१ कोरिन्थी 3:16 - घले नयाँ करार

¹⁶ नमयू परमेश्‍वरजे मन्दिर ख्यङ्, होरदे परमेश्‍वरजे आत्मा नमयू नङ्ने टूङ्क्‍य यब पो नमयूने था त्‍वा?

१ कोरिन्थी 3:16 ပူးပေါင်းရင်းမြစ်များ

यूहन्‍ना 14:17

ङू सत्यजे आत्मा ख्यङ्, संसारदे ङूने ग्रहण चे-अन्खू, चेनेयलो संसारदे ङूने तङ अन्खू होर्‌दे स्‍ये अन्खू। नमयूदे ङूने स्‍येय, चेनेयलो ङू नमयूप्रे टूङ्क्‍य मेस्‍ये ङू नमयूप्रे क्‍यून्‍नीय।

रोमी 6:16

नमयूने था त्‍वा? सूजे पो ङ्‍यीन्‍देबे काम फर्‌तीङ्‍रीय, ङूजेने नमयू त्वो-त्वोम क्‍यूक्‍क्‍य। पापजे त्वो-त्वोम क्‍यूत्‍देबे ङूजेने आज्ञा मन्‍दीय यलो नमयू सीबीय, तर परमेश्‍वरजे आज्ञा मन्‍दीदेयलो नमयू ङूजे खूम्ने धर्मी ठर्‌दीय।

रोमी 6:3

नमयूने था त्‍वा, ङीन क्‍वादेने ख्रीष्‍ट येशूने बप्‍तिस्मा कीन्दे, ङूजे मृत्‍युनेने ङीन क्‍वादेने बप्‍तिस्मा कीन्‍क ख्‍य?

रोमी 8:11

येशूने सीयेब ङ्वदे फेरि सोम्‍बो चीम्‍मेब परमेश्‍वरजे आत्‍मा नमयू नङ्ने बास टूङ्देयलो, ख्रीष्‍ट येशूने सीयेबदे सोम्बो चीम्मेब परमेश्‍वरदेने नमयूप्रे बास टूङब ङूजे आत्माने क्यूत्देबे नमयूजे सीयेब ङ्वनेये सोम्बो चीम्मीय।

रोमी 8:9

कादेये तम्दम्ने परमेश्‍वरजे आत्‍मा नमयूने ख्यङ्दे यलो, नमयू पापी स्‍वभाव अनुसार प्रब दी, तर पवित्र आत्‍मा अनुसार चील्‍लेब क्यूक्क्य। तर कोइ मीयूप्रे ख्रीष्‍टजे आत्‍मा अन्‍क्‍यूत्‍देयलो हम्‍ब ख्रीष्‍टजेने दी।

१ कोरिन्थी 3:17

कोइमीदे परमेश्‍वरजे मन्दिरने नाश चीक्क्य यलो परमेश्‍वरदे हम्‍बने नाश चीक्क्य। चेनेयलो परमेश्‍वरजे मन्दिर पवित्र ख्यङ्, मेस्‍ये नमयू हम्‍ब मन्दिर ख्यङ्।

१ कोरिन्थी 3:9

चेनेयलो ङीन परमेश्‍वरजे काम प्रे-प्रे फरब मीयू ख्यङ्, नमयूब परमेश्‍वरजे रङ् ख्यङ्, मेस्‍ये परमेश्‍वरजे कीम् ख्यङ्।

१ कोरिन्थी 5:6

नमयू केन् त्‍वेब ज्‍य दी। क्‍यङ् बूलाबे चेब छीत्‍यात्‍या खमिरदे टक्क ता छ्‌योङ्बने पूलाबे चीप्‍पीय यब पो नमयूने था त्‍वा?

