१ कोरिन्थी 4:12 - घले नयाँ करार

¹² ङी रङ्से लादेने काम फर्‌देबे छेम्‍म्रे चेख्यङ्। सूजो मीयूदे ह्‍यल चीप्‍प ङी असी पीन्‍क्‍य। मीयूदे सतनम् पीम्‍ब ङी सैदीय।

१ कोरिन्थी 4:12 ပူးပေါင်းရင်းမြစ်များ

मत्ती 5:11

“नमयूदे असी प्रेक्‍क्‍य, कन्‍छ्वाब ङैजे कारण मीयूदे नमयूजे न पूक्‍क्‍य, सतनम् चीक्‍क्‍य, मेस्‍ये लूच्‍च क्‍यम्‍देबे नमयूजे विरुद्धने पीरीपीरीजे अन्ज्‍य पो यीय।

मत्ती 5:44

तर ङ नमयूने यीय, रङ्से शत्रुयूने प्रेम ची, मेस्‍ये नमयूने सतनम् पीन्‍नब मीयूजे लागि प्रार्थना ची,

लूका 23:34

मेस्‍ये येशूदे यदे, “प, थमयूने क्षमा पीन्, चेनेयलो थमयूदे च चीन्‍न ख्‍य यदेबे अन्‍स्‍ये।” होर्‌दे थमयूदे येशूजे कोला भा कोत्‍देबे चीट्ठ थादे।

लूका 6:28

ले-तप्‍यूने असी पीन्, अन्ज्‍य व्यवहार चेबयूजे लागि प्रार्थना ची।

यूहन्‍ना 15:20

ङैदे नमयूने यब वचन ह्‍वे ची, ‘त्वो कीम् नोबो यली केन् अन्‍क्‍यूर्‌।’ थमयूदे ङैने सतनम् चीत्‍दे यलो नमयूनेये सतनम् चीक्क्य। थमयूदे ङैजे वचन मन्‍दीलो नमयूजे वचनये मन्‍दीय।

मूल स्यूस्स्यायूजे कामजे किताब 18:3

त्याप्र काम चेब क्‍यूत्‍देबे पावलये थमयूप्रे टूङ्देबे काम चीत्‍दे। चेनेयलो थमयूजे काम पाल बन्‍देब ख्‍य।

मूल स्यूस्स्यायूजे कामजे किताब 20:34

नमयू रङ्सेदेने था ख्यङ् ङैजे अम्‍ब लादेने काम फर्‌देबे ङैजे रङ्सेजे मेस्ये ङैप्रे ख्‍यब मीयूजे हर्‌जो पूरा चे ख्यङ्।

मूल स्यूस्स्यायूजे कामजे किताब 7:60

होर्‌दे ङूदे पूजी चोदेबे के केन् योन्देबे यदे, “ओ प्रभु, अम्‍ब पापजे दोष थमयूने अन्‍लादीस्‍य।” अन्‍छ्वात्या यदेबे ङूदे दीयो पूत्‍दे।

रोमी 12:14

नमयूने छरङ् पीनब मीयूने ले अन्‍तप्‍लाबे असी पीन्।

रोमी 12:20

बरू, “कादेये नैजे शत्रु सोरो ठीनूदेयलो चसे पीन्, क्‍यू फै ख्यङ्लो क्‍यू थूङ्स्‍ये पीन्, चेनेयलो येरे चील्‍लो नैजे शत्रुजे टने मीजे भोप्रो म्यूर्‌क्य।”

रोमी 8:35

जेम्से ङीनने ख्रीष्‍टजे प्रेम ट्‍यादे सूदे स्‍या खूइय? सकस्दे, या दु:खदे या सतनम्दे, या अनिकालदे, या ह्‍वे अम्‍प्रेत्‍देबे, या खतरा या पार्‌ज्‍यादे?

१ कोरिन्थी 9:6

ङै प्रे बारनाबासदे त्‍यामे ख्‍वाजे स्‍वेजे लागि काम चे पर्‌देया?

२ कोरिन्थी 11:8

नमयूजे सेवा चेने सूजो मण्‍डलीजे मीयूने नोर्‌ स्‍यदेबे ङैदे हम्‍ब मण्‍डलीजे मीयूने लूर्‌तीदे।

एफिसी 4:28

खूमान्दे जेम्से अन्खूस्‍य। बरू ङूदे छेम्प्रे चीत्देबे ईमानदार क्यूत्देबे रङ्से लादे काम चीस्‍स्‍य, मेस्‍ये हर्‌जोने पर्‌देब मीयूने पीन खूस्‍य।

१ थेसलोनिकी 2:9

अत-अची च्योन्‌यू, ङीदे चेब सकस् होर्‌दे छेम्‍प्रे नमयूने थाने ख्यङ्। नमयू सूनेये क्‍वी अङ्-कल्‍लाचीदे यदेबे नो-मून् काम फर्‌देबे परमेश्‍वरजे सूगब खबर ङीदे नमयूने स्‍य्वेत्‍दे।

२ थेसलोनिकी 3:8

ङीदे सूजेये चसे होरेने अन्‍च। तर नमयू सूनेये क्वी अन्क्‍यूस्‍स्‍य यदेबे ङीदे नो-मून् बेस्‍से छेम्‍प्रे चीत्‍देबे काम फर्‌दे।

१ तिमोथी 4:10

अम्‍ब उदेश्यदे ङी धम चीत्‍देबे काम फर ख्यङ्। चेनेयलो ङीनजे आशा सोम्‍बो परमेश्‍वर फ्‍याने ये-ख्यङ्, ङू मीयू क्‍वाजे लागि मेस्‍ये खास रूप्‍ने ङू फ्‍याने विश्‍वास चेयूजे मुक्ति पीनब ख्यङ्।

१ पत्रुस 2:23

थमयूदे ङूजे न पूल्‍लीने ङूदे खी अम्‍फा। कष्‍ट भोक्‍ते पर्‌दीलीने ङूदे सूनेये धम्‍की अम्पीन्। तर ठीक न्याय चेब परमेश्‍वरने भर्‌ चीत्‍दे।

१ पत्रुस 3:14

तर कादेये ज्‍य काम चेजे लागि दु:ख भोक्‍ते पर्‌तीलीने परमेश्‍वरदे नमयूने असी पीन्‍क्‍य। हम्‍बयूदे धम्‍की पीन्‍ब फ अम्‍पर्‌ती, मेस्‍ये सूर्‌त चीन्‍न अम्‍पर्‌ती।

१ पत्रुस 3:9

कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 4:19

येरेक्‍यूत्‍देबे परमेश्‍वरजे इच्छा अनुसार सकस् भोक्‍तेबयूदे भलो क्‍यूरब ज्‍य काम फर्‌स्‍य मेस्‍ये थमयूजे सृष्‍टि चेब परमेश्‍वरजे लाने रङ्से आत्‍मा सूम्‍दीस्‍य, ङूदे रङ्सेजे कबुल येतार्‌ने पूरा चीक्‍क्य।

यहूदा 1:9

तर पात्‍ता केन् स्वर्गदूत मिखाएलदेये मोशाजे मूर्दाजे बारेने शैतानप्रे स्वाल्-जवाफ चीप्‍प ङूजे न पूत्‍देबे दोष पीनने आँट अन्‍चील्‍लाबे “प्रभूदे नने फ्राचीस्‍य” य ख्‍य।