङैदे थमयूने यदे, ‘मीने दोषी अन्ठर्दीतासेमे रोमी सरकारजे दण्ड पीनब चलन त्वो। दोष लैदेब मीदे दोष प्रेब मीजे खूम्दे रङ्से पो स्य्वेब मौका प्रेपर्दीय।’
कोइदे रङ्सेने अगमवक्ता या विश्वासने बोल्यो ख्यब मी मन्क्ययलो, ङैदे लिख्दीनब पो प्रभुजे आज्ञा ख्यङ् यदेबे मन्दीस्य।
ङ सूजो मीयूजे लागि मूल स्यूस्स्या तीलीने नमयूजे लागिब मूल स्यूस्स्या क्यूर ख्यङ्, चेनेयलो प्रभुजे कामने ङैजे मूल स्यूस्स्या पदजे छप नमयू ख्यङ्।
ङीजे लागि थान्ता प्रेपर्देब हक त्वया?
येरेक्यूत्देबे नमयू ख्यनेदे ङ चीन्तङ् क्यूल्लीने अम्ब पोयू लिख्दीन ख्यङ्, ङ होने रब सूनेये अन्-ङेयम्लाबे प्रभुदे ङैने पीनब हक चील्ले अम्पर्तीस्य। अम्ब हक प्रभुदे नोङ्बेजे लागि दी, तर ज्य चेजे लागि पीन ख्यङ्।
ख्रीष्ट ङैप्रे क्यूत्देबे क्यम ख्यङ् यब पोजे प्रमाण नमयूदे मे ख्यङ्। नमयूप्रे काम फरने ङू कमजोर त्वो, तर ङू नमयूजे अन्द्रने शक्तिशाली ख्यङ्।
नमयूजे विश्वास ख्यङ् यी त्वो यदेबे रङ्सेदे रङ्सेने चेला ले। येरे चेला लेप्प विश्वास ख्यब प्रेत्देयलो येशू ख्रीष्ट नमयूप्रे ख्यङ् यदेबे नमयूने था क्यूर पर्तीय!
सूजो मीयूदे यली ङैदे थेप् चीत्दे यदेबे तन मीयूदेब ङ झ्यालखानने क्यूप्प थेप् सकस् पीनब सेम् चीत्दे, मेस्ये शुद्ध सेम्दे दी, तर अन्ज्य सेम्दे ख्रीष्टजे पो स्योक्क्य।
नमयू क्वाजे लागि येरे मनब ङैने ज्य थेको, ङैदे नमयू क्वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्योप्प मेस्ये विश्वासने बोल्यो चीम्मेब कामने नमयू ङैप्रे-प्रे परमेश्वरजे अनुग्रहने सामेल् क्यूर ख्यङ्।
ङैजे पात्ता खूम्जे मुद्दा चीङ्ब सूदेये ङैने अन्तोङ्मी, तर क्वादेने ङैने पोङ्यीदे। अम्ब पोजे दोष थमयूने अन्लादीस्य।
