१ कोरिन्थी 14:3 - घले नयाँ करार

³ तर अगमवाणी क्‍यमब मी क्‍वादेने मीयूप्रेने क्‍यम्‍क्‍य। ङूदे हम्‍ब मीयूजे विश्‍वासने बोल्यो चेने, आँट पीनने मेस्‍ये सान्त्वना पीनने क्‍यम्‍क्‍य।

१ कोरिन्थी 14:3 ပူးပေါင်းရင်းမြစ်များ

लूका 3:18

येरप्रने‌ सूजो कूम शिक्षा प्रेब अर्तीयू यदेबे यूहन्‍नादे मीयूने सूगब खबर प्रचार चीत्‍दे।

मूल स्यूस्स्यायूजे कामजे किताब 13:15

अम्ब मोशाने पीनेब नियम मेस्ये अगमवक्तायूदे लिख्देब किताब छ्‌य्वेमेस्‍ये सभा-कीम्‍जे मूख्‍ययूदे पावल मेस्‍ये बारनाबासने कोदेबे यदे, “या च्योन्‌यू, नमयूप्रे मीयूजे लागि अर्ती पीनब पो चत्‍या ख्यङ्लो य।”

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

मूल स्यूस्स्यायूजे कामजे किताब 15:32

यहूदा मेस्‍ये सिलास रङ्सेयूये अगमवक्ता क्‍यूरबदे अत-च्योन्‌यूने वचनदे कूम अर्ती पीन्‍देबे थमयूने बोल्यो चीम्‍मीदे।

मूल स्यूस्स्यायूजे कामजे किताब 4:36

साइप्रस देशजे लेवी खलकजे योसेफ, मूल स्यूस्स्यायूदे ङूने बारनाबास यदेबे मीन् ये ख्‍य (अम्‍बजे अर्थ आँटजे च ख्‍य),

मूल स्यूस्स्यायूजे कामजे किताब 9:31

होर्‌देङ्येदे पूरा यहूदिया, गालील मेस्‍ये सामरियाजे का-मुलुक‍जे मण्डलीने ढूक्‍क क्‍यूत्‍दे। प्रभुजे स्यूस्स्यायूदे पवित्र आत्मादे सान्त्वना प्रेत्‍दे। मण्डलीजे उन्‍नती क्‍यूत्‍दे। मेस्‍ये कूम मीयूदे येशूने विश्‍वास चीत्‍दे।

रोमी 12:8

ज्‍य लम्‍ने प्रने मोतो पीन ख्‍वबदे ज्य मोतो पीन्‍स्‍य, हर्‌जो पर्‌दीनब मीने पीन्ब ज्‍या सेम्दे पीन्‍स्‍य। हक चील्‍ले मीदे चेलाबे चील्‍लीस्‍य मेस्‍ये दया चेब मीदे सूग्‍लाबे दया चीस्‍स्‍य।

रोमी 14:19

येरेक्‍यूत्‍देबे ङीन अम्‍ब पोयूजे के थाये, कम्‍ब पोदे शान्ति रेक्‍क्‍य, होरदे त्‍या-त्‍याजे आत्माने बोङ् पीनब काम चीक्‍क्‍य।

रोमी 15:2

ङीन क्वादेने रङ्से खीम्‍चेजे विश्‍वासने बोल्यो क्यूस्‍स्य यदेबे थमयूजे भलोजे लागि थमयूने सूग्लाबे चीदे।

१ कोरिन्थी 10:23

“साप्‍ता थोकने चेक्यूक्क्य”, तर साप्‍ता थोकदे भलो अन्‍ची। “साप्‍ता थोकने चेक्यूक्क्य”, यदेबे यीय तर साप्‍ता पोदे ङीनने सूधार चेब काम अन्‍ची।

१ कोरिन्थी 14:12

येर्‌बेने नमयूये पवित्र आत्माजे बरयू प्रेने सोरो सेम् चेब क्‍यूत्‍देबे मण्डलीजे विश्‍वासने सोरो ज्‍य बोल्यो चे खूस्‍य यदेबे छेम्‍प्रे ची।

१ कोरिन्थी 14:17

नदेब चेलाबे धन्‍यवादजे प्रार्थना चीस्‍स्ये, तर हम्‍ब प्रार्थनादे सूजो मीजे विश्‍वासने बोल्यो अन्‍ची।

१ कोरिन्थी 14:26

अत च्योनयु, ङैदे यमेब अम्‍बने ख्यङ्। नमयू नेत्‍याने फूङ् क्‍यूप्‍प, कोइप्रे प्रू, कोइप्रे लोम-तनब पो, कोइप्रे परमेश्‍वरजे पो, कोइप्रे सूजो-के या सूजो-केजे अर्थ स्‍योम्‍मेब बरयू क्‍यूक्‍क्‍य। अम्‍ब पो क्‍वाने मण्डलीजे विश्‍वास बोल्यो चेजे लागिने चीस्‍स्‍य।

