१ कोरिन्थी 14:2 - घले नयाँ करार

² चेनेयलो सूजो-केने क्‍यमबदे मीयूप्रे क्‍यम दी, तर परमेश्‍वरप्रे क्‍यम्‍क्‍य। ङूदे च येनख्यङ् सूदेये क्‍व-अङ्‍खू, पवित्र आत्माजे बोङ्दे नङ्सू पोयू क्‍यम्‍क्‍य।

१ कोरिन्थी 14:2 ပူးပေါင်းရင်းမြစ်များ

मत्ती 13:11

येशूदे जवाफ पीन्‍दे, “स्वर्ग-राज्यजे नङ्सू पोयूजे ज्ञान नमयूने स्‍येसे पीन्‍दे, तर थमयूने ब अम्‍पीन ख्यङ्।

मर्कूस 16:17

विश्‍वास चेब मीयूप्रे येर च्‍यूनूयू क्‍यूक्‍क्‍य: थमयूदे ङैजे मीन्‍ने छेत्‌यू मीजे ङ्वदे योन्क्‍य। थमयूदे नोङ्ल्‍या केयूने क्‍यम्‍क्‍य।

मर्कूस 4:11

येशूदे थमयूने यदे, “परमेश्‍वरजे राज्‍यजे नङ्सू पो नमयूने स्‍योदे ख्यङ्, मेस्‍ये फीजे मीयूने उखान पूत्‍देत्‍या यीय,

मूल स्यूस्स्यायूजे कामजे किताब 10:46

चेनेयलो सूजो केने क्‍यम्‍देबे हम्‍बयूदे परमेश्‍वरजे सार्‌या चीन्‍नब थमयूदे तदे। होर्‌दे पत्रुसदे यदे,

मूल स्यूस्स्यायूजे कामजे किताब 19:6

कन्‍छ्वाब पावलदे थमयू फ्‍याने ला येत्‍दे, हन्‍छ्वाब पवित्र आत्मा थमयू फ्‍याने रदेबे थमयूदे सूजो केयूने क्‍यम्दे मेस्‍ये अगमवाणी क्‍यम्‍दे।

मूल स्यूस्स्यायूजे कामजे किताब 22:9

होर्‌दे ङैप्रे कोला जना ख्‍य, थमयूदे ओथ्याङ्ब तङ्दे, तर ङैप्रे क्‍यमब पो यलो अन्‍त।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

१ कोरिन्थी 12:10

कोइने हार्‌मन्‍देब कामयू चेब, कोइने अगमवाणी क्‍यमब, कोइने ज्‍य प्रे अन्‍ज्‍य आत्मायूने छूर्‌दे ख्‍वब, कोइने कूम थर्‌-थर्‌जे केयू क्‍यमब, होरदे कोइनेब हम्‍ब केयूजे अर्थ स्‍योम्‍मे ख्वब बरयू पीने ख्यङ्।

१ कोरिन्थी 12:28

परमेश्‍वरदे मण्डलीने पात्‍ता खूम् मूल स्यूस्स्यायू, होर्‌दे ङ्येदे अगमवक्तायू, होर्‌देङ्येदे छ्‌योम्‍मेबयू, होर्‌दे हार्‌मन्‍देब काम चेबयू, मेस्‍ये नवयूने तम् चीम्‍मे ख्‍वब बर प्रेबयू, दोङ्मेबयू, मण्डलीने चेलाबे चचो-पचो चे ख्‍वबयू, सूजो-के क्‍यम ख्‍वब बर प्रेबयूने सेल्‍दे येम्‍मे ख्यङ्।

१ कोरिन्थी 13:1

कादेये मीयूदे क्‍यमब मेस्‍ये स्‍वर्गदूतदे क्‍यमब केने ङ क्‍यम्‍लीने, ङैजे सेम्ने प्रेम त्‍वोदे यली, ङैदे क्‍यमब पो सीत्‍तीने तेरब छील्‍लीङ् मेस्‍ये झ्‍याइ झ्‍याइ चेब छ्‌योलोम्प्रत्‍या क्‍यूक्‍क्‍य।

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

१ कोरिन्थी 14:16

कादेये नमयूदे आत्माने परमेश्‍वरजे सार्‌या चीप्‍प नमयूप्रे ख्‍यबयूदे क्‍व-अङ्‍खूदेलो नदे धन्‍यवादजे प्रार्थना चेजेन ङ्येदे केरे “आमेन” य? चेनेयलो नदे च क्‍यम्‍न ख्‍य हम्‍ब मीयूदे अङ्‍को।

१ कोरिन्थी 14:26

अत च्योनयु, ङैदे यमेब अम्‍बने ख्यङ्। नमयू नेत्‍याने फूङ् क्‍यूप्‍प, कोइप्रे प्रू, कोइप्रे लोम-तनब पो, कोइप्रे परमेश्‍वरजे पो, कोइप्रे सूजो-के या सूजो-केजे अर्थ स्‍योम्‍मेब बरयू क्‍यूक्‍क्‍य। अम्‍ब पो क्‍वाने मण्डलीजे विश्‍वास बोल्यो चेजे लागिने चीस्‍स्‍य।

१ कोरिन्थी 15:51

अन्‍छो ङ्यीन्, ङ नमयूने नङ्सू पो त्‍या यीय, ङीन क्‍वाने अन्‍सीब, तर ङीन क्‍वाने स्वर्गजे मीप्र क्‍यूप्‍पीय,

१ कोरिन्थी 2:10

परमेश्‍वर रङ्से आत्मादेने ङीनजे लागि हम्‍ब पो तेम्‍मे ख्यङ्। चेनेयलो परमेश्‍वरजे आत्मादे साप्‍ता सेयू मेल्‍क्‍य, होरदे परमेश्‍वरजे मीदे नङ्सू-नङ्सू पोयूये मेल्‍क्‍य।

१ कोरिन्थी 2:7

तर ङीदे परमेश्‍वरजे नङ्सू मेस्‍ये फूयेब बुद्धिजे प्रचार चीक्क्य, तोङ्बो जूग् खूम्‍मेस्‍येने ङीनजे महिमाजे लागि परमेश्‍वरदे सेल्‍दे।

एफिसी 6:19

ङैजे लागिये प्रार्थना ची, कन्‍छ्वाब ङ क्‍यमने रङ्से ङूर पूक्‍य हन्‍छ्वाब ङैने वचन पीन्‍स्‍य, मेस्‍ये ङैदे अम्फलाबे सूगब खबरजे नङ्सू पो क्यम खूस्‍य,

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ तिमोथी 3:9

तर थमयू रङ्सेदे प्रेब विश्‍वासजे नङ्जे पो शुद्ध विवेकदे जूक्‍तीदे येनब क्‍यूर पर्‌दीय।

प्रकाश 10:7

तर कन्‍छ्वाब हम्‍ब दिनयूने ङ्यीफे पोलोजे स्वर्गदूतदे रङ्सेप्रे ख्‍यब धूङ्‍कूर्‌ तब मैय, हन्‍छ्वाब रङ्से त्वो अगमवक्तायूने ङूदे बोङ्बे यप्र परमेश्‍वरजे नङ्सू पो पूरा क्‍यूक्‍क्‍य।