१ कोरिन्थी 2:10 - घले नयाँ करार

¹⁰ परमेश्‍वर रङ्से आत्मादेने ङीनजे लागि हम्‍ब पो तेम्‍मे ख्यङ्। चेनेयलो परमेश्‍वरजे आत्मादे साप्‍ता सेयू मेल्‍क्‍य, होरदे परमेश्‍वरजे मीदे नङ्सू-नङ्सू पोयूये मेल्‍क्‍य।

१ कोरिन्थी 2:10 ပူးပေါင်းရင်းမြစ်များ

मत्ती 13:11

येशूदे जवाफ पीन्‍दे, “स्वर्ग-राज्यजे नङ्सू पोयूजे ज्ञान नमयूने स्‍येसे पीन्‍दे, तर थमयूने ब अम्‍पीन ख्यङ्।

मत्ती 16:17

येशूदे ङूने यदे, “योनाजे च सिमोन, नदे असी प्रेख्यङ्। चेनेयलो अम्‍ब नने मीयूदे लोम्‍मे दी, तर स्वर्गने ख्‍यब ङैजे पदे तम्‍मे ख्यङ्।

लूका 10:21

हन्‍छ्वाबने पवित्र आत्माने येशू सूग्‍देबे यदे, “ओ पाइ, स्‍वर्ग प्रे पृथ्वीजे परमप्रभु, ङ नने धन्‍यवाद पीन्क्‍य, चेनेयलो नदे अम्‍ब पो बुद्धिमान मेस्ये टाठो-बाठोयूप्रे फूदेबे येत्दे मेस्ये नदे चैत्‍याये अन्‍स्येब पीचयूने स्येलाबे चीम्‍मीदे। चेनेयलो, पाइ नदे अम्‍बने ज्‍य थेदे।

लूका 2:26

“परमप्रभुजे ख्रीष्‍टने अन्‍तङ्दासेमे न अन्‍सीब” यब पो खूम्‍ने पवित्र आत्‍मादे चीत्देबे ङूदे था प्रे ख्‍य।

यूहन्‍ना 14:26

तर पदे ङैजे मीन्‍ने मोतो पीनब, या पवित्र आत्मा कूल्‍बीय, ङूदे साप्‍ता पो नमयूने लोम्‍मीय, मेस्‍ये ङैदे नमयूने येयेब साप्‍ता पो नमयूने ह्‍वेरलाबे चीम्‍मीय।

यूहन्‍ना 16:13

कन्‍छ्वाब ङू, या सत्‍यजे आत्मा रीय, हन्‍छ्वाब ङूदे नमयूने तम्दम्जे पो क्‍वाने लोम्‍मीय। ङू रङ्सेजे तर्फदे अन्‍क्‍यम्। ङूदे च तैय, हम्‍ब नमयूने यीय, मेस्‍ये ङ्येदे क्‍यूरब पोयूये नमयूने चेलाबे येमीय।

१ कोरिन्थी 14:30

कादेये होयाने टूनब कोइ मीत्‍याने परमेश्‍वरदे चत्‍या पो क्‍यम्‍से पीन्‍देयलो तरखूम् क्‍यम्‍नब मी अन्‍क्‍यम्‍ला चीस्‍स्‍य।

१ कोरिन्थी 2:11

मीजे विचार हम्‍ब मी नङ्ने क्‍यूरब आत्मादे त्‍यामे स्‍येखूइय, सूजो सूमीदे स्‍ये खूइय? होरप्रने परमेश्‍वरजे विचार परमेश्‍वरजे आत्मादे त्‍यामे स्‍ये खूइय। सूजो सूमीदेये स्‍ये अङ्‍खू।

गलाती 1:12

चेनेयलो अम्‍ब कोइ मीदे पीन्‍देबे ङैदे प्रेब दी, ङैने अम्‍ब कोइदे लोम्‍मेबये दी, तर येशू ख्रीष्‍ट रङ्सेदेने ङैने अम्‍ब तम्‍मीदे मेस्‍ये ङैदे प्रेत्‍दे।

एफिसी 3:3

परमेश्‍वरदे रङ्सेजे नङ्सू योजना पूक्‍देबे ङैने तम्‍मीदे। अम्‍बजे बारेने ङैदे नमयूने खूम्‍ने चिट्ठी ठून्‍यात्‍या लिख्दीक ख्यङ्।

एफिसी 3:5

हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

१ तिमोथी 4:1

पवित्र आत्मादे चेलाबे य ख्यङ्, यी नङ्‍ग छेल्‍लेब आत्मा मेस्ये छेत् प्रेतजे शिक्षातेले सेम् पीन्‍देबे कोइदे विश्‍वास चेने क्यापीय।

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ यूहन्‍ना 2:20

तर पवित्र परमेश्‍वरदे नमयूने पवित्र आत्मा पीन्क ख्यङ्, मेस्‍ये नमयू क्‍वादेने सत्य च ख्यङ् यदेबे स्‍येय।

१ यूहन्‍ना 2:27

ख्रीष्‍टदे नमयूने पीनब पवित्र आत्मा नमयूप्रे क्‍यून्‍नीय, मेस्‍ये सूदेये नमयूने लोम-तन चे अम्‍पर्‌ती। पवित्र आत्मादे नमयूने साप्‍ता पोजे बारेने लोम-तन चीक्‍क्‍य। ङूदे लोम्मेब पो सत्‍य ख्यङ्, लूच्‍च अन्‍क्‍यूर्‌। अम्‍ब पवित्र आत्मादे लोम-तन चेप्रने नमयू ख्रीष्‍टप्रे क्‍यून्‍नू।

प्रकाश 1:1

अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 2:24

तर ईजेबेलदे लोम्‍मेब अन्‍ज्‍य पोयू अम्‍मन्‍देब या कोइ मीदे यप्रने शैतानदे नङ्सू पोयू अनुसार‌ जीया अन्‍चलाबे टूनब नम थिआटीराजे मीयूने ङ यीय, ङ नमयू फ्‍याने सूजो क्‍वी चैत्‍याये अन्‍कल्।