१ कोरिन्थी 1:18 - घले नयाँ करार

¹⁸ चेनेयलो क्रूसजे खबर नाश क्‍यूप्‍पीनबजे लागि मूर्ख ख्यङ्, तर ङीन उद्धार प्रेन्‍नबयूजे लागि, परमेश्‍वरजे शक्ति ख्यङ्।

१ कोरिन्थी 1:18 ပူးပေါင်းရင်းမြစ်များ

मूल स्यूस्स्यायूजे कामजे किताब 13:41

‘मीजे न प्वेयू, ले, मेस्ये हार्‌मन्दी, होर्‌दे नाश क्यूप्पस्य, चेनेयलो नमयूजे सेमेने ङ कामत्‍या चीक्‍क्‍य, येर कामजे बारेने कोइदे स्‍योल्‍लीने नमयूदे कलङ्बेये विश्‍वास चीस्‍स्‍ये त्‍वो’।”

मूल स्यूस्स्यायूजे कामजे किताब 17:18

इपिक्यूरी मेस्‍ये स्‍तोइकीजे यब दार्शनिकयू नङ्जेये कोइदे ङूप्रे सवाल-जवाफ चीत्दे। थमयू कोइदे यदे, “अम्‍ब ल-काब मी च य यी? सूजो फी देशजे देवी-देवतायूजे प्रचार चेप्र तङ्‍को।” चेनेयलो ङूदे येशू मेस्‍ये सीयेबदे सोम्‍बो क्‍यूरब पोजे प्रचार चेख्‍य।

मूल स्यूस्स्यायूजे कामजे किताब 17:32

थमयूदे सीबङ्‍येदे सोम्‍बो क्यूक्क्य यब पो कन्छ्वाब तदे, हन्‍छ्वाब कोइ-कोइदे फ्‍योदे। तर सूजोयूदे “ङी फेरि अम्‍बजे बारेने नैजे पो ङ्यीन्क्‍य” यदे।

मूल स्यूस्स्यायूजे कामजे किताब 2:47

मेस्‍ये परमेश्‍वरजे सार्‌या चेख्‍य, मेस्‍ये सूजो मीयूदेये थमयूने सेम्‍पर्‌देख्‍य। उद्धार प्रेबयूने प्रभुदे येतार्‌ने थमयूजे मीयू थेप्थेप् थप्‍दीमे ख्‍य।

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

१ कोरिन्थी 15:2

कादेये ङैदे नमयूने प्रचार चेब सूगब खबरने बोल्यो विश्‍वास चीन्‍नूदेयलो अम्‍ब सूगब खबरदे चीत्‍देबे नमयूदे उद्धार प्रे-ख्यङ्, नत्र नमयूदे सीत्‍तीने विश्‍वास चीन्‍नत्‍या थून्‍क्‍य।

१ कोरिन्थी 2:14

सूप्रे परमेश्‍वरजे आत्मा अन्‍क्‍यूर्, हम्‍बदे परमेश्‍वरजे आत्माजे बरयूने विश्‍वास अन्‍ची। हम्‍ब बरयू ङूजे लागि मूर्ख पो क्यूक्क्य मेस्ये ङूदे हम्‍ब क्‍व अङ्‍खू, चेनेयलो हम्‍ब पोयू आत्मादे त्‍यामे क्‍व खूइय।

१ कोरिन्थी 2:2

चेनेयलो नमयूप्रे क्‍यूप्‍प ङैदे येशू ख्रीष्‍ट मेस्‍ये ङू क्रूसने बलि क्‍यूरेब पो त्‍यामे ह्‍वे चीत्‍दे सूजो साप्‍ताने येल्‍बेब पक्‍क चीत्‍दे।

१ कोरिन्थी 3:19

चेनेयलो संसारजे बुद्धि परमेश्‍वरजे खूम्‍ने मूर्ख ख्यङ्। चेनेयलो धर्मशास्त्रने येरे लिख्दीये ख्यङ्, “परमेश्‍वरदे बुद्धि ख्‍यबयूने थमयूदे चेब छट्‍टू कामने ङ्येप्‍क्‍य।”

१ कोरिन्थी 4:10

अ, ख्रीष्‍टजे लागि ङी मूर्ख क्‍यूत्‍दे, तर नमयूब ख्रीष्‍टने बुद्धि ख्‍यब क्‍यूर ख्यङ्। ङी बोङ् त्‍व ख्यङ्, तर नमयू बोल्यो ख्यङ्। मीदे नमयूने गेसेन् चेख्यङ्, तर ङीनेब गेसेन् अन्‍ची।

२ कोरिन्थी 10:4

चेनेयलो ङीनदे चील्‍लेब लास्‍यायू अम्‍ब संसारजेप्र दी, तर दुष्‍टदे बोल्यो चीत्‍देबे थ्‍यायेब पङ्‍रीयू हूल्बे ख्‍वब परमेश्‍वरजे शक्ति ङीनने ख्यङ्।

२ कोरिन्थी 4:3

होर्‌दे कादेये ङीजे सूगब खबरने त्‍वा उपब कोलादे उप्ये ख्यङ्लीने अम्‍ब नाश क्‍यूप्पयूजे लागि त्‍यामे हम्‍ब त्‍वा उपब कोलादे उप्ये ख्यङ्।

१ थेसलोनिकी 1:5

चेनेयलो ङीनजे सूगब खबर नमयूट्‌याने वचनजे रूप्ने त्‍यामे अन्‍ड, तर शक्ति मेस्ये पवित्र आत्माने होर्‌दे पक्‍क रूप्‍ने रदे। नमयूप्रे क्‍यूप्‍प नमयूजे लागि ङी कर खल्जे मी ख्य, नमयूदे स्‍ये ख्यङ्।

२ थेसलोनिकी 2:10

नाश क्‍यूरपर्‌तेब जती क्‍वानेने हम्‍बदे दुष्‍ट किसिमदेने छाक्‍दीय, चेनेयलो थमयूदे मुक्ति पीनब तम्दम्‍जे पोने प्रेम चेने मेस्ये हम्‍बजे रूप्ने जीया चने सेम् अन्ची।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 4:12

चेनेयलो परमेश्‍वरजे वचन सोम्‍बो मेस्‍ये काम फर ख्‍वब ख्यङ्, मेस्‍ये पट्टी-ङ्हीदेने छ्‍यर धर ख्‍यब तरवार यली थेप् छ्‌यर ख्यङ्। अम्‍बदे प्राण मेस्‍ये आत्‍माने हम्‍बजे जोर्‌न्‍या जोर्‌न्‍या होर्‌दे नोङ्‍र्‌याजे नङ्ने ख्‍यब स्यीम्ने भा-भा चीत्‍देबे ती-छो भोङ् चेब, सेम्जे पो मेस्‍ये इच्छाने जाँचते खूइय।