१ कोरिन्थी 13:4 - घले नयाँ करार

⁴ प्रेम चेब मीदे सैदीय मेस्‍ये ङ्येम्‍क्‍य, प्रेम चेब मीदे ठेनब व्यवहार अन्‍तन्, होर्‌दे केन् अन्-‍त्वे।

१ कोरिन्थी 13:4 ပူးပေါင်းရင်းမြစ်များ

मत्ती 27:18

चेनेयलो थमयूदे येशूने म्यातब चीत्‍देबे सूम्‍देबेने रे ख्यङ् यब ङूने था ख्‍य।

मूल स्यूस्स्यायूजे कामजे किताब 7:9

“याकूबजे च योसेफने सूजो अत-च्योन्‌यूदे म्‍यातप् चीत्‍देबे ङूने मिश्र देशने सोङ्बीदे। तर परमेश्‍वर ङूप्रे ख्‍य।

रोमी 1:29

साप्‍ता थर्‌जे बदमाश चेब, अन्‍ज्‍य चेब, लोभ, खी फाब पोयूदे थमयूजे सेम् फ्‍यान ख्यङ्। ठेन, मी सेब, च्‍य-फा, छल्, मीजे पो चेब पोदे थमयूजे सेम् फ्‍यान ख्यङ्, मेस्‍ये थमयू पोच्‍येन्,

रोमी 13:13

ङीन नोदे म्‍या तङ्ब चेप्र ज्‍य काम चीदे। मोज-मज्‍जा चेब, च्‍यी-नादू थूङब, वेश्य काम चेब, छाडा काम चेब, च्‍य-जीङब, ठेनब काम क्‍यापी।

१ कोरिन्थी 3:3

नमयू अझ ङ्वजे स्वभाव अनुसार जीया चेन ख्यङ्। चेनेयलो कन्‍छ्वाब नमयूजे अन्‍द्रने म्‍यातप् मेस्‍ये च्‍य-चीङ् क्‍यून्‍न ख्‍यङ् हन्‍छ्वाब नमयू ङ्वजे स्वभाव अनुसार चील्‍लेब न-मीन् त्‍व मीप्र अन्‍क्‍यूरया?

१ कोरिन्थी 4:18

ङ नमयू ट्‌याने रसे त्वो मन्‍देबे कोइ-मीयू केन् त्‍वे क्‍यूरे ख्यङ्।

१ कोरिन्थी 4:6

अत अची च्योन्‍यु, नमयूने ज्‍य क्‍यूस्‍स्‍य यदेबे ङैदे रङ्से मेस्‍ये अपोल्‍लोसजे नमूना तन्‍देबे अम्‍ब साप्‍ता पो लिख्दीन ख्यङ्, येरे ङीदे लोम्‍मेब पवित्र धर्मशास्त्र अनुसार नमयू रङ्से जीया च खूस्‍य, मेस्‍ये नमयू नङ्ने सूदेये त्‍यादे त्‍याजे विरुद्ध चीत्‍देबे केन् अन्‍त्‍वोस्‍स्‍य।

१ कोरिन्थी 5:2

नमयूब केरे त्‍वे खूइय? नमयूदेब सूर्‌त चेपर्‌दे तेया? येर काम चेबयूने नमयूजे नङ्दे योम्‍बी।

१ कोरिन्थी 8:1

जेम्‍से ङ मुर्तिने चेर्‌दीयेब चसेजे बारेने यीय, ङीन क्‍वाप्रेने ज्ञान ख्यङ् यदेबे ङीनदे स्‍येख्यङ्। ज्ञानदे केन् त्‍वे चीक्क्य, तर प्रेमदे उन्‍नती चीस्स्ये पीन्‍क्‍य।

२ कोरिन्थी 12:20

ङ नमयू ट्‌याने रब ङैदे सेम् चीन्‍नप्रने नमयू ज्‍य क्‍यून्‍नब अन्‍तूने, मेस्‍ये नमयूदे सेम् चीन्‍नप्र ङैये अन्‍तूने यदेबे ङ सोरो फैन ख्यङ्। होने च्‍य-फा, ठेन, छी, रङ्सेत्‍यामे लेब, फ्राचे, न प्‍वे, केन् त्‍वे मेस्‍ये गज्याङ् गूज्यूङ् क्‍यूक्‍की मन्‍न ख्यङ्।

२ कोरिन्थी 6:6

चैये दोष त्‍वब क्‍यूप्‍प, ज्ञान‍ने, धेरेन् क्‍यूत्‍देबे टूङ्ब, दयाने, पवित्र आत्‍माने, छल् त्‍वब प्रेमने,

गलाती 5:26

ङीन केन्त्‍वे अन्‍क्‍यूर्, त्‍यादे त्‍याने छी अन्‍लङ्लाची मेस्‍ये त्‍यादे त्‍याप्रे ‍ठेन अन्क्यूर्।

एफिसी 4:2

येतार्‌ने स्‍यूलूक्‍कै, सोझो मेस्‍ये धेरेन् क्‍यूत्‍देबे त्‍यादे त्‍याने प्रेम चीदेबे सैदीदेबे,

एफिसी 4:32

तर ङ्येम्‍देबे त्‍यादे त्‍याने दयामाया ची। परमेश्‍वरदे ख्रीष्‍टने क्‍यूत्‍देबे नमयूने क्षमा पीनप्र नमयूदेये त्‍यादे त्‍याने क्षमा पीन्।

फिलिप्पी 1:15

तम्दम्ने कोइ कोइ मीयू ठेन्‍देबे सूजोयूदे यली ङैदे थेप् चीत्‍दे यब तनने ख्रीष्‍टजे पोयू स्‍योक्‍क्‍य, तर सूजो मीयूदेब ज्‍य सेम्दे ख्रीष्‍टजे पोयू स्‍य्‍वे ख्यङ्।

कलस्सी 1:11

नमयू आनन्द क्यूत्देबे कूम सैदीन ख्‍वब मेस्ये रेन्‍न ख्‍वब क्यूरने परमेश्‍वरदे पीनब महिमाजे शक्ति अनुसार‌ बोल्यो क्यूर यबने ङीजे प्रार्थना ख्यङ्।

कलस्सी 2:18

रङ्सेजे ङ्वने सकस् पीनब पोनेत्‍या ट्‌यादेबे, स्‍वर्गदूतने पूस्‍तीस्ये पीन्‍देबे, रङ्सेजे ज्ञानदे तङब पोनेत्‍या क्‍यूत्‍देबे, रङ्सेजे सेम्दे च चीतीङ्‍र हम्‍ब पोने केन् त्‍वोत्‍देबे प्रब सूमीदेये नमयूजे प्रेपर्‌तेब इनाम मल्बेब काम चे अङ्‍खूस्य।

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

१ थेसलोनिकी 5:14

अत अची च्योन्‌यू, काम चेने छरबयूने बोङ्बे अर्ती मेस्‍ये सेम् चीद चेयूने आँट पीन्। बोङ् त्‍वयूने तोङ्मी। क्‍वाप्रेने स्यूलूक्कै क्‍यूरब स्वभाव तन्।

१ तिमोथी 6:4

ङूदे चैये अन्‍स्येली केन् त्‍वोत्‍देबे फूल्‍लीनीय। ङूदे काम अन्‍लादेब सीती-सीतीजे स्वाल्-जवाफ चीक्‍क्‍य, मेस्‍ये च्य-जीङ चेमेय येर पोयूदे म्यातब, च्‍य, न प्वेब मेस्‍ये अन्ज्‍य शङ्कायू चेब काम त्‍या चीक्‍क्‍य,

२ तिमोथी 2:25

रङ्सेजे विरोध चेयूप्रे चीद क्‍यूत्‍देबे ज्‍य लोम-तन ख्‍वब क्‍यूर पर्‌दीय। होरेक्‍यूल्‍लो कादेये परमेश्‍वरदे थमयूने पश्चात्ताप चीत्‍देबे ल्‍वारब सेम् होर्‌दे सत्य पो चेलाबे क्‍व ख्‍वब सेम् पीन्क्‍य।

२ तिमोथी 3:10

तर नदे ङैजे शिक्षा, आनि-बानी, ङैजे जीयाजे उदेश्य, ङैजे विश्‍वास, टेम ख्‍वब, ङैजे प्रेम, अन्-आतीलाबे रेन ख्‍वब नने था ख्यङ्,

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

तीतस 3:3

चेनेयलो त्‍याफे ङीनये मुर्ख, यब अन्-ङ्‍यीन्, सीत्‍तीने ट्वाब, थर्-थर्‌जे अन्ज्‍य वेश्य काम मेस्ये मोज-मजाने फस्तीकब ख्य। नमयू दुष्‍ट मेस्ये ठेनब कामने दिन चब, मीदे घिन चीक्‍कब मेस्ये त्‍यादे त्‍याने घिन चेबयू ख्‍य।

याकूब 4:5

धर्मशास्‍त्रदे सीत्‍तीने येरे यीय यदेबे नमयूदे मन्‍न औ? परमेश्‍वरदे ङीनने येम्‍मेब आत्‍माजे लागि ङू बेस्से ठेन्‍क्‍य,

१ पत्रुस 2:1

येरेक्‍यूत्‍देबे साप्‍ता दुष्‍ट पोयू, छल्‍‍जे पोयू, कप्‍टी, ठेनब, मेस्‍ये मीजे न प्‍वेब पोयू क्‍वाने क्यापी।

१ पत्रुस 3:8

आखिरीने, नमयू क्‍वाने सेम् त्‍या क्‍यूत्‍देबे दु:ख पर्‌तीब त्‍यादे त्‍याने सान्त्वना पीन्, अत-अजी-च्‍योनने चेप्र माया त्‍यादे त्‍याने ची, दया चेब सेम्, मेस्‍ये चीद स्यूलूक्कै क्‍यूरो।

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।

२ पत्रुस 1:7

परमेश्‍वरजे डर येनब पोने अत-अची च्योन्‌यू अन्द्रजे माया, अत-अची च्‍योन्‍जे अन्द्रजे मायाने प्रेम थप्दी।

१ यूहन्‍ना 4:11

ङैजे छेब ख्योन्‌यू, कादेये परमेश्‍वरदे ङीनने येर्‌बे प्रेम चे ख्यङ् यलो, ङीनदे त्‍यादे त्‍याने प्रेम चे पर्‌तीय।