Roum 3:3 - Saposa

³ Ana saa te ruak na? Mesapan tsuri na taa Jiu te gima faaman ana ri gim to ma manaats fo mamatsiny vegiau ten Gov te faan iny Ya tsuri. E Gov gim non ma vovou iny tsuen man Tsunia tana saa, ari te gima kat ta ka te komainy non e Gov tsuri ge?

Roum 3:3 ပူးပေါင်းရင်းမြစ်များ

Matiu 24:35

Korosuu an puputaa nai kajiaa enanon; san vegiau Tsonyo gim non ma nai kajiaa on.”

Vurungan Rof Nane Jisas Krais Te Kirkir Iny E Jon 1:16

Ayei te faparits rara faavot, Ya faan fatatabin ratuara na fo parits a sikia ta fafakap nan te tapogaar ising me tana koma ree'un Tsunia to aya.

Roum 10:16

Sana sikia ma taa Jiu faavot to ari te faarof iny ror Vurungan Rof nane Krais, tana saa e Aisaia tsue iny a ka to tan Vegiau Ten Gov, “Tsunaun, amam tsue pokaa of bus ir a vainy tan vaanan Tsumanyi, sana sikia ma ri faavot to te famainy ror vegiau Tsumanyin man.” (Aisaia 53.1)

Roum 11:29

An tsuen man to aya kaa patsukanen nanon, tana saa, nainy te fagum e Gov fakats Tsunia, Ayei gim non ma pangis fatabiny fakats Tsunia tana tou pisan ir vainy Tsunia, ge na fifaan te faan iny Ya tsuri, ka iny faakouts rari tana binun Tsunia,

Roum 9:6

Eye, nyo gima tsue, Gov gima vovou iny tsuen man Tsunia ten Abraham. Nyo tsue rou a ka to tana saa ami natem, Gov faan iny asangan foun ten Jekop, an asangan foun to aya, Isrel. Eye, nainy te tsue nyo Isrel, nyo gima tsue tsuk iny rou fuainy tsubnaain ten Jekop. A sikia, nyo tsue tsuk tsun iny rou a vainy to te koo non e Gov, a taa Isrel faman.

2 Korin 3:18

Aran vainy fafaaman faavot, faarei ror kookof to te nom ravaa en ma faarei ara na fo tsin to te kanaf fa'arasan fiisok non fiisen minon siinaiv tana Tsunaun, ai to tana Tsunaun, Ayein Aaven Taabos to te bibinun non koma rara, ara pangis ma mamatan faarei mira Ya, ana ra te kanaf fatsian fafisfis pis iny siinaiv to ayei.

Fafuan Tesalonaika 1:3

Amam natiny tsue faarof rom ten Gov, to tsumin vamuinyasiny fafaaman tsonyo tan mamatsiny nainy. U kat to ayein tavaron fiisok tsumam, tana saa a faason ten Jisas tsumi te karap minon, an fimamangiir tsumi men isiseiny mes te karap ovei kanen.

Fafuan Timoti 2:13

Ai to te gim fi rora ma vovou iny vegiau te tsue rora, sana Ayei, vovou patsukainy non vegiau te kat Ya, tana saa, Ayei gim non ma pangis vavis vegiau Tsunia patsukanen.”

Hiburu 4:2

A kifon a ka te tsue ronyo na ka to tana saa ara nongoiny bus Vurungan Rof, faarei tsuiny rarori. Ri nongoiny vaanan, sai te nongon babainy tsuiny rori, tana saa, nainy te nongoiny rori ya, ri gima faarof iny ya er faason to.