Roum 3:5 - Saposa

⁵ Sai tovei, u man, tan nainy te kat fatatabiny ror a taa Jiun kat gima toobing, a vainy a kinai kan tagei ror kaa iny tavaron nane Gov te karap fatsian kan non, an saf fakats tsura na taa Jiu na? Ara pon iny ror e Gov gim non ma kat kat tavaron tan nainy te fasaraa rarora Ya na taa Jiu? Ayei na sanaan, to te fakats fi rora mesapan ana ri te pokei kan iny ya.

Roum 3:5 ပူးပေါင်းရင်းမြစ်များ

Roum 12:19

Fuainy vainy fafaaman tsonyo, nainy te kat fifiiring maromi ri, kat vaare yam senviir kat te kat ari tsumi. A sikia, kat fi yam to, tanyiny yam a Tsunaun ma fakats Ya na fasaraa Tsunia. Nyo tsue of maromi ma fatanai vaare mi ya tana saa Gov kat bus a ka to sa kirkir en koman Vegiau Ten Gov tan nainy muan, Moses tsue iny a nguen e Gov ya tsue to na ka, “A Tsunaun te tsue na ka, ‘To te kat non a mes kat iring, Anyo na isen tsun to te fatanai rou ya. Kat nana tafan tan kat iring, ayein kat tsonyo.’” (Faun 32.35)

Roum 2:5

Sai tovei, mi baainy emato, ma pangis a fo kat tsumi. Ai tana fo kat tsumi to ayei, mi kat fasevee fiisok rom e Gov. Ai tan nainy te nai fasarei non e Gov, a vainy tana iring te kat ari, Gov nai faatok rora fokinai, Tsunia te natiny vovou iny non kat tavaron tan nainy te fasarei non Ya na vainy.

Roum 3:19

Ana ra ma natiny a ka to ayei, u man fiisok, te tsue tsuk iny non e Gov a fo faun Tsunia to, Gov vegiau non tsura, ara na taa Jiu to te faan rara Yan Faun Tsunia. Ai tan kat to aya, sikia ta isen te onot non ma tsue fatabin pis of Ya ana ayei te tsue na ka, “Nyo gim rou ma natiny kat rof tsonyo, ma kat anyo.” Ai to kan, te toobing non ten Gov ma kat vaatsuk tsura na fokinai, ara na taa Jiu to te faan rara Yan Faun Tsunia, jesan kan to te kat fi non Yan vaatsuk tana vainy sikia ma taa Jiu to te gim fi Ya ma tsue faruak iny Yan Faun Tsunia,

Roum 3:7

Jesan kan, mesapan te tsue kainy ror a ka, “Ito tan gagagam tsonyo, faatok iny non a man nane Gov a ka na karap, ai te fainy Ya na vamarits, kat fei ma fasaraa vanyo Gov ei, ana Ayei te pisan vanyo ma mat faarei anyo na mes a aveto ei?” A sikia, ara na taa Jiu ma tsue fi vaare nei.

Roum 4:1

Gov, Ayei na isen to te kat fatavaroiny non a vainy matan Ya, tana saa ri te faason Tsunia, sikia ma tan manaats a fo Faun tsun, to sana ra ma fakats e Abraham a tsuvurari na taa Jiu. Fei te kat fi ya ei? Ito tan nainy te tavaron fi ya matan e Gov, fei te poo fi me na ka iny tavaron tsunia to aya ei?

Roum 5:8

Sana ka te faatok faman rarora tan mangiir ten Gov tovei: tan nainy te kat farokots aran aveto, Krais nom a pan sa mat of rara.

Roum 6:1

Toroman kaa minon ta mes te tsue non a ka tovei tsonyo, “Te rof non tsura ma kat maut fatatabin er tan fo aveto, ma faan fatatabin pis rara Gov a koma ree'un Tsunia na karap ma anofe ravainy Ya na fo aveto tsura.

Roum 6:19

Nyo komainy faatsuts maromin tsue fapapaar nana tsoiny binun babainy to te kaa non fain a tsoiny tatagaa ot tsuan tana tou kaa tsunia tan mamatsiny nainy, tana saa fo komainy kat aveto tan puainy mes komainy tagaa ot iny non ya. Nyo fa'arasainy fi rou ya nei tsumi: tou kaakaa tsumi te katkat fi mi muan, mi kaa emato fain kat iny tsikoor ana mi ngats ton faun ten Gov faarein tsoiny binun babainy tan fo mes a fo kat iring to, sai tovei, jesan kan mi ma kaa fain faarein tsoiny binun babainy tan kat tavaron an kat taabos, tan kat fapaparei e Gov tana fo mamatsiny sanaan.

