१ कोरिन्थी 13:7 - घले नयाँ करार

⁷ प्रेम चेब मीदे साप्‍ताने सैदीय, साप्‍ता पोने पत्‍तीय, साप्‍ता पोने ज्‍य क्‍यूरब आशा चीक्‍क्‍य, होर्‌दे साप्‍ता पोने धेरेन् टूङ्क्‍य।

१ कोरिन्थी 13:7 ပူးပေါင်းရင်းမြစ်များ

मत्ती 10:22

ङैने विश्‍वास चेब कारणदे मीयू क्‍वादेने नमयूने ह्‍यल चीक्क्‍य। तर सूदे ङ्येसेमे टेम्‍देबे टूङ्क्‍य ङूदे उद्धार प्रेक्क्‍य।

मर्कूस 9:23

येशूदे पीचजे पने यदे, “ ‘नदे चे खूइय!’ यदेबे च य? ङैने विश्‍वास चे मीजे लागि साप्‍ताने क्‍यूर खूइय।”

रोमी 15:1

ङीन विश्‍वासने बोल्‍यो ख्‍यबयूदे रङ्सेने सूग्ला चेब सेम्‌त्‍या अन्‌-येल्‍लाबे विश्‍वासने बोल्‍यो त्वब मीयूनेये ख्‍याल् चे पर्‌दीय।

रोमी 8:24

अम्‍ब आशा चीत्‍देने ङीनदे उद्धार प्रेत्‍दे। जेम्से तङ्ब आशाब आशाने दी। चेनेयलो खूम्‍ने प्रेक्‍कब सेजे आशा सूदे चीक्‍क्‍य?

१ कोरिन्थी 13:4

प्रेम चेब मीदे सैदीय मेस्‍ये ङ्येम्‍क्‍य, प्रेम चेब मीदे ठेनब व्यवहार अन्‍तन्, होर्‌दे केन् अन्-‍त्वे।

१ कोरिन्थी 9:12

कादेये सूजो मीयूदे नमयू ट्‍यादे येर हक प्रेपर्‌तीय यदेबे यीय यलो, ङीजे हम्‍बयली थेप् हक अन्‍लादेया? होरेक्‍यूल्‍लीने ङीदे अम्‍ब हक प्रेपर्‌तीय यदेबे अन्-य, तर ख्रीष्‍टजे सूगब खबरने बाधा अन्‍चील्‍लाचीदे यदेबे बरू साप्‍ता पो ङी सैदीय।

गलाती 6:2

अठौं पर्‌तीब त्‍यादे त्‍याने तोङ्मी। येरे चीत्‍देबे ख्रीष्‍टदे पीनब आज्ञा नमयूदे पूरा चीक्‍क्‍य।

२ थेसलोनिकी 1:4

येरप्रने नमयूजे सतनम् मेस्‍ये छरङ् सैदे ख्‍वब बोङ् मेस्‍ये विश्‍वासजे बारेने ङी परमेश्‍वर ख्रीष्‍टजे मण्डलीयू नङ्ने केन् क्‍यूत्‍देबे क्‍यम खूइय।

२ तिमोथी 2:24

प्रभुजे सेवा चेब मीदे स्वाल्-जवाफ चे अन्क्‍यूर्, तर ङू क्‍वाप्रेने दयामाया चे ख्‍वब, ज्‍य शिक्षा लोम्‍मे ख्‍वब मेस्‍ये साप्‍ता पोयू सैदे ख्‍वब क्‍यूर पर्‌दीय।

२ तिमोथी 3:11

एन्टिओखियाने, आइकोनियनने मेस्‍ये लुस्त्राने ङैदे प्रेब सतनम् मेस्ये सकस्यू नने था ख्यङ्, येरेक्यूल्‍लीने प्रभुदे अम्ब साप्‍ता सतनम् मेस्ये सकस्यूट्‍यादे ङैने जूक्‍तीमीदे।

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

हिब्रू 13:13

येर्‌बे जेम्‍से ङीनये सहरजे फीने येशू ख्‍यब नेने प्रे, मेस्‍ये ङूदे सैदेब बदनाम ङीनदेये सैदीदे।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।