Taitus 1:2 - Saposa

² A man to ayei na kifon a toto na suu to te naano anaanos rora. Gov, a gima gamgam, te tsue faman bus iny a toto na suu to ayei tan nainy tabuiny ruak minon nainy.

Taitus 1:2 ပူးပေါင်းရင်းမြစ်များ

Matiu 25:34

Ana Aatouf te nai tsue na ka tana vainy tan panaainy matou Tsuan. ‘Mi to te nom bus a parits ten Tamanyo: taami yam! Taami yam am fasito iny to na Waam mami te kakouiny of bus mami Tamanyo tan tatanik nana monaagits to.

Matiu 25:46

Tan kat to aya, vainy nai nom rora tafan tsuar, ito na fasaraa na suu. Ai tsurin vainy tavaron nai nom ror a toto na suu.”

U Vurungan Rof Nane Jisas Krais Te Kirkir Iny E Mak 10:17

Jisas tanik iny taan non ana mes kuar mito fatukun matan Ya sa rangats Ya, “Tsoiny Fifaatsuts a rof, saa te kat ronyo nyo te nom a toto na suu na?”

U Vurungan Rof Nane Jisas Krais Te Kirkir Iny E Mak 10:30

nai nom ror a foka fis non natus ka te naus osing mi ri, ito tan fo numaa, an famuinyasiny, an fafinen, an tsinan, an taman, an guei an tanun, ai te nai nom fakamits an patang roman, sai tan nainy te naa minon nai nom non a toto na suu.

Vurungan Rof Nane Jisas Krais Te Kirkir Iny E Jon 10:28

Nyo faan rarori na toto na suu ana ri te gima nai nom on a mat a suu ana sikia ta isen ta mes te onot ma pets osing Vanyo ri.

Vurungan Rof Nane Jisas Krais Te Kirkir Iny E Jon 17:2

tana saa Nyi faan bus iny gumgum to Tsunia, tan kat to aya, Ayei faan rarori na vainy a toto na suu ten sei na mes to te faan bus iny Anyi Tsunia ee.

Vurungan Rof Nane Jisas Krais Te Kirkir Iny E Jon 17:24

“Tamau, Nyi faan Vanyo ri, ana Nyo koman rarori ma nai kaa tana pan te nai kaa Ronyo, tan kat to aya ri nai tagei nats rora asangan iny vamarits te kaa mironyo, iton asangan iny vamarits te faan iny Anyi Tsonyo, tana saa Anyi te mangiir fiisok Vanyo tabuiny tapogaar minon a monaagits tovei.

Vurungan Rof Nane Jisas Krais Te Kirkir Iny E Jon 5:39

Mi tsue tsuk kifon vegiau tan Vegiau Ten Gov tana saa ami te pon ma nom a toto na suu tsunia. An fo vegiau tan Vegiau Ten Gov to, tsue pokei Varonyo!

Vurungan Rof Nane Jisas Krais Te Kirkir Iny E Jon 6:54

E sei te ainy non a pua Vanyo ana ya te jiun rafatsiny Tsonyo ee kaa bus me na toto na suu, ana Nyo nai ras fatsun rou ya tana mat tan fafakap nan nainy.

Vurungan Rof Nane Jisas Krais Te Kirkir Iny E Jon 6:68

Saimon Pita biny Towa, “Tsunaun, fei te naa romam ei? Anyi kaa mirom vegiau te kifon iny non a toto na suu.

Binun Tan Amaraav 15:18

Ayei na ka te tsue iny a Tsunaun to te fanat iny ya muan.’” (Amos 9.11,12)

Roum 1:2

Muan ovei, Gov tsue faman ma pokei of Ya na vainy tan Vurungan Rof naa to aya nguer fuainy kuigin Tsunia ser kirkir ya koman Vegiau Ten Gov tana fo mamatsiny ka te tsue faman iny Ya, Ayei te nai kat non Ya.

Roum 16:25

Ai tovei, ara ma vamarits Ya, tana saa Ayei te faparits a aave mami to tsumi reits mirom tan vovou iny fo sanaan ten Krais. A ka tovei te tsue of ronyo na vainy tan nainy te favaanan iny ronyon Vurungan Rof nane Krais. Nyo tsue of rarori na ka te kat bus e Krais sa faakouts rara. Gov gima pokei faruak vegiaun takop nane Krais to ayei tan fuainy aatai iny muan, a sikia.

Roum 2:7

Mesapan te vovou faparits iny ror kat tavaron, ri te kat kat rof matan Ya, ana ri te faatok e Gov, tsuri te komainy ror e Gov ma vamarits rari tan kat rof te kat ari, ana ri te faatok e Gov, tsuri te komainy nom ror asangan iny fatsiitsii te faan iny non Ya tsuri, ri te faatok e Gov, tsuri te komainy nom ror a toto na suu fiisen miror puan foun to te gim non ma natiny kuav ravaa.

Roum 5:2

Ai tan faason tsura, Jisas Krais kat ratuara ma inainy fanatnat iny koma ree'un ten Gov, ai tovei ra kaa ror koman a koma ree'un Tsunia, Ana ra te mamagat, ra te naano anaanos a foka te nai faan rarora Gov, ito te nai kavuu of rarora Yan siinaiv Tsunia.

Roum 5:21

Ayei kat, kat to aya, tana saa muan tan nainy te tagaa ot finy aveto na vainy, sa faruak kainy a mat, sai tovei, koma ree'un ten Gov nom me na pan, sa kat fatavaroiny rara matan e Gov, ra nom to na toto na suu, ito tsun kan ten Jisas Krais a Tsunaun tsura.

Roum 5:4

ai tana tou tsutsun faparits tsura tan nainy te saraa kamits rora te faruak non kat tavaron; an kat tavaron to aya te faruak non kat iny naano anaanos a foka te nai faan rarora Gov.

Roum 6:23

tana saa a tafan tan kat, kat iny aveto i tovei, a mat a suu unya Hel; sai to tana fifaan te faan babainy iny e Gov, ito na toto na suu ten Krais Jisas a Tsunaun tsura.

Kolosi 1:27

Ito Gov te pisan ma kat kan ir a vainy sikia ma taa Jiu er natiny to na fo masun a saavits tan vegiaun takop Tsunia. U vegiaun takop tovei: e Krais te kaakaa non gagon aave mami na vainy sikia ma taa Jiu te faaman Tsunia, Ayei to te naano anaanos rora, ana Ayei te mei rara tana pan iny siinaiv Tsunia.

Vaamuan Tesalonaika 2:15

Muan, ri atsun famat kan raton fuainy kuigin tsuri fatoobing ana ri atsuiny kainy to na Tsunaun e Jisas; ai tovei ri kat fatafisuan mamam ana ri jiaat vavagen kan matuamam. Gov gima paparaa fiisen men kat tsuri ana ri veer rato na vainy faavot,

Vaamuan Tesalonaika 5:8

Sana ran vainy tana nuaf, ra ma fakats fa'arasan. Ara ma nom kat iny faason an kat iny mangiir faarei non kon nana puaan, ana ra ma kookof iny kat iny naano anaanos a tou tabin me ten Jisas ma saup rara Ya ma faarei ara ya na sapou nana puaan.

Vaamuan Timoti 6:12

Vaputs, nyi te kuar of fabiibiu tana faason ten Krais ma nom anyi na tafan tsuam tana toto na suu ana toto to ayei, Gov fikoo manyi ma nom ya tan nainy te pokei faruak iny anyi na faason ten Krais matar a vainy faavot.

Vaamuan Timoti 6:19

Tan kat to aya, ri nai rosoo miror mamatsiny ka vou unya Gormirmir ma nom ari na toto na suu, ito na toto na man.

Fafuan Timoti 1:1

Anyo Pol, nyo na amaraav ten Krais Jisas tan koman ten Gov, sa jiats vanaa nyo, ma pokei of anyo na vainy tana toto na foun to te kaa non koman e Krais Jisas vovou iny non tsuen man ten Gov.

Fafuan Timoti 1:9

Ayei te saup fatabin rara ana Ya fikoo ratuara sa ra faarei men vainy taabos Tsunia fatoobing, sikia ma tan kat rof tsura, san tan koman tsian Tsunia ana koma ree'un to te faan rara Ya koman e Krais Jisas tan nainy tabuiny ruak minon nainy,

Fafuan Timoti 2:10

tan kat to aya, nyo tsutsun fareits nyo govets to na fo mamatsiny patang ma faakouts anyo na vainy te pisainy e Gov ma nom ari na toto na suu te kaa non koman e Krais Jisas a Tsoiny Fiisaup tsura, ana mam faavot nai kaa faarof fiisen mirom Ya tan mamatsiny nainy unya Gormirmir.

Fafuan Timoti 2:13

Ai to te gim fi rora ma vovou iny vegiau te tsue rora, sana Ayei, vovou patsukainy non vegiau te kat Ya, tana saa, Ayei gim non ma pangis vavis vegiau Tsunia patsukanen.”

Fafuan Timoti 2:15

Nyi ma vaputs men kat rof, faarei rom a tsoiny binun faman, a sikia tu rejiaf tana binun tsunia to te favaanan fatoobing finy rom anyin Vurungan Rof nana man nane Krais ma faarof manyi Gov.

Taitus 2:13

ai tan nainy te naano anaanos rora na ka na mamarof fiisok to, to te paparaa mirora ma tagei, ito tan nainy te tabin minon e Jisas Krais, a Gov a Siireits ana Tsoiny Fiisaup tsura, Ayei nai ruak minon tana pan a arasan fiisen minon siinaiv ana parits.

Taitus 2:7

Anyi patsukanem ma kat a fo mamatsiny kat rof, ma tagaa na fo kinai tan kat tsumanyi ri te vovou iny ya. Tana fo binun tsumanyi to tan fafaatsuts ir a fokinai, nyi ma gam vaare rari nyi te tsue taring vaare ana nyi te fatsutsuar vaare ramiri, a sikia, nyi ma fakats faarof tsuiny kat tavaron an man, nyi te pokein vegiau toobing.

Taitus 3:7

tan kat to aya, tana koma ree'un Tsunia, ra faarei miton vainy tavaron matan Ya, ana ra nom ror a toto na suu to ayei te naano anaanos rora.

Vaamuan Jon 2:25

Kat to ayei, Krais patsukan te kat tsuen man ma faan mami ya—na toto na suu.

Vaamuan Jon 5:20

Ara natiny ror a Guei Tsoiny ten Gov te naa ename ana Ya faan ratuaran fakats ma nat faarof iny ara na Gov a man. Ana ra kaa ror koman Ya, Tsunia na man, ana ra te kaa kan koman a Guei Tsoiny Tsunia, Jisas Krais. Ayei na Gov a man, ana toto na suu.

Noun Te Kirkir E JUT 1:21

Mi ma tap faparits naa tan mangiir ten Gov, tan nainy te anaanos romi na tagtag tana Tsunaun tsura Jisas Krais ma mei mami Ya tana pan te kaa minon a toto na suu.

Vegiaun Tapokaa 13:8

Vainy kinai to te kaa ror tana monaagits to, nai faatouf ror a marei sensen a vouts vavajia to aya, iton vainy faavot asanga rari gima kirkir gagon koman buk tabuiny tapogaar non a monaagits to, u buk to te kaa minon asangar vainy faavot te kaa miror a toto na suu koo rorin “Buk Tana Toto”, te fasito iny non a Tsunei Siip to te atsun famat muan tana pagafuan.

Vegiaun Tapokaa 17:8

A marei sensen a vouts to te tagei anyi, te toto muan, sin tovei, ayei sikia ma kaa non to; ayei kat iny tafuts osing minon a matan a gaguur fiisok a sikia ta faatain nan koo rori ‘Abiis’, Gov nai fakei nats non ya unya Hel. Ana vainy to te kaa ror tan puputaa to asanga rarin gima kirkir gagon koman Buk to te kaa miror asangar vainy kaa miror a toto na suu, tabuiny tapogaar non a monaagits to, nai mata karian ror te tagei fatabiny pis fi rori na marei sensen a vouts to te mat fi ya muan, ai tovei ayei sikia ma kaa non to.