Roum 14:4 - Saposa

⁴ A Tsunaun Jisas Ayei na Tsoiny Tatagaa Ot tsura, ana sikia pis ta isen ta mes tsumi te toobing non ma fakats a ka te kat a mesmes a mes a fafaaman to ayei, to te kat yan iring, tana saa Tsunaun tsun Tsivon, sikia ma mi to ari, te kat rom fakats Tsuam tana ka to. Eye, Tsunaun tsura te tsue of patsukainy ya, tsunia te kat fapaparei non Ya, tana saa, a Tsunaun tsura Jisas a siireits te fafaakouts non ya tana tou kaakaa tsunia, te paparaa fi minon ya Gov.

Roum 14:4 ပူးပေါင်းရင်းမြစ်များ

Binun Tan Amaraav 11:17

Sana fifaan ten Gov tan Aaven Taabos te faan rari Ya, jesan te faan rara Ya Gov to te faamainy finy rora na Tsunaun e Jisas Krais nyo gim rou ma aspeer rari to te pisainy fin rarori Gov.”

Roum 11:23

Ai to kan tsuri na taa Isrel, to te naus osing rorin kat iny vavaajets tsuri, ri faason to ten Krais, Gov nai faan fatabin rarori na pan iny fatsiitsii tsuri ana Ya tsue pis to na ka tsuri, “Amin vainy Tsonyo,” tana saa Gov Ayei na siireits onot non ma fatap fatabin rari Tsunia,

Roum 14:3

Tan nainy te ainy pinpin non a mes a fafaaman a kainy ainy to, te sikia non ma toobing tsunia ma sigainy a mesmes a mes a fafaaman to te gim fi non ya ma famanat iny ya na puan tan ainy a fo kainy ainy gengen to. San tan nainy te sikia non a mes a fafaaman ma famanat iny a puan tan ainy kainy ainy gengen, te sikia non ma toobing tana mesmes a fafaaman to ayei ma faaroiny ya na mesmes to aya, ana ayei ma pon fi vaare nei a mesmes a mes a fafaaman to aya te kat, kat iring to, tana saa, e Gov tsun Tsivon to te pisainy bus ya ma kaa en ya tana numaa iny guei Tsunia.

Roum 16:25

Ai tovei, ara ma vamarits Ya, tana saa Ayei te faparits a aave mami to tsumi reits mirom tan vovou iny fo sanaan ten Krais. A ka tovei te tsue of ronyo na vainy tan nainy te favaanan iny ronyon Vurungan Rof nane Krais. Nyo tsue of rarori na ka te kat bus e Krais sa faakouts rara. Gov gima pokei faruak vegiaun takop nane Krais to ayei tan fuainy aatai iny muan, a sikia.

Roum 9:20

Ai tovei nyo tsue pis rou a ka to tsumi, ami kaa mirom puainy mes, mi pon fi rom nei amin vainy karap to sam pon rom ma tsue fatabin naa ten Gov? To te kat non a mes a ka, faarei non a nas kepaa, ana nas kepaa to ayei te kaa men a nguen ya, ma vegiau fatabin naa ya tana mes to ayei te kat ya, ana ayei te rangats ya, “Kat fei tsumanyi kat fi vanyo nei aya ei?”

Hiburu 7:25

Tan kat to aya, Ayei onot non ma saup fatabin ir a vainy tana asangan Ya, to te pon ror ma naa fi ten Gov, roman ai tan mamatsiny nainy, tana saa, Ayei na kaa ovei, ana Ya te faakats of ir a vainy ten Gov ma faakouts rari Ya.

1 Pita 1:5

Fo mamatsiny kan saavits iny Gormirmir Ayei faan rarora tsuran vainy to te faason ten Krais ana ran vainy to ari, Gov makok faarof rarora tana parits Tsunia onot non te tabin minon e Krais ma saup fatabiny rara Ya tana monaagits to, Tsunia te kaa iny kakoun non ma naa me tan nainy fafakap.

Noun Te Kirkir E JUT 1:24

Gov onot non ma makok faarof mami ma gotsiny vaare mi, ana Ayei onot non ma mei manaa mi matan a pan te kaa non siinaiv Tsunia am sikia ma kaa mito ta iring, mi te kaa me na mamagat tsian fiisok.