१ कोरिन्थी 6:16

वेश्य काम चेबप्रे सूमीदे वेश्य काम चीक्‍क्‍य, ङू हम्‍बप्रेने ङ्व-त्‍या क्‍यूक्‍क्‍य यब पो नमयूने था त्‍वा? धर्मशास्त्रने येरे लिख्दीये ख्यङ्, “हम्‍ब मी ङ्ही ङ्व-त्‍या क्यूक्क्य।”

१ कोरिन्थी 6:19

नमयूजे ङ्व पवित्र आत्माजे मन्दिर ख्यङ्, हम्‍ब पवित्र आत्मा परमेश्‍वरदे नमयूने पीन ख्यङ्, मेस्‍ये ङू नमयूजे नङ्ने बास टूङ ख्यङ् यदेबे नमयूने था त्‍वा? नमयूजे रङ्से ङ्वये नमयूजे ते ख्यङ्।

१ कोरिन्थी 6:9

परमेश्‍वरजे राज्‍यने दुष्‍टयू क्‍योबब हक अम्‍प्रे यदेबे नमयूने था त्‍वा? नमयूदे धोका अम्‍प्रेस्‍स्‍य, छाडा काम चेबयू, मुर्ति पूस्‍तेयू, वेश्य काम चेबयू, मदी-मदी मेस्ये पती-पतीजे अन्द्रने प्रे ङ्यूमबयू, पती वेश्ययू,

१ कोरिन्थी 9:13

मन्दिरने काम फरबयूदे मन्दिरने चेर्‌तीयेब चसेयू चीय, होर्‌दे बलि चेर्‌तेब टेने काम फरबयूदे बलि चर्‌दीयेब सेजे रङ्से भा प्रेक्क्य यब पो नमयूने था त्‍व?

१ कोरिन्थी 9:24

ग्‍य पार्‌देब मीयू क्‍वाने ग्येय, तर इनाम ब तीत्‍यादे त्‍यामे प्रेक्क्य यब पो नमयूने था त्‍वा? नमयू इनाम प्रेब तर्‌दीप्‍दे ग्‍य।

२ कोरिन्थी 6:16

मूर्तियूप्रे परमेश्‍वरजे मन्दिरजे चे मतलब? चेनेयलो ङीन ब सोम्‍बो ख्‍यब परमेश्‍वरजे मन्दिर ख्यङ्। परमेश्‍वरदे येरे य ख्यङ्:- “ङ थमयूप्रे टूङ्‍क्य, मेस्‍ये थमयूजे अन्द्रने ती-छो प्रीय, होरदे ङ थमयूजे परमेश्‍वर क्‍यूक्‍क्‍य, मेस्‍ये थमयू ङैजे मीयू क्‍यूक्‍क्‍य।”

१ तिमोथी 3:15

कादेये ङ रने गेबदेयलो परमेश्‍वरजे कीम् म्हीतीने मीयू केरे प्र पर्‌तीय, अम्‍ब चिट्ठी छ्‍योत्देबे लोम्नू। अम्ब कीम् म्हीतीब सोम्बो परमेश्‍वरजे मण्डली ख्यङ्, होर्‌दे तम्दम्‍जे थम् मेस्ये आठे ख्यङ्।

२ तिमोथी 1:14

नने जिम्मा लैदीयेब तम्दम् पोने ङीन नङ्ने बास चेब पवित्र आत्माजे शक्तिदे चीम्‍देबे यीन्।

हिब्रू 3:6

तर परमेश्‍वरजे कीम्ने ख्रीष्‍टब भर् पर्‌ते ख्‍वब च ख्‍य। कादेये ङीन्जे आशाने ङीन रङ्सेदे चीन्‍नब भर्‌ मेस्‍ये आँट पात्‍ता ङ्‌येसेमे टेल्‍नूदेयलो ङीन ङूजे कीम्-म्हीती क्‍यूक्‍क्‍य।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ पत्रुस 2:5

येशू ख्रीष्‍टने क्‍यूत्‍देबे नमयूये परमेश्‍वरजे खूम्‍ने सेम् पर्‌तेब आत्‍माजे बलि पीनब पवित्र पूस्‍र्‌या क्‍यूरने नमयू सोम्‍बो पत्‍थर्‌यूप्र क्यूत्‍देबे आत्‍माजे मन्‍दिर बन्‍दीलीम् चीक्‍की।

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।