१ कोरिन्थी 1:7 - घले नयाँ करार

⁷ येरेक्‍यूत्‍देबे ङीनजे प्रभु येशू ख्रीष्‍ट रीय यब पोजे आशाने टूनूब नमयूदे आत्माजे बरयू कम्‍बये अम्‍प्रे क्यूस्से त्‍वो।

१ कोरिन्थी 1:7 ပူးပေါင်းရင်းမြစ်များ

मत्ती 25:1

“होर्‌दे स्वर्गजे राज्‍य कन्‍या च्‍यूप्रे तुलना चे खूइय। थमयूदे रङ्से-रङ्से बत्ती टेल्‍देबे दूल त्‍वने योङ्‍गीदे।

लूका 12:36

ङ्येन्जे भात्यार् चदेबे ल्‍वारब मालिकजे लम् लेन्‍नब त्वोप्र नमयू क्‍यूर मेस्‍ये मालिक रदेबे ख्‍यो ढ्‍याक्-ढ्‍याक् चे बितीकने ङूदे ख्‍यो पूक्‍मीय।

लूका 17:30

“मीजे च रब दिनने येरप्रने क्यूक्क्य।

रोमी 8:19

सृष्‍टि चेब साप्‍ता सेयूदे ङूजे च-चीमीयूने परमेश्‍वरदे फेरि कलङ् तम्मीय यदेबे सोरो आशा चीत्‍देबे रेन्‍न ख्यङ्।

रोमी 8:23

तर सृष्‍टित्या दी, ङी रङ्सेये, सूप्रे पवित्र आत्‍माजे पात्‍ता खूम्‍जे फल ख्यङ्, छगूम्-पूरगूम्‍जे रुप्ने ग्रहण चेने, या ङीजे ङ्वजे उद्धार क्यूरजे लागि रेन्देबे ङी रङ्सेये नङ्-नङ्ने बोल्न ख्यङ्।

१ कोरिन्थी 4:5

येरेक्‍यूत्‍देबे तोक्‍दीयेब बीलयली खूम् सूनेये दोष अन्‍लैदीलाची, प्रभु अन्‍रदासेमे रेन्‍नू। ङूदे मून्‍दूङ्ने अन्‍तङ्लाबे नङ्सू क्‍यून्‍नब सेयू ओथ्याङ्ने तङ्लाबे चीम्‍मीय, मेस्‍ये मीजे सेम्जे पोयू तङ्लाबे चीम्‍मीय। हन्‍छ्वाब मी क्‍वादेने प्रेपर्‌देब स्यावास परमेश्‍वरदे पीन्‍क्‍य।

२ कोरिन्थी 12:13

सूजो मण्‍डलीयूने यली ङैदे नमयूने चै पोने अन्ज्य चीम्‍मीदे स्‍व? ङैने हर्‌जो पर्‌तीब ङैदे नमयूने अन्‍स्‍यब पोत्‍या ते, अम्‍ब पोने नमयूदे ङैने क्षमा चीम्‍मी।

गलाती 5:5

चेनेयलो पवित्र आत्मादे ङीनने विश्‍वास चीस्‍स्‍ये पीन्‍देबे परमेश्‍वरजे खूम्‍ने धर्मी ठर्‌तीमेजे लागि आशा चीत्‍देबे लम् लेन्‍नब चीम्‍मीय।

फिलिप्पी 3:20

तर ङीनजे नागरिकता स्वर्गने ख्यङ्। मुक्ति पीनब प्रभु येशू ख्रीष्‍ट स्वर्गदे रीय यदेबे ङीन लम् लेन्‍न ख्यङ्।

कलस्सी 3:4

नमयूजे तम्दम् जीया ब ख्रीष्‍टने ख्यङ् होर्‌दे ङू फेरि रब नमयूये ङूप्रे-प्रे महिमाने क्‍यूक्‍क्‍य।

१ थेसलोनिकी 1:10

होर्‌दे स्‍वर्गदे रस्‍ये ख्‍यब ङूजे च येशूने परमेश्‍वरदे सीयेबदे सोम्‍बो चीम्मी‍दे, हम्‍ब येशूजे लम् नमयूदे लेन्‍न ख्यङ्, येशूदे ङीन फ्याने र मेल्‍नब परमेश्‍वरजे छीदे जूक्‍तीमीय।

२ थेसलोनिकी 1:7

मेस्‍ये नम सकस् प्रेबयूने ङीयूप्रे आनन्द क्यूस्‍स्‍ये पीन्क्‍य। अम्‍ब हन्‍छ्वाब क्‍यूक्‍क्‍य, कन्‍छ्वाब प्रभु येशू रङ्सेजे शक्तिशाली स्वर्गदूतयूप्रे प्ल्याङ्नब मीने स्‍वर्गदे रब अम्‍ब टक्कने चीक्‍क्‍य।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

१ पत्रुस 1:13

येरेक्‍यूत्‍देबे नमयूजे सेम्ने तयार ची। होस्स्यार क्‍यूरो होर्‌दे येशू ख्रीष्‍ट तङ्‍रब दिनने नमयू ट्‍याने रमेल्नब अनुग्रहने नमयूजे आशा पुरा रुप्दे चेलाबे ये।

१ पत्रुस 4:13

तर ख्रीष्‍टजे सकस् भोक्‍तेबने सामेल् क्यूत्देबे नमयूदे सकस् भोक्‍ते पर्‌तीब तङ्, येरे ङूजे महिमा तङ्‍रब नमयूये आनन्द मेस्‍ये सूग खूस्‍य।

१ पत्रुस 5:4

मेस्‍ये कन्‍छ्वाब प्रङ्बयूजे मूली तङ्‍रीय, हन्‍छ्वाब नमयूदे कलङ्बेये अन्‍रूल्‍बब महिमाजे पक्‍रीप्र मुकुट प्रेक्क्य।

२ पत्रुस 3:12

परमेश्‍वर न्याय चेब दिनजे लम् नमयूदे लेन्‍न ख्यङ्, अम्‍ब दिन छ्‍योटो रस्‍य यदेबे नमयूदे चेपर्‌देब काम बेस्‍से ज्‍य ची। प्‍ल्‍याङ्नब मीदे हम्‍ब दिनने स्‍वर्गयू नाश क्‍यूक्‍क्‍य, मेस्‍ये साप्‍ताकूरूने प्‍ल्‍याङ्नब मीजे रप्दे ङ्योल्‍बीय।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

यहूदा 1:21

परमेश्‍वरदे येतार्‌ने प्रेम चीन्‍न ख्यङ् मन् मेस्‍ये कलङ्बेये अन्सीबब जीया प्रेजे लागि ङीनजे प्रभु येशूजे कृपाजे आशा चीत्देबे रेन्‍नू।