Roum 14:9 - Saposa

⁹ tana saa, e Krais, Ayei mat of rara faarei non a pats tana fo aveto tsura, ana Ya tsun fatabin to tana mat ai tan kat to aya, Ayei faarei mito na Tsunaun tana vainy faavot, ito tsuri te mat buser ge tsuri kan to te toto farokot ror patsun puputaa tovei.

Roum 14:9 ပူးပေါင်းရင်းမြစ်များ

Matiu 28:18

Jisas fasiruu naa tsuri sa tsue na ka, “Gov faan Vanyon gumgum faavot ma tatagaa ot iny Anyon fo mamatsiny ka iny Gormirmir ai nei petoo.

Luke 24:26

Fiisia, u kuigin te tsue na Krais a Tsoiny Fiisaup ma sarei Ya na kamits tana fo mamatsiny ka to, ai vou Ya te sof naa tana pan tan siinaiv Tsunia, taava?”

Vurungan Rof Nane Jisas Krais Te Kirkir Iny E Jon 12:24

Nyo tsue faman of maromi te gim fi non fua nan wit ma reev naa tan puputaa ya te mat kaa faarei non isen tsun fua. Sai te mat non ya ayei nai fua faarei non fuan kinai, jesan kan Anyo ma mat ma kaa me na vainy a kinai a toto na suu.

Binun Tan Amaraav 10:36

Mi natiny rom vaanan to te faan iny mi ya tana taa Isrel, to te favaanan iny romin Vurungan Rof nana aaverof ten Jisas Krais tsun, Ayei na Tsunaun tana vainy faavot.

Binun Tan Amaraav 10:42

Ya tsue faparits of matuamam ma favaanan tana vainy, ai te tsue fa'arasainy of vainy Tsunia na isen te bobot e Gov ma faarei Ya na tsoiny vaatsuk tsuri te toto ror ai tsuri te mat er.

Roum 10:9

Ka te favaanan ronyo tsumi tovei: Tan nainy te tsue pokaa rom anyi matar a fokinai fiisen men sen tsun fakats tana man nana ka to, “Jisas Ayei na Tsunaun faman tsonyo,” ai to te faamainy fatsian rom anyi na ka to, “Gov fatoto fatabiny e Jisas vou na mat Tsunia,” Gov nai saup fatabin marom anyi tan aveto tsumanyi ana Ya te kat fatavaroiny manyi,

2 Korin 5:14

Tana foka te kat amam, ayein mangiir ten Krais to te sogsog maromam, tana saa mam faaman fi rom nei, Krais mat ana Ya nom to na pan tana fo kinai, to sana mam faarei mam mat men kat tan puainy mes to te katkat faamuan fi mam to te kaakaa fi mam muan.

Vaamuan Tesalonaika 4:14

Ara te faamainy e Jisas mat ana Ya tsun fatabin pis to; to sana ra faaman ror ten Gov nai mei minon a vainy to te mat fiisen me na faason tsuar Tsunia te of fatabin fiisen miror e Jisas.

Fafuan Timoti 4:1

Matan e Gov ai Krais Jisas te kat ror vaatsuk tana vainy faavot te toto farokot ror an vainy te mater, nyo sing faparits marom anyi ma favaanan iny e Krais, tana saa tana tou tabin me Tsunia ana Waan Ya.

Hiburu 12:2

Matoong fasuu fatatabin tsun naa ra ten Jisas, Ayei na kifon a faason tsura tan tatanik ana Ayei faonots faarof to na faason tsura ma matsua mira onot non tan fafakap. Ayei te kakoun of a mat tana pagafuan, kainon ito na pagafuan a kainy rejiaf, tana saa, Ayei kaa me na mamagat aaven Ya, Tsunia te naten, a mamagat to ayei, a ka Tsunia tan nainy vou; ai tovei roman Ayei gum non tana pan iny fatsiitsii na tsigtsig tan panaainy matou tan tagan ten Gov.

1 Pita 1:21

I Tsunia tsun, sa ra faamainy ror e Gov, Tsunia te fatsuiny fatabiny e Krais tana mat ana Ya fainy Towan asangan karap. To sana faason tsumi an naano anaanos onot non ma kaa fasuu tsun naa ten Gov Tsivon.

1 Pita 4:5

Sana ri nai tsutsun ror matan e Gov ri te pokei faruak fo kat te kat ari. Tsunia te kakoun en tan kat vaatsuk tan vainy te toto kaner raror an vainy te mat buser.

Vegiaun Tapokaa 1:18

Anyo na mes te kaa mirou a toto na kaa ovei! Nyo mat muan, sin tovei, tagaa, nyo toto rou tan mamatsiny nainy, a sikia ta fafakap nan. Nyo nom tap iny rou a fo popue tana mat ai to kan tana pan tan aaven tan vainy vavaajets te mat buser, koo rori, ‘Heidis.’

Vegiaun Tapokaa 2:8

Ana mes to tsue pis to na ka, “Kirkir iny a fo vegiau to tana morena te kaa non tan gum nar vainy fafaaman te kaa ror tana ngats fan iny Semena: “U vegiau to te poo fi me Tsonyo na isen a mes, Ayei na vaamuan ana Ayei na fafakap kan, to te mat ana Ya toto fatabin nato.