१ कोरिन्थी 14:31

नमयू क्‍वादेने पलो पलो अगमवाणी क्‍यम खूइय, मेस्‍ये क्‍वादेने येर्‌बे लोम खूइय, होर्‌दे क्‍वादेने आँट प्रेखूइय।

१ कोरिन्थी 8:1

जेम्‍से ङ मुर्तिने चेर्‌दीयेब चसेजे बारेने यीय, ङीन क्‍वाप्रेने ज्ञान ख्यङ् यदेबे ङीनदे स्‍येख्यङ्। ज्ञानदे केन् त्‍वे चीक्क्य, तर प्रेमदे उन्‍नती चीस्स्ये पीन्‍क्‍य।

२ कोरिन्थी 1:4

ङीनने साप्‍ता थर्‌जे दु:खयू रब ङूदे सान्त्वना पीन्‍क्‍य, चेनेयलो परमेश्‍वरदे पीन्‍देबे ङीनदे प्रेब हम्‍ब सान्त्वनादे कर दु:ख प्रेन्‍नबयू क्‍यूल्‍लीने थमयूने सान्त्वना पीन खूस्‍य।

२ कोरिन्थी 2:7

जेम्‍से नमयूदे हम्‍बने क्षमा पीन् मेस्‍ये सेम् प्‍लीक्‍मे पर्‌दीय, नत्र हम्‍ब सोरो शोक्‍त्‍या प्‍लेब क्‍यूप्‍पने।

एफिसी 4:29

नमयूजे ङूर्‌दे अन्ज्‍य बोली अन्-योन्स्य, तर चैदेब ज्‍य मेस्‍ये सूधारदीदेबे ज्‍य स्यूलूक्कै बूलीत्‍या क्‍यमब ची, मेस्‍ये ङ्यीनब मीयूदे अनुग्रह प्रेस्‍स्‍य।

एफिसी 6:22

ङीनजे खबर कर ख्यङ् नमयूने था क्‍यूस्‍स्‍य मेस्‍ये नमयूजे सेम्दे आँट प्रेस्‍स्‍य यब विचारदे ङैदे ङूने नमयूट्‌याने कूल्‍बे ख्यङ्।

कलस्सी 4:8

नमयूदे ङीजे पोयू था प्रेस्‍स्‍य मेस्‍ये नमयूजे सेम्‍दे आँट प्रेस्‍स्‍य यब विचारदे ङैदे नमयूट्‌याने तुखिकसने कूल्‍बे ख्यङ्।

१ थेसलोनिकी 2:11

नमयूने थाने ख्यङ्, पदे रङ्से च-चीमीयूने चे प्रने ङीदे नमयू त्‍या-त्‍याने अर्ती-बुद्धि होर्‌दे आँट पीने-पीने नमयूने च्‍योल्‍दे।

१ थेसलोनिकी 2:3

चेनेयलो ङीजे अर्ती-बुद्धि भूल या अशुद्धदे योङ्‍रब दी, या अम्‍ब तीप्‍लीङ् छोप्‍लीङ् चीत्‍देबे क्‍यूर दी;

१ थेसलोनिकी 3:2

मेस्‍ये नमयूजे विश्‍वास बूल्ल्‍यो चेने होर्‌दे अर्ती-बुद्धि पीनने, ङीदे तिमोथीने नमयूट्‌याने कूल्‍बीदे। ङू ङीनजे च्‍योन् होर्‌दे परमेश्वरने ख्रीष्‍टजे सूगब खबरजे सेवा चेब मी ख्यङ्।

१ थेसलोनिकी 4:1

आखिरीने अत-अची च्योन्‌यू प्रभु येशूने क्‍यूत्‍देबे ङी नमयूने बिन्‍ती चीक्क्‍य, मेस्‍ये अर्ती पीन्क्‍य, यी परमेश्‍वरने केरे सूग्‍ला चे पर्‌दे मेस्‍ये केरे रङ्से जीया च पर्‌दे, हम्‍ब नमयूदे ङीप्रे लोम्‍दे, मेस्‍ये होरप्रने चीन्‍नये ख्यङ्। अम्‍ब पोने नमयू थेप्थेप् ज्‍य क्‍यूप्‍पीनू।

१ थेसलोनिकी 4:18

येरेक्‍यूत्‍देबे त्‍यादे त्‍याने अम्ब वचनयू यदेबे सान्त्वना पीन्।

२ थेसलोनिकी 3:12

जेम्‍से ङी, प्रभु येशू ख्रीष्‍टजे मीन्‍ने येर मीयूने आज्ञा मेस्‍ये अर्ती पीन्क्‍य, यी थमयूदे पारा अम्पूल्लाबे रङ्से काम चीस्‍स्‍य मेस्‍ये रङ्से रङ्से लादेने केमेदीदेबे चस्‍य।

१ तिमोथी 1:4

नदे थमयूने दन्त्य कथायू मेस्ये कलङ्बेये जेन-अन्‍ख्‍वब वंशयू तेलेजे पोयूने अल्मल् क्यूस्स्ये अम्पीन्लाची। अम्ब पोयूदे अर्थ त्वब च्य-फाने थेप् चीक्‍क्य मेस्ये परमेश्‍वरने विश्‍वास चीत्देबे जीया चने साक्‍तीस्ये त्वो।

१ तिमोथी 4:13

ङ अन्‍रदासेमे धर्मशास्‍त्र छ्‌योत्‍देबे स्‍य्‍वेने, प्रचार चेने मेस्ये लोम्‍मेब कामने ध्‍यान् पीन्।

१ तिमोथी 6:2

विश्‍वास चेब मालिकयूने त्वो-त्वोमयूदे रङ्से विश्‍वासने अत-च्‍योन् यदेबे गेसेन् अन्‍चे अन्‍चीस्‍स्‍य। बरू थमयूदे थमयूजे झन् थेप् सेवा चीस्‍स्‍य, चेनेयलो थमयूजे सेवादे फाइदा क्यूरब मालिकयूब रङ्सेदे माया चेब विश्‍वासीयूने ख्यङ्।

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

तीतस 1:9

रङ्सेदे प्रेब तम्दम् शिक्षाने लादीनब मेस्‍ये सूजोनेये अम्‍ब शिक्षा पीन्‍देबे बोङ् पीन ख्‍वब क्यूस्य। अम्‍ब शिक्षा ङीदे लोम्‍मेप्र क्यूरपर्‌तीस्य। होर्‌दे अम्‍बजे बिरोध चेबयूजे गल्‍तीनेये तम्‍मेब क्यूर पर्‌तीस्य।

तीतस 2:15

नदे अम्‍ब पोयू बोङ्बे य, पूरा हकदे लोम-तन ची मेस्‍ये फ्राची। सूदेये नने ह्‍यल अन्‍चीस्‍स्‍य।

तीतस 2:6

होरप्रने चम्‍च स्‍योर्‌बयूनेये रङ्सेजे सेम्-कबूने येन् यदेबे अर्ती पीन्।

तीतस 2:9

त्वो-त्वोमयू रङ्से मालिकयूजे हक नङ्ने टूङ्देबे रङ्से मालिकने साप्‍ता पोनेने सूग्लाबे ची यदेबे हुकुम पीन्, होर्‌दे थमयू मालिकने ङूर् ल्‍वाब अङ्क्यूस्स्य।

हिब्रू 10:25

कोइ मीयू सङ्गतिने अम्‍प्रब बनी ख्यङ्, तर ङीनब सङ्गतिने फूङ् क्यूरने अन्क्यालाचीदे। मेस्‍ये नमयूदे प्रभु रब दिन ट्‌यार्‌‍याङ् फ्‍योरब तङ्देबे त्‍यादे त्‍याने थेप् बोङ् पीन।

हिब्रू 13:22

अत-अची च्योन्‌यू, ङैजे अर्तीजे पोयू चेलाबे ङ्‍यीन् यदेबे ङ नमयूने यीय, चेनेयलो ङैदे नमयूने अम्‍ब चिट्ठी ठून्‍यात्‍या लिख्दीये ख्यङ्।

हिब्रू 3:13

तर कन्‍छ्वासेमे, “दीनीजे दिन” यब पो ख्यङ् हन्‍छ्वासेमे त्‍यादे-त्‍याने लोम-तन ची, मेस्‍ये पापजे छल्‍दे चीत्‍देबे नमयू सूजेये सेम् कोङ अन्‍क्‍यूस्‍स्‍य।

१ पत्रुस 5:12

ङैजे भर्‌पर्‌तेब च्‍योन् सिलासदे अम्‍ब ठून्‍यात्‍या चिट्ठी लिख्‍देने साक्‍तीमे ख्यङ्। अम्‍बने परमेश्‍वरजे तम्दम् अनुग्रह ख्यङ् यदेबे आँट पीनने मेस्‍ये गवाही पीनने अम्‍ब पो यीय। अम्‍ब अनुग्रहने नमयू बोल्यो क्‍यूत्‍देबे टूनू।

यहूदा 1:20

तर ङैजे छेब ख्योन्‌यू, नमयूब नमयूदे चेब पवित्र विश्‍वासने थेप्थेप् बूल्‍ल्‍यो क्‍यूप्प। पवित्र आत्‍माजे शक्तिने प्रार्थना ची।