Roum 7:7

Eye, a mes nai tsue fatabin non tsonyo ana ya te tsue na ka, “Faun te guats non a koma rara ma kat aran kat iring, an Faun to ayein saa, a iring?” A sikia! Ami ma tsue fi vaare nei! Eye, fo Faun ten Gov te faatok raroran kat iny aveto tana sanaan tovei: nyo buiny gima natiny a ka to, tan kat, kat iny mataguas iny a ka tana mes te kat anyon aveto to te gim non e Gov ma tsue iny Ya tan Faun Tsunia ana Ayei te tsue na ka, “Mataguas vaare iny yam a ka tana mes.”

Roum 8:31

Eye, tan fakats fo mamatsiny ka tovei to te tsue of im yam, te rof non tsura ma fakats a man nana foka to: te gim non ma onot tsuri na vainy to te veer rarora ma faduem rara ri, tana saa, Gov kaa non tan panaan tsura.

Roum 9:30

To sana ra onot ror ma natiny a ka ton u man, tsurin vainy sikia ma taa Jiu: Kainon te gim fi rori ma sainy ta sanaan ma tavaron mi ri matan e Gov, ri sab a sanaan ri ruak iny tavaron mito. Tagaa yam, Gov kat fatavaroiny rari, tana saa ari faason tsun tana ka te kat bus e Krais tsuri.

1 Korin 15:32

Te sikia non ma mamatainy ruak faarof tsonyo ma tsutsun faparits nyo te fatanai ir vainy iring fiisok to ayei te katkat fi vanyo ri tovei tana ngats fan iny Efeses, ito ma raar anyo na tafan to te pon ronyo ma nom a ka tan puputaa tovei, ito ma fatsuiny fatabiny vaare Gov a vainy vou na mat tsuri, te rof fiisok non tsura ma kat faareir vainy vavaajets, “Ainy ror, ge jiu ror, ra te paparaa, tana saa ara mat ror tovei tsun ana sikia pis ta toto tsura nei.”

1 Korin 9:8

A sikia ma vainy tsun to te fakats fi ror nei aya, Vegiau Ten Gov tsue kan iny senviir ka to ayei.

2 Korin 6:4

Tan fo mamatsiny ka te kat ronyo nyo tanaf iny faatok iny rou a ka, anyo na tsoiny binun faman ten Gov. Ana nyo tsutsun faparits faamo miroun fo kamits ana fo koma patang ana fo viir iring to te ruak non tsumam.

2 Korin 7:11

Mi ma fakats fatabiny a sanaan to te kat kat vaurep non e Gov tan reesik to ayei tana toto tsumi. Ayei kat mami sam manaats ma kat, kat to ayei te tsue of im yam, sa faatok mami mi komainy ma fatoobing ta iring. Mi koma sewaar iny a foka te ruak, ana mi oraav kainy to na ka te nai ruak minon. Ayei kat maromi mi te komainy ma faroruak fifiisen vaminyo. Ayei kat kainy mami sam pon fiisok ma sakaa tap vanyo, mi te fasaraa na mes to te kat a iring. Tan fo mamatsiny ka to, mi faatok iny a ka, mi sikia ma fakei nana tsivom tana fo iring to te ruak faamuan en muan.

Galesia 2:18

Ai to te fakap ronyon kat iny kaa fain Faun, ai vou nyo te kaa fatabin pis fain ya, ma tavaron minyo matan e Gov, nyo faarei rou a mes a kat kat aveto.

Galesia 3:15

Vamuinyasiny fafaaman tsonyo, nyo komainy tsue fapapaar iny rou na ka to te natiny kat rora tana toto roman: Tan nainy te fagum fakats rora ina fuan a mes tsue faunot tsuri, ri te kirkir sen tsun tsuen man foun, ana sikia pis ta isen fapoopoan narari te onot non ma rurei ravainy tsuen man foun to ayei ge ma fakei fapaas pis na tu fakats tsuan patsun tsuen man foun to ayei.

Vegiaun Tapokaa 15:3

Ana ri koomei ton kooma ten Moses, a tsoiny binun ten Gov, an kooma tana Tsunei Siip: “Tsunaun, Gov a Siireits, fo binun Tsumanyin karap ana saavits ovei, Anyi na Aatouf tana fokinai faavot tana monaagits, ana fo kat Tsumanyin tavaron an man.

Vegiaun Tapokaa 18:20

Mamagat yam, ami na taa Gormirmir, tana saa, ayei te nom bus a tafan nan iring tsuan! Mamagat yam, amin vainy taabos ten Krais ana min fuainy amaraav ana mi kan a fo kuigin, tana saa, Gov tafainy bus ya tan kat te kat ya tsumi!”