१ कोरिन्थी 1:5 - घले नयाँ करार

⁵ चेनेयलो नमयू ख्रीष्‍ट येशूप्रे क्‍यूत्देबे साप्‍ता तर्‌तीप्दे, साप्‍ता बोलीने, मेस्‍ये साप्‍ता ज्ञानने फ्‍योबो क्‍यूर ख्यङ्-

१ कोरिन्थी 1:5 ပူးပေါင်းရင်းမြစ်များ

मूल स्यूस्स्यायूजे कामजे किताब 2:4

होर्‌दे थमयू क्वाने पवित्र आत्‍मादे फ्‍यादे, मेस्‍ये पवित्र आत्मादे येमेब आवाज अनुसार थमयूदे सूजो केयूने क्‍यम मे‍दे।

रोमी 11:12

जेम्से कादेये इस्राएलदे चेब पापदे संसारजे मीयूजे लागि असी, मेस्‍ये थमयू फूङ्‍गब यहूदी तेब मीयूजे लागि सम्पत्ति क्‍यूर ख्यङ् यलो थमयूजे पूरा विश्‍वासदेब झन् कोला थेप् असी रेस्स्ये।

रोमी 15:14

अत-अची च्योन्‌यू, नमयू रङ्सेये मीजे भलो मे-ख्यङ्, होर्‌दे साप्‍ता पोजे ज्ञान नमयूदे पूरा रुप्दे प्रेत्देबे त्‍यादे-त्‍याने लोम्‍मे खूइय यदेबे ङ ढूक्‍क ख्यङ्।

रोमी 15:4

धर्मशास्त्रने लिख्दीयेब पोयूदे ङीनने शिक्षा पीन्‍क्‍य। येर्‌बे धर्मशास्त्रदे रब धेरेन् मेस्ये आँट प्रेब पोदे ङीनने थेप् आशा पीन्क्य।

१ कोरिन्थी 12:10

कोइने हार्‌मन्‍देब कामयू चेब, कोइने अगमवाणी क्‍यमब, कोइने ज्‍य प्रे अन्‍ज्‍य आत्मायूने छूर्‌दे ख्‍वब, कोइने कूम थर्‌-थर्‌जे केयू क्‍यमब, होरदे कोइनेब हम्‍ब केयूजे अर्थ स्‍योम्‍मे ख्वब बरयू पीने ख्यङ्।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

१ कोरिन्थी 13:8

अगमवाणीयू मल्‍बीय, सूजो-केयू अन्क्यम क्यूप्पीय, ज्ञानजे पोयू क्‍वाने मल्‍बीय, तर प्रेम कलङ्बेये मल्‍बस्‍ये त्‍वो।

१ कोरिन्थी 14:26

अत च्योनयु, ङैदे यमेब अम्‍बने ख्यङ्। नमयू नेत्‍याने फूङ् क्‍यूप्‍प, कोइप्रे प्रू, कोइप्रे लोम-तनब पो, कोइप्रे परमेश्‍वरजे पो, कोइप्रे सूजो-के या सूजो-केजे अर्थ स्‍योम्‍मेब बरयू क्‍यूक्‍क्‍य। अम्‍ब पो क्‍वाने मण्डलीजे विश्‍वास बोल्यो चेजे लागिने चीस्‍स्‍य।

१ कोरिन्थी 8:11

होरदे नैजे ज्ञानदे चीत्‍देबे हम्‍ब विश्‍वासने पक्‍क त्‍वब अत अची-च्योन्जे विश्‍वास नाश क्‍यूप्‍पीय, तर ङूजे लागिये प्रभु ख्रीष्‍टदे रङ्से जीया पीन्‍दे।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

२ कोरिन्थी 8:7

तर नमयू विश्‍वासने, शिक्षा पीनब कामने, ज्ञान‍ने, साप्‍ता काम फरब जङ्‍कर्‌ने, मेस्‍ये ङीने चेब प्रेमने होरदे साप्‍ताकूरूने केरे सोरो ज्‍य क्‍यूप्‍पीन ख्यङ्, होरप्रने अम्‍ब दान पीनब कामनेये नमयू थेप् पीनब क्‍यूप्‍पीनूस्‍य यदेबे ङी सेम् चीन्‍न ख्यङ्।

२ कोरिन्थी 9:11

नमयूजे सेम् यङ्से क्‍यूत्‍देबे पीनजे लागि साप्‍ता थोकयू पीन्‍देबे परमेश्‍वरदे नमयूने फ्‍योबो चीम्‍मीय, हम्‍ब नमयूजे सेम् यङ क्‍यूत्‍देबे पीनब दान ङीदे पीम्‍ब परमेश्‍वरने थमयूदे धन्‍यवाद पीन्‍क्‍य।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 2:7

अम्‍बब नङ्‍गजे जूग्‍यूने ङूजे अनुग्रह मेस्ये दयाजे बेस्‍से कूम सम्पत्ति ख्रीष्‍ट येशूने क्यूत्देबे ङीनने तम्‍मेने ख्यङ्।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

एफिसी 6:19

ङैजे लागिये प्रार्थना ची, कन्‍छ्वाब ङ क्‍यमने रङ्से ङूर पूक्‍य हन्‍छ्वाब ङैने वचन पीन्‍स्‍य, मेस्‍ये ङैदे अम्फलाबे सूगब खबरजे नङ्सू पो क्यम खूस्‍य,

फिलिप्पी 1:9

ज्ञान मेस्‍ये ज्‍य अन्‍ज्‍य चेलाबे सेल ख्‍वब बुद्धिने नमयूजे प्रेम थेप् थेप् क्‍यूप्‍पीनूस्‍य यदेबे ङ प्रार्थना चीन्‍न ख्यङ्,

कलस्सी 2:3

परमेश्‍वरजे ज्ञान मेस्‍ये बुद्धिजे सम्पत्ति क्‍वाने ख्रीष्‍टप्रे फूये ख्यङ्।

कलस्सी 3:10

मेस्‍ये सर् स्वभाव प्रेक्‍क ख्यङ्, हम्‍ब स्वभाव सृष्‍टि चेब परमेश्‍वरजे रूप् अनुसार‌ ज्ञानने सर् क्‍यूप्‍पीन ख्यङ्।

याकूब 3:13

नमयू नङ्ने बुद्धि ख्‍यब मेस्‍ये पो क्‍वब मी सू ख्यङ्? रङ्सेजे ज्‍य आनि-बानीजे जीया चदेबे बुद्धि ख्‍यब मीप्रने स्यूलूक्कै क्‍यूत्‍देबे ङूदे रङ्से कामयू तम्‍मीस्‍य